Genesis 1:1 - সান্তালী বাইবেল

¹ Etohopʼre Isor do ot ar sermae sirjạukeda.

Genesis 1:1 Iomraidhean Croise

2 Rapajko 19:15

Ar Hiskiạ do Probhu Isor ṭhen noae koekeda, “E Probhu Isor Israelkoren raj, am do Kerubkin talarem tahẽnkana, ar am eskarge dhạrtiren sanamakʼ rajosṭiren Isor kanam. Am do serma ar otem benao akada.

1 Bõsbudạ 16:26

Eṭakʼ eṭakʼ jạtren debotako doko ạuṛiyakʼgea, menkhan Probhu Isor do maraṅ serma sirjạuicʼ kanae.

2 Bõsbudạ 2:11

Turren raj Hirạm do Solomon niạ ciṭhiye ol ruạṛadea, “Probhu Isor do acʼren hoṛkoe dulạṛetʼkoa ar onatege am doe raj akatʼmea.”

Nehemiạ 9:6

Eken amkangeam aleren Probhu Isor do. Amge serma, maraṅ serma ar onare menakʼ jotowakʼko, dhạrti ar ona cetanre menakʼ jotowakʼko, jalapuri ar onare menakʼ jotowakʼkom sirjạu akada. Amge sanamko jiwim emakawatʼkoa ar sermaren sanamkoge amko sewawam kana.

Jobakʼ 26:13

Uniyakʼ sahẽtʼte sermako do nirola saphakʼ kana; uniyakʼ tikin do ńir paskaokʼkan bińe sobokʼ tabekana.

Jobakʼ 38:4

Dhạrti reakʼ rehetʼ iń benao jokhecʼ am do okarem tahẽkana? Amakʼ bud menakʼ khan enḍekhan lạiyạńme.

Jobakʼ 9:8

Uni do eskarte sermakoe pasnaoeda ar jalapuri reakʼ ḍheoko cetanteye taṛameda.

Sereńko 102:25

Sedae jugre am do dhạrti reakʼ rehetʼem bạisạu akada; ar serma hõ amakʼ titegem benao akada.

Sereńko 104:24

E Probhu Isor, am do ạḍi utạrakʼkom sirjạu akada; ar amakʼ akelte onako dom benao akada; amakʼ sirjạuakʼ jiniskotege dhạrti do perecʼ akana.

Sereńko 104:30

Ar amren jiuem kol lekhan doko sirjạukʼa; ar nãwã nãwã jiwite dhạrtim sajaoeda.

Sereńko 115:15

Probhu Isor, okoe do ot ar sermae sirjạu akatʼ, unige ape doe bhorapema.

Sereńko 121:2

Ot ar sermaren sisirjạuicʼ Probhu Isor khonge ińakʼ goṛo do hijukʼa.

Sereńko 124:8

Probhu Isor, okoe do ot ar sermae sirjạu akatʼ uni ṭhen khonge aboakʼ goṛo do hijukʼa.

Sereńko 134:3

Ot ar sermaren sisirjạuicʼ Probhu Isor do Sion khone bhor apema.

Sereńko 136:5

Okoe do acʼakʼ bujte sermae benao akatʼ uni gun manao joharaepe; ente uniyakʼ dulạṛ do jaejuggetaea.

Sereńko 146:6

Probhu Isor do serma ar ot ar jalapuri ar onare menakʼ jotowakʼe sirjạu akada; uni do jaejug hạbicʼe pạtiạrgea.

Sereńko 33:6

Probhu Isorakʼ kathatege serma do sirjạu akana; ar ona reakʼ sanamakʼ do uniyakʼ sahẽtʼte sirjạu akana.

Sereńko 33:9

Ente uni doe menkeda ar sanamakʼ do sirjạuena; uni doe hukumkeda ar sanamakʼ tearena.

Sereńko 8:3

Iń do amakʼ tite benaoakʼ serma secʼiń beṅgetʼeda ar onḍem ṭarhao akatʼko ńindạ cando ar ipilkoń ńeletʼkoa.

Sereńko 8:4

Unreń hudisa, manwa doe celekante, uni reakʼem dạndikʼkana? Ar Manwa Hopon baṅe celekan, onate uniyakʼ kom moneyakʼkana?

Sereńko 90:2

Buru boṭkocʼ ạuri sirjạukʼre, dhạrti ar pirthimi ạuri sirjạukʼre, ona laha khon jaejug hạbicʼ am kangeam Isor do.

Sereńko 96:5

Eṭakʼ eṭakʼ jạtren debotako doko ạuṛiyakʼgea, menkhan Probhu Isor do maraṅ serma sirjạuicʼ kanae.

Exodus 20:11

Probhu Isor do turui dinre serma ar ot ar jalapuri ar onare menakʼ jotowakʼe sirjạukeda, menkhan eae din hilokʼ doe jirạuena. Ona iạte Probhu Isor do ona dine bhoratʼa ar acʼ lạgitʼe begar dohokada.

Exodus 31:18

Sinại buru cetanre Mose ṭhen niạko kathae roṛ mucạtʼketʼ khan Probhu Isor do goha reakʼ barea dhiri cạktiye emadea. Isor do noakin dhiri cạktire acʼakʼ kạṭupʼte hukume olleda.

Kạhtukko 16:4

Probhu Isor do jotowakʼe benao akada ona reakʼ nij jos lạgitʼ; Ar bedhoromicʼ hõ ghoṭna din lạgitʼ.

Kạhtukko 3:19

Probhu Isorakʼ ạkilte dhạrti do bạisạu akana, ar uniyakʼ bujte serma doe bandhao akada.

Sosolhayic̕ 12:1

Amakʼ juạn oktere amren sisirjạuicʼ hõ disạyem, ente amakʼ haṛam umer reakʼ dinko hijukʼ kana, metakʼme, duk reakʼ dinko hijukʼ kana, one unrem men, “Niạ haṛam umerre onako do bạń hạ̃sakʼ kana.”

Jesaea 37:16

“E Probhu Israelkoren raj, am do Kerubkin talarem tahẽnkana, ar am eskarge dhạrtiren sanamakʼ rajosṭiren Isor kanam. Am do serma ar otem benao akada

Jesaea 40:21

Ape do cetʼ bape baḍaea? Ape do cetʼ bape ańjomeda? Pạhil khonge cetʼ onako katha do baṅ lại akawatʼpea? Dhạrti rehedokʼ khonge cetʼ bape bujhạu akada?

Jesaea 40:26

Coṭ secʼ beṅgetʼ rakabpe ar ńelpe; noako do okoeye sirjạu akada? Unige ipilko do mimitʼ mimitʼteye oḍoketʼkoa; unige onko mimitʼko ńutum ńumkateye hohowako kana. Uniyakʼ napṛakʼtetʼ ar maraṅ daṛete onkoren mitʼṭen hõ bako adokʼ kana.

Jesaea 40:28

Aben do cetʼ baben baḍaea? Aben do cetʼ baben ańjomakada? Probhu Isor okoe doe jaejugren Isorkan, okoe do dhạrti reakʼ mucạtʼ simạko hõe benao akatʼ, uni do bae laṅgakʼa, ar bae nijorokʼa, uniyakʼ ạkil reakʼ khạndritetʼ do celehõ bako jokha daṛeakʼa.

Jesaea 42:5

Probhu Isor do serma sirjạukateye bel akada; uni do dhạrti ar onare oka janamokʼ onakoe aṭetʼ akada; uni do onare tahenkan hoṛko sãhetʼe emako kana ar onḍe okoeko dãṛãnkan onko do jiue emakokana. Uniye meneda,

Jesaea 44:24

Amren Probhu Isor, okoe doe amren chakʼḍaoicʼ kan, ar okoe do kukhireye gaṛhaoletʼme uniye meneda, “Iń kangeạń Probhu Isor do; ińge jotowakʼ iń sirjạuakada. Iń do sermań aṭetʼ akada ar ińge prithimiń pasnao akada.

Jesaea 45:18

Probhu Isor, okoe do sermae sirjạu akatʼ, uni kangeae Isor do; one uni dhạrti do muṭhạne emakawatʼ are benao akatʼ, unige onae bandhoakada. Ar dhạrti do ạlmạl bae benaoleda, bickom girobasokʼ lạgitʼgeye benaokeda. Uni doe meneda, “Iń kangeạń Probhu Isor do, iń chaḍa eṭagicʼ do ar cele hõ bạnuiya.

Jesaea 51:13

Ar ape okoeye sirjạu akatʼpe uni do cedakʼpe hiṛińkedea? Uni do sermae pasnao akada ar dhạrti reakʼ rehetʼe bạisạu akada. Cikʼpạyicʼakʼ kurkurạukʼ edrete cedakʼ ape do siń sạṭupʼpe torasokʼ kana? Uni cikʼpạyicʼakʼ edre do botoranakʼ cetʼ hõ baṅkana.

Jesaea 51:16

Ińakʼ kathako do apeakʼ mocareń emakada ar ińakʼ ti reakʼ umulreń danaṅ akatʼpea. Serma do acʼakʼ jaegareń dohoakada ar dhạrti do rehetʼ iń bạisạu akada. Ar Sion doń men akawadea, ‘am dom ińren hoṛ kana.’ ”

Jesaea 65:17

“Ńelpe, iń do nãwã serma ar nãwã dhạrtiń sirjạua. Lahateakʼ do baṅ disạkʼa. Ar monre hõ baṅ rakapʼa.

Jirimiạ 10:12

Probhu Isor do acʼakʼ daṛete dhạrtiye sirjạu akada, ar acʼakʼ ạkiltege pirthimi reakʼ rehetʼe bạisạu akada ar uniyakʼ bujte sermae pasnao akada.

Jirimiạ 32:17

‘E Probhu Isor, am do amakʼ maraṅ daṛete ar amakʼ daṛeanakʼ tite serma ar otem benao akada. Am ṭhen bin leṭecʼakʼ do cetʼge bạnukʼanaṅ.

Jirimiạ 51:15

Probhu Isor do acʼakʼ daṛete dhạrtiye sirjạu akada, ar acʼakʼ ạkiltege pirthimi reakʼ rehetʼe bạisạu akada ar uniyakʼ bujte sermae pasnao akada.

Sakariạ 12:1

Noa kangea Israel babotre Probhu Isorakʼ katha do. Probhu Isor, one okoe do sermae aṭetʼ akatʼ, okoe do dhạrti reakʼ rehetʼe bạisạu akatʼ, okoe do manwa bhitrire Jiue sirjạuakawade, uniye meneda,

Mathae 11:25

Ona tayom Jisui menkeda, “E Baba, ot ar sermaren Probhu Isor. Amiń sarhaoetʼmea, ente am do ạkilan ar budanko ṭhen khon noako reaṅ dom oko dohoakada, menkhan kạṭicʼ gidrạ lekanko ṭhen dom sodor akada.

Mark 13:19

ente unre nonkan santaoko hoyokʼa one oka do dhạrti sirjạu khon ńit hạbicʼ baṅ hoyakan ar ona tayom do ar baṅ hoyokʼa.

Aposkạmi 14:15

“E ho gateko, ape do cedakʼ noakope onkayeda? Ạliń hõ coṅ ape leka duk suk jojom manwakange liń. Ạliń do ape ṭhen bhage sombat liń porcareda jemon noa ạuṛiyakʼko khon jiwetʼ Isor secʼpe, ạcurokʼ. Unige serma ar ot ar jalapuri ar onare menakʼ jotowakʼe sirjạu akada.

Aposkạmi 17:24

“Isor, one uni dhạrti ar onare menakʼ jotowakʼe benao akatʼ, unige serma ar dhạrtiren Probhu Isor kanae. Uni do tite benaoakʼ okaṭakʼ mundilre hõ bae tahenkana.

Aposkạmi 4:24

Noa katha ańjomkate onko do mitʼ monte Isor ṭhen nonkako koekeda,” E Probhu Isor, am do serma ar ot ar jalapuri ar onare menakʼ jotowakʼem sirjạu akada.

Romiko lạgitʼ Pạul Apostolakʼ ciṭhi 11:36

Ente jotowakʼge coṅ uni khon ar uni hotetege hijukʼkan ar sanamakʼ do uni lạgitʼ kangea. Uniyakʼge jaejug ṭhonok hoyokʼtae ma. Amen.

1 Korinthiko 8:6

Enrehõ abo lạgitʼ do mitʼ goṭenge Isor menaea. Unige Baba do; ar uni ṭhen khonge jotowakʼ do hecʼakana ar uni lạgitʼge jiwetʼ menakʼ bona. Aboren Probhu Isor doe mitʼ goṭengea, uni do Probhu Mạsige. Uni hotetege jotowakʼ do hecʼakana ar uni hotetege jiwetʼ menakʼbona.

Ephesiko lạgitʼ Pạul Apostolakʼ ciṭhi 3:9

Ona chaḍa uniyakʼ danaṅakʼ okalekate kạmire lagao hoyokʼa ona sodor reakʼ dạyik hõ ińreye emakada. Sanamakʼren sisirjạuicʼ Isor do nunạkʼ din hạbicʼ acʼakʼ ona monsubại oko dohoakatʼ tahẽkana.

Ibriko 1:10

Isor do arhõe menakada, “E Probhu Isor, am do etohopʼrege dhạrti reakʼ rehetʼem bạisạu akada; ar serma hõ amakʼ titegem benao akada.

Ibriko 1:2

Menkhan sesa sisi dinkore uni do acʼren Hopon hotete abokoe galmarao akatʼbona. Isor do acʼren Hopon sanamakʼren ạidạri hoyokʼ lạgitʼe dohokedea. Ar Hopon hotetege uni do sanamakʼe sirjạukeda.

Ibriko 11:3

Ar biswạs hotetege bon bujhạu daṛeakʼ kana je, Isorakʼ moca reakʼ kathate noa dhạrti do sirjạulena. Onate bujhạukʼ kana, abo okaṭakʼ bon ńel ńametʼkan ona do jãhãn ńelakʼ jinis khon do baṅ sirjạu akana.

Ibriko 3:4

Mitʼke mitʼ oṛakʼ do jãhãe baṅ jãhãe hotete benaokʼ kana, menkhan Isorge sanamakʼ doe benaoakada.

2 Patras 3:5

Noko hoṛ do dikhitegeko hiṛińeda baṅma, sedaere Isorakʼ kathatege serma do sirjạulena ar dakʼte ar dakʼ khonge dhạrti hõ sirjạulena mente.

1 Johan 1:1

Okoe pạhil khongeye tahẽkan, ar okoeyakʼ moca reakʼ kathale ańjom akatʼ, okoe nij mẽtʼtele ńel akade, okoe do mońj okocʼtele ạri bạndhi akade, okoe do nij titele joṭetʼ akade, ona jion reakʼ kathage nonḍeń oleda.

Johan sodor 10:6

Ar jaejug hạbicʼ jiwetʼ menae sermako, otko, jalapuriko ar onakore menakʼ sanamakʼe sirjạuakatʼ, uniyakʼ ńutumte kiriạkate uni serma goḍet doe menkeda, “Ar baṅ bilomokʼa.

Johan sodor 14:7

Uni do ãṭ aṛaṅte noa kathae menetʼ tahẽkana, “Isor botoraepe ar uni sarhaoepe, ente bicạr reakʼ okte do seṭerakana. Okoe dhạrti, serma, jalapuri, doreão ar jharna dakʼkoe sirjạu akatʼ uni sewawaepe.”

Johan sodor 21:6

Uni do arhõe metadińạ, “Hoyena. Ińge Alpha ar Omega, etohopʼ ar mucạtʼtetʼ. Okoe tetaṅ edekan uni do jiwetʼ dakʼ reakʼ jharna khon begor damteń ńũ ocoyea.

Johan sodor 22:13

Ińge Alpha ar Omega, pạhilicʼ ar sesicʼ, etohopʼ ar mucạtʼicʼ do.

Johan sodor 3:14

“Laodikiạ nagraha reakʼ manḍerren goḍet ṭhen noa ciṭhi olme, “Okoe do Amen, ar okoe do pạtiạricʼ are sạri goha kan, ar okoe doe Isorakʼ sirjonren etohopʼicʼkan, uni do noa kathae meneda: iń do amakʼ kạmiko reakʼ iń baḍaea.

Johan sodor 4:11

“E aleren Probhu Isor, amge man ar ṭhonok ar daṛe ńam lek kanam, ente amge jotowakʼem sirjạu akada; ar amakʼ monejoṅakʼ lekage onako do sirjạu akana ar ṭikạu menakʼa.”