Genesis 1:16 - সান্তালী বাইবেল

¹⁶ Isor do barea maraṅ marsale benaokeda. Onakin modre maraṅakʼ do siń cetanre ar huḍińakʼ do ńindạ cetanre rajokʼ lạgitʼe benaokeda. Ona chaḍa uni do ipilko hõe benaoketʼkoa.

Genesis 1:16 Iomraidhean Croise

Genesis 1:15

Ar onako do serma khon dhạrtite marsalokʼma.” Ar onkage hoyena.

Jobakʼ 31:26

ar siń cando reakʼ jhak jhak marsal ar ńindạ cando reakʼ terdecʼ secʼ beṅgetʼ akaeyiń tahen khan,

Jobakʼ 38:7

Unre setakʼren ipilko do mitʼ sãoteko sereńleda ar serma goḍetko do rạskạteko anḍoṛleda.

Sereńko 148:3

E siń cando ar ńindạ cando, uni sarhaoepe; E jhak jhakaokʼkan ipilko, uni sarhaoepe.

Sereńko 148:5

Onko sanamkoge Probhu Isorko sarhaoema, ente uniye hukumkeda arko sirjạuena.

Sereńko 19:6

Uni do serma reakʼ mucạtʼ khone rakabokʼa ar eṭakʼ secʼe ạcur calakʼa. Uniyakʼ dãk khon do okoe hõ bako eṛanokʼa.

Sereńko 74:16

Siń do amakʼge, hẽ ar ńindạ hõ amakʼge; siń cando, ńindạ cando ar ipilko hõ amgem ṭarhao ocoakatʼkoa.

Sereńko 8:3

Iń do amakʼ tite benaoakʼ serma secʼiń beṅgetʼeda ar onḍem ṭarhao akatʼko ńindạ cando ar ipilkoń ńeletʼkoa.

Jesaea 13:10

Unre sermaren ipilko do marsal bako emokʼa; siń candoe rakabokʼ okterehõ ńutge tahena ar ńindạ cando hõ bae terdeja.

Jesaea 24:23

Ńindạ cando doe nak kaṭakʼa ar siń cando doe lajaokʼa, ente phạdkoren Probhu Isor do Sion buru ar Jerusalemreye rajokʼa, ar onaren murubbiko do uniyakʼ ṭhonokko ńela.

Jesaea 40:26

Coṭ secʼ beṅgetʼ rakabpe ar ńelpe; noako do okoeye sirjạu akada? Unige ipilko do mimitʼ mimitʼteye oḍoketʼkoa; unige onko mimitʼko ńutum ńumkateye hohowako kana. Uniyakʼ napṛakʼtetʼ ar maraṅ daṛete onkoren mitʼṭen hõ bako adokʼ kana.

Jesaea 45:7

Ińge marsal ar ńutiń benao akada; ińge bhạlạiyiń ạguiyeda ar ińge ghoṭnań sirjạueda. Iń Probhu Isorge niạkoń nonkayeda.

Jirimiạ 31:35

Okoe do sińre siń cando, ńindạ do ńindạ cando ar ipilko marsal emokʼ lạgitʼe hukumako, ar okoe do jalapuriye lebḍayetʼkan jemon onako reakʼ ḍheoko hud hudạukʼ, ar okoeyakʼ ńutum do phạdkoren Probhu Isorkan,

Habakkuk 3:11

Amakʼ ạphir calakʼkan sar reakʼ jhalkaote ar bijli leka amakʼ borlom reakʼ jhak jhakte sermare siń cando ar ńindạ cando dokin teṅgo hapeyena.

Mathae 24:29

“Onako din reakʼ santao tayomge siń cando doe ńutokʼa, ar ńindạ cando do bae terdeja, ipilko hõ coṭ khonko ńurokʼa ar siń cando, ńindạ cando, ar ipilko do bako ṭarhao tahena.

Mathae 27:45

Enhilokʼ tikin gelbar baja khon pe baja hạbicʼ goṭa disạm do ńutge tahẽyena.

1 Korinthiko 15:41

Siń cando reakʼ ṭhonok mitʼ leka, ńindạ cando reakʼ ṭhonok eṭakʼ leka ar ipilko reakʼ ṭhonok hõ ar mitʼ leka; ente ipil ipilre ṭhonok do judạ judạgea.

Dosar Biboron 4:19

Serma secʼ beṅgetʼkate siń-cando, ńindạ-cando ar ipilko, metakʼme coṭ sermare menakʼakʼ jiniskote apeakʼ mẽtʼ do alo baṛe bulạukʼtapema ar dhạrtiren sanam jạtrenko cetanre emakʼ aperen Probhu Isorakʼ noa jinisko reakʼ alope sewawakʼa.

Johan sodor 21:23

Ona nagrahare marsalokʼ lạgitʼ siń cando se ńindạ cando reakʼ jạruṛ do bạnukʼa, ente Isorakʼ ṭhonokge onḍe doe marsala ar Bheḍa Hopon kangeae onḍenicʼ diuhe do;