Galathiko lạgitʼ Pạul Apostolakʼ ciṭhi 3:16 - সান্তালী বাইবেল

¹⁶ Abraham ar uniren bõsko ṭhen Isor doe gokʼleda. Sonot sostor do bae menakada, “Bõsko ṭhen,” Metakʼme ạḍi utạr bõsrenko ṭhen, bickome menakada, “Amren bõsko ṭhen” Metakʼme mitʼ bõsrenko ṭhenge, ar uni bõsren Hopon doe hoyokʼ kana Mạsige.

Santali Common Language New Testament

¹⁶ Abraham ar uniren bõsko ṭhen Isor doe gokʼleda. Sonot sostor do bae menakada, “Bõsko ṭhen,” Metakʼme ạḍi utạr bõsko ṭhen, bickome menakada, “Amren bõsko ṭhen” Metakʼme mitʼṭen bõs ṭhen, ar uni bõsren Hopon doe hoyokʼ kana Mạsige.

Galathiko lạgitʼ Pạul Apostolakʼ ciṭhi 3:16 Iomraidhean Croise

Genesis 12:3

Okoe amko bhoram iń hõ onkoń bhorakoa ar okoe amko sarapam onko hõ ińiń sarapakoa. Ar am iạtege dhạrtiren sanam jạtrenko do bhorko ńama.”

Genesis 12:7

Tayomte Probhu Isor do Abram ṭhen ńel ocoyenteye metadea, “Iń do noa disạmge amren bõskoń emakoa.” Unre Abraham do uniye ńel ocoyen Probhu Isor lạgitʼ onḍe mitʼṭecʼ pinḍe benaokeda.

Genesis 15:5

Tayomte Probhu Isor do Abram bahrete idikedeteye metadea, “Serma secʼ beṅged me arem daṛeakʼ khan ipilko lekhakom. Am bõsren hoṛ do onko ipil leka alekhako hoyokʼa.”

Genesis 21:12

Menkhan Isor do uniye metadea, “Amren kạ̃ṛmĩ ar uniren gidrạ iạte mon do alom bạṛijtama. Sara okaṭakʼe menakatʼme am do onage onkaeme, ente Isahakren bõskoge amren bõs menteko lekhakʼa.

Genesis 49:10

Ar Silote uni ạuriye hijukʼ hạbicʼ jạt jạtrenko uniyakʼ hukum ạuriko bataotae hạbicʼ, uniyakʼ raj ṭheṅga do Jihudạ bõsrege tahena; ar cakʼlao ṭheṅga do uniyakʼ gunṭhikin talare.

Mathae 1:1

Jisu Mạsi do Dạudakʼ bõsren ar Dạud do Abraham bõsren hoṛe tahekana. Jisu Mạsiyakʼ bõsbudạ do nonkaleka.

Aposkạmi 3:25

ar ape ma onko nạbikoren bõsko kanpe. Aperen hapṛamko lạgitʼ Isor okae bondobos akatʼ tahẽkan, ape hõ coṅ onaren bhạgiyạdarko kanpe. Isor do Abraham noa kathateye bondobos akawade tahẽkana, ‘am bõsren hotete dhạrtiren sanam jạtrenko do bhorko ńama.’

Romiko lạgitʼ Pạul Apostolakʼ ciṭhi 12:5

ṭhik onkage abo do lekhare bon ḍhergere hõ Mạsire bon mitʼ akante mitʼ hoṛmoge bon hoyakana. Ar abo mimitʼko do eṭakʼkoakʼ hoṛmo hạṭińko kana bon.

Romiko lạgitʼ Pạul Apostolakʼ ciṭhi 4:13

Abraham ar uniren bõsko ṭhen Isor doe gokʼleda je, noa dhạrti do Abrahamakʼge hoyokʼa. Ạn-ạriko pańjaete do baṅ, menkhan biswạs hotete uni do dhorom menteye lekhayena ar onatege ona gokʼakʼ do doholena.

Romiko lạgitʼ Pạul Apostolakʼ ciṭhi 4:16

Onate manwakoakʼ biswạste noa gokʼakʼ do purạuakana, jemon noa do Isorakʼ daya reakʼ dan hoyokʼ. Onate Abraham bõsrenko lạgitʼ noa gokʼakʼ do khạṭige purạukʼa. Noa gokʼakʼ do eken ạn-tạriren hoṛko lạgitʼ purạukʼa ona do baṅ, menkhan okoeko hoṛ do Abraham leka inạ mitʼ pạtiạureko pạtiạu akan onko lạgitʼ hõ noa gokʼakʼ do khạṭige purạukʼa.

Romiko lạgitʼ Pạul Apostolakʼ ciṭhi 9:4

Onko ma Israel jạtren hoṛ kanako. Isor do hopon hoyokʼ reakʼ ạidạriye em akawatʼkoa, uni do acʼakʼ ṭhonoke udukʼ akawatʼkoa, onko lạgitʼ bondobose dohoakada, ạn-ạrikoe emakada, acʼ sewawae reakʼ ponthae emakana ar ạḍi utạr gokʼakʼ hõe gokʼ akawatʼkoa.

1 Korinthiko 12:12

Mitʼṭen hoṛmore cetʼleka aema hạṭińko tahen ar ona hạṭińko ḍhergere hõ cetʼleka mitʼṭen hoṛmoge hoyokʼkan, Mạsi hõ ṭhik onkage.

1 Korinthiko 12:27

Ape do Mạsiyakʼ hoṛmo kanape, ar mimitʼ hoṛ do ona hoṛmoren hạṭińkoge.

2 Korinthiko 11:22

Okoeko sarhaokʼkan onko do cetʼ Ibri kanako? Iń hõ kangeạń. Onko do cetʼ Israel kanako? Iń hõ kạnạń. Onko do cetʼ Abrahamren bõs kanako? Iń hõ kạnạń.

Galathiko lạgitʼ Pạul Apostolakʼ ciṭhi 3:19

Enḍekhan cetʼ lạgitʼ ạn do? Ona do manwae kạiyetʼkante Isorakʼ gokʼakʼ tulucʼ em juṭucʼena. Ar okoe reaṅe gokʼ dohoakatʼ tahẽkan uni Abrahamren bõs ạuriye hijukʼ hạbicʼ bahal tahen lạgitʼ iạte ạn-ạriko do emlena. Serma goḍetko hotete mitʼṭen dene banarrenicʼ hotete noa ạn do bahal tahẽkana.

Galathiko lạgitʼ Pạul Apostolakʼ ciṭhi 3:8

Sonot sostorre laharege olakan tahẽkana, biswạs iạtege Isor do boṅgan hoṛ jạtrenko dhorom menteye aṅgockoa. Abraham do noa kathage bhage sombat menteye baḍae ocolen tahẽkana, “Am hotetege sanam jạtrenko do bhorko ńama.”

Ephesiko lạgitʼ Pạul Apostolakʼ ciṭhi 5:32

Noa okoakʼ do maraṅgea, menkhan iń do Mạsi ar uniyakʼ manḍer reaṅ kathageń roṛeda.

Kolossiko lạgitʼ Pạul Apostolakʼ ciṭhi 2:19

Onko do kajakte mathatetʼ, metakʼme Jisu Mạsi do bako sapʼ dohoyede kana, menkhan ona matha reakʼ ạyurte goṭa hoṛmo do jaṅ ar jel reakʼ tol midokʼkante Isorakʼ sana leka hara idikʼkana.

Kolossiko lạgitʼ Pạul Apostolakʼ ciṭhi 3:11

Nonkate boṅgan hoṛ jạtrenko talare se Jihudiko talare, khatna se bin khatna ocoakanko talare, osobbho, nicạṛ jạtrenko, golam se sạdhinko talare jãhãn begar do bạnukʼa; onḍe do Mạsigeye asolicʼ kana ar uni do sanamko talare menaea.