Genesis 1:2 - সান্তালী বাইবেল

² Unre dhạrti do nonkan muṭhạn bae ńamakatʼ tahẽkana, onare jiwiyanakʼ mente jãhãnakʼ cetʼge baṅ tahẽkana; ar ńut do athantar dakʼ cetanre tahẽkana. Ar Isorren Jiu do ona dakʼ cetanreye manḍrao baṛaekan tahẽkana.

Genesis 1:2 Iomraidhean Croise

Jobakʼ 26:14

Noako do uniyakʼ daṛe reakʼ ańcar kana, ar abo do eken uni reaṅ khae khoege bon ańjometʼa; uniyakʼ daṛe huḍur do okoeye bujhạu daṛeketaea?”

Jobakʼ 26:7

Utạr reakʼ rimil do phaelaoreye pasnaoeda; ar phaelao jaegare dhạrti doe aka dohoakada.

Jobakʼ 38:9

Unre rimil do uniyakʼ oyonakʼ iń hoyocoleda, ar kaṛaṅ kucạṅ ńutre gendrecʼteń bedhaoledea.

Jobakʼ 41:32

Ar ona tayomte do jhalkaokʼ kan hore bạgiyakʼ kana; athantar do ponḍ upʼ lekage hudisokʼ kana.

Sereńko 104:30

Ar amren jiuem kol lekhan doko sirjạukʼa; ar nãwã nãwã jiwite dhạrtim sajaoeda.

Sereńko 104:6

Dhạrti do kicricʼtem esetʼakatʼ leka jalapuri reakʼ dakʼtem esetʼleda; buru ar boṭkocʼ hõ ona dakʼte unum cabalena.

Sereńko 136:6

Okoe do dakʼ cetanre ote bạisạu akatʼ uni gun manao joharaepe; ente uniyakʼ dulạṛ do jaejuggetaea.

Sereńko 148:7

E dhạrtiren hoṛko ape do Probhu Isor sarhaoepe. E jalapuriren napṛakʼ napṛakʼ jiwiyanko ar jalapuri reakʼ khạndriyakʼko uni sarhaoepe.

Sereńko 33:6

Probhu Isorakʼ kathatege serma do sirjạu akana; ar ona reakʼ sanamakʼ do uniyakʼ sahẽtʼte sirjạu akana.

Kạhtukko 8:24

Tinre jãhãn jalapuri baṅ tahẽkana, ar dakʼte perecʼ jharna baṅ tahẽkana, unre iń doń janamlena.

Jesaea 31:5

Manḍraokʼkan cẽṛẽ leka, phạdkoren Probhu Isor do Jerusaleme aḍ bańcaoa. Uni do onae aḍa are rukhiyạya, onae tạnkhiya are bańcaoa.

Jesaea 45:18

Probhu Isor, okoe do sermae sirjạu akatʼ, uni kangeae Isor do; one uni dhạrti do muṭhạne emakawatʼ are benao akatʼ, unige onae bandhoakada. Ar dhạrti do ạlmạl bae benaoleda, bickom girobasokʼ lạgitʼgeye benaokeda. Uni doe meneda, “Iń kangeạń Probhu Isor do, iń chaḍa eṭagicʼ do ar cele hõ bạnuiya.

Jirimiạ 4:23

Iń do dhạrtiń beṅgetʼada; ona do ạlmạl ar khạligea; sermako secʼ iń beṅgetʼkeda, onḍe do marsal bạnukʼa.

Nạhum 2:10

Uni doe luṭ ocokʼkana, are eken ti ocokʼkana are marao ocokʼkana. Uniren hoṛkoakʼ ontor do norom akana, ar gunṭhi do lakaṛ lukuṛokʼkantakoa; onkoakʼ ḍanḍare daṛe do bạnukʼa, onko mimitʼkoakʼ mẽtʼãhã do mulin akantakoa.

2 Korinthiko 4:6

Ale do noale porcaretʼ kana, ente okoeye menletʼ tahẽkan, “Ńut khon marsal hoyokʼ ma,” Uni Isorge aboakʼ ontorreye bamberena, jemon uniyakʼ mạhima bujhạu lạgitʼ marsal sodorokʼ. Ar noa mạhimage Mạsiyakʼ mẽtʼãhãre menakʼa.

Dosar Biboron 32:11

Pajhaṛ cẽṛẽ acʼakʼ tukại ebhenetʼtae hoponko cetanre phạ̃kṛạ̃kʼe phad phadaoetʼtaea, ar cetʼleka onko cetanre uni do lap lapae uḍạukʼkan, ar cetʼleka onko rakapʼko lạgitʼ acʼakʼ phạ̃kṛạ̃kʼe lap lapakakʼkan, ar cetʼleka acʼakʼ phạ̃kṛạ̃kʼte onkoe gugu idiyetʼko.