Galathiko lạgitʼ Pạul Apostolakʼ ciṭhi 5:4 - সান্তালী বাইবেল

⁴ Ạn-ạriko pańjaete okoe do Isor ṭhen dhorom ocokʼpe menjoṅkan ape do Mạsi khonpe getʼ begar akana, ar Isorakʼ daya khonpe ocokʼ akana.

Santali Common Language New Testament

⁴ Ạn-ạriko pańjaete okoe do Isor ṭhen dhorom ocokʼpe menjoṅkan ape do Mạsi khonpe getʼ begar akana, ar Isorakʼ daya khonpe ocokʼ akana.

Galathiko lạgitʼ Pạul Apostolakʼ ciṭhi 5:4 Iomraidhean Croise

Romiko lạgitʼ Pạul Apostolakʼ ciṭhi 11:6

Isor do dayategeye bachao dohoakatʼko khan, enḍekhan ona do jãhãn kạmi reakʼ jo do baṅkana. Ar onkage hoylen khan daya do daya mente baṅ tahẽkokʼa.

Romiko lạgitʼ Pạul Apostolakʼ ciṭhi 3:20

Ạn-ạri manao lekhange Isor do manwa dhorom menteye ataṅkoa ona do baṅa, menkhan ạn hotetege manwa do acʼakʼ kại reaṅ cehaonae ńameda.

Galathiko lạgitʼ Pạul Apostolakʼ ciṭhi 2:21

Isorakʼ noa daya do bạń ạuṛiyakʼ ocoya, ente ạn-ạri manaote manwa do Isor ṭhen dhorome hoyokʼ khan enḍekhan Mạsi do ạuṛiyakʼgeye gocʼlena.”

Galathiko lạgitʼ Pạul Apostolakʼ ciṭhi 5:2

Ńelpe, iń Pạul do apeń metapekana, apepe khatnakʼkan khan enḍekhan Mạsire jãhãn kuṛại do bạnukʼtapea.

Ibriko 12:15

Ńelpe, okoe hõ jemon Isorakʼ daya khon aloko eṛanokʼ. Ar hewer haṛhatʼ dare reakʼ rehetʼ leka omon rakabokʼte okoe hõ jemon duk janam ocoyte ḍher hoṛ aloko bhonḍko.

Ibriko 4:1

Isorakʼ jirạu joṅ jaegate bolokʼ reakʼ oka gokʼakʼ tahẽkan ona gokʼakʼ do ńit hõ abo lạgitʼ menakʼgea. Onate abo do sontorakae tahen jạruṛ tabona, jemon okoe hõ ona gokʼakʼ reakʼ bhor khon bin lek mente aloe ńamokʼ.

Johan sodor 2:5

Hudiskate ńelme, am do tinạkʼ usul khon tinạkʼ latartem pheḍakana. Noa khon mon ạcurtam ar lahate okakom kạmikan tahẽkan onare ruạṛme. Ar mon bam ạcurletam khan enḍekhan am ṭhen hecʼkate amakʼ diuhe dohowakʼ do ona jaega khoniń ocoga.