Genesis 1:11 - সান্তালী বাইবেল

¹¹ Ona tayom Isore menkeda, “Ot cetanre ghãsko janamokʼma; ar nonkan aṛakʼ sakam ar dareko hoyokʼma ar onako reakʼ itạko tahenma. Ot cetanre eṭakʼ eṭakʼ jo dareko janamokʼma ar onako hõ jo bahakʼma; ar onako reakʼ itạko tahenma.” Ar onkage hoyena.

Genesis 1:11 Iomraidhean Croise

Genesis 1:12

Ot reakʼ ghãsko, ar itạ menakʼ nonkan sanam lekan anaj ar aṛakʼ sakamko, baha dareko ar sanam lekan jo dareko janamokʼma; ar onako reakʼ itạko hõ tahenma. Isore ńelkeda ona do ạḍi mońjge hoyakana.

Genesis 1:29

Ona tayom Isore menkeda, “Ńelben, Ot cetan reakʼ sanam aṛakʼ sakamko ar sanam lekan dareko ar jo bahako reakʼ itạko hõń emena. Noakoge abenakʼ jomakʼ do hoyokʼa.

Genesis 2:16

Ar Probhu Isor do manwa hukumadeteye metadea, “Am do noa bagwan reakʼ jãhãṭakʼ dare reakʼ jogem jom daṛeakʼa;

Genesis 2:9

Ar onḍe uni do nonkanakʼ darekoe janam ocokeda one oka do ńelokʼte mońj ar onako reakʼ joko hõ sebelge tahẽkan. Ona chaḍa bagwan talare uni do “Jion dare” ar “Boge bạṛicʼ dare” ńutumanakʼ barea dare hõe janam ocokeda.

Jobakʼ 28:5

Okaṭakʼ otre phosol janamokʼkan, ona ot latarrege manwa do seṅgel jolkateko ulṭạ ulṭiyetʼkana.

Sereńko 1:3

Uni do ạtukʼ dakʼ aṛere rohoe akan dare leka kanae, one ona do okte nạpitre jokʼkan, ar ona reakʼ sakamko hõ baṅ tolmojokʼ; uni do jotowakʼ kạmiregeye jo bahakʼkana.

Sereńko 147:8

Uni do rimilte sermae esetʼeda; ar dhạrti lạgitʼ dakʼe koleda ar burure ghãse janam ocoyeda.

Jesaea 61:11

Otre cetʼleka kahleko omon oḍokokʼ ar bagwanre cetʼleka erakʼko hõ janamokʼ onkage Probhu Isor do sanam jạtrenko samaṅre dhorom ar sarhao reakʼ kahleye omon ocoya.

Jirimiạ 17:8

Uni do dakʼ aṛere rohoe akan dare lekanae one ona reakʼ rehetʼ do gaḍa hạbicʼ ạtiń senokʼkan. Setoṅ din hecʼlenre uni do bae botorokʼa; uniyakʼ sakam do jao okte hạriạṛge tahentaea. Akal bochorre hõ bae dạndikʼa ar jao oktegeye jo bahakʼa.

Mathae 3:10

Dare gonḍarege ṭeṅgocʼ do ṭenḍar dohoakana. Oka dare bhage baṅ jokʼ ona do makʼ giḍikʼte seṅgelre khadle ocokʼa.

Mathae 6:30

Ado ṭạnḍi reakʼ ghãs teheń oka menakʼ, ona do gapa culhạre khadle ocokʼre hõ, Isor nonkae sajaoetʼ khan E nase pạtiạukʼko, unre ape do cetʼ artetʼ bạ̃ṛti bae sajpea!

Mark 4:28

Hasa do acʼtege phosole janam ocokeda, pạhil do gạchi, ona tayom gele ar gelere do danage.

1 Korinthiko 15:38

Menkhan Isor do acʼakʼ monejoṅ leka ona itạre hoṛmoe emakʼ kana. Uni do acʼakʼ kusi lekage mimitʼ itạre hoṛmoe emakʼ kana.

Ibriko 6:7

Okaṭakʼ ot do ạḍi dhao jạṛi dakʼ ańjetʼkate cacasko lạgitʼ jạruṛakʼ aṛakʼ sakamkoe omon ocoyetʼ ona ot do Isorakʼ bhore ńameda.

Jakob 3:12

E boehako, loa darere jạitun do cetʼ jo daṛeakʼgea? Se darkha nạ̃ṛĩre cetʼ loa jo do jokʼgea? Onkage raham dakʼre heṛem dakʼ do baṅ ńamokʼa.