Genesis 1:10 - সান্তালী বাইবেল

¹⁰ Isor do ona rohoṛ jaega reakʼ ńutum do ote dohokeda, ar jarwa akan dakʼ do jalapuriye metatʼa. Isore ńelkeda ona do ạḍi mońjge hoyakana.

Genesis 1:10 Iomraidhean Croise

Sereńko 104:31

Probhu Isorakʼ ṭhonok do jaejug hạbicʼ tahenma; uni do acʼakʼ kạmireye rạskạkʼ kana.

Sereńko 146:6

Probhu Isor do serma ar ot ar jalapuri ar onare menakʼ jotowakʼe sirjạu akada; uni do jaejug hạbicʼe pạtiạrgea.

Sereńko 33:7

Uni do jalapuri reakʼ dakʼkoe jarwa ocoyetʼa, ar judạ judạ murạikore onako dakʼe dohoyeda.

Sereńko 95:5

Jalapuri hõ uniyakʼ kangea, ente unige ona doe benao akada; ar ot hõ uniyakʼ titege benao akana.

Jona 1:9

Jonae roṛ ruạṛkeda, “Iń do mitʼṭen Ibri hoṛ kạnạń. Iń do sermaren Probhu Isoriń sewawae kana. Unige jalapuri ar ot doe benaoakada.”

Dosar Biboron 32:4

“Uni kangeae asray buru do, uniyakʼ kạmi do sạbitgetaea; uniyakʼ sanam horko do hok reakʼ kana. Uni do ṭekʼhãḍicʼ Isor kanae, unire jãhãn behokakʼ do bạnukʼanaṅ; uni do sạri are dhoromgea.