Genesis 1:12 - সান্তালী বাইবেল

¹² Ot reakʼ ghãsko, ar itạ menakʼ nonkan sanam lekan anaj ar aṛakʼ sakamko, baha dareko ar sanam lekan jo dareko janamokʼma; ar onako reakʼ itạko hõ tahenma. Isore ńelkeda ona do ạḍi mońjge hoyakana.

Genesis 1:12 Iomraidhean Croise

Genesis 1:11

Ona tayom Isore menkeda, “Ot cetanre ghãsko janamokʼma; ar nonkan aṛakʼ sakam ar dareko hoyokʼma ar onako reakʼ itạko tahenma. Ot cetanre eṭakʼ eṭakʼ jo dareko janamokʼma ar onako hõ jo bahakʼma; ar onako reakʼ itạko tahenma.” Ar onkage hoyena.

Genesis 1:13

Nonkage ạyupʼena ar setakʼena, ar ona do tesarakʼ din hoyena.

Sereńko 104:14

Am do ạsul janwarko lạgitʼ ghãs ar manwakoakʼ cas lạgitʼ phosolem janam ocoyeda, jemon uni do ona hasa khon acʼlạgitʼ jomakʼe ńam daṛeakʼ.

Jesaea 61:11

Otre cetʼleka kahleko omon oḍokokʼ ar bagwanre cetʼleka erakʼko hõ janamokʼ onkage Probhu Isor do sanam jạtrenko samaṅre dhorom ar sarhao reakʼ kahleye omon ocoya.

Mark 4:28

Hasa do acʼtege phosole janam ocokeda, pạhil do gạchi, ona tayom gele ar gelere do danage.

Luk 6:44

Jo tege dare do oromokʼa. Jạnum jhạuạ khon loa ar jạnumanakʼ dare khon darkha jo do bako goda.

2 Korinthiko 9:10

Cacasicʼ lạgitʼ itạ ar jom lạgitʼ piṭhạ okoeye kulạu juṛạuetʼ, uni do erokʼ lạgitʼ itạ hõe kulạuapea are baḍhao ocoytapea; ar apeakʼ dhorom reakʼ phosole borket ocoytapea.

Galathiko lạgitʼ Pạul Apostolakʼ ciṭhi 6:7

Ape do alope bulạukʼa, Isor do ohoe siṛog ocolena; ente okoe okaṭakʼe era; uni do inạgeye ira.

Ibriko 6:7

Okaṭakʼ ot do ạḍi dhao jạṛi dakʼ ańjetʼkate cacasko lạgitʼ jạruṛakʼ aṛakʼ sakamkoe omon ocoyetʼ ona ot do Isorakʼ bhore ńameda.