Galathiko lạgitʼ Pạul Apostolakʼ ciṭhi 3:10 - সান্তালী বাইবেল

¹⁰ Sonot sostorre olakana, “Sarapanicʼ kanae uni do, one okoe ạn-ạri reakʼ mimitʼ hukumko leka bae senokʼkan.” Enḍekhan ńelokʼ kana, ạn-ạrire bhorsakʼkan sanamkorege noa sarap do menakʼa.

Santali Common Language New Testament

¹⁰ Sonot sostorre olakana, “Sarapanicʼ kanae uni do, one okoe ạn-ạri reakʼ mimitʼ hukumko leka bae senokʼkan.” Enḍekhan ńelokʼ kana, ạn-ạrire bhorsakʼkan sanamkorege noa sarap do menakʼa.

Galathiko lạgitʼ Pạul Apostolakʼ ciṭhi 3:10 Iomraidhean Croise

Genesis 4:11

Ar ot hõ amren boehawakʼ mãyãm ataṅ lạgitʼ moca bae jhicʼetʼte jumi reakʼ sarap do amrege paṛaoena.

Jesaea 43:28

Onate iń do apeakʼ mundilren naekekoń opomankoa ar Jakob do marao ocokʼ lạgitʼ iń soprotea ar Israel do landa-dhutʼicʼ iń hoeocoyea.”

Jirimiạ 32:23

Onko do hecʼkate onako ạidạrian tahẽkana, menkhan onko do amakʼ katha bako ańjomleda ar amakʼ ạn-ạri leka bako senlena; ar okaṭakʼ cekae lạgitʼem hukumatʼko tahẽkan ona reakʼ cetʼge bako kạmileda. Ar onatege noako muhin do onkorem paṛao ocoleda.

Jeheskel 18:4

Jiwetʼ sanam hoṛge ińren kanako, apat ar hopon banarge ińren kanakin. Jãhãegeye kại unigeye gujukʼa.

Mathae 25:41

“Tayomte uni do acʼakʼ leṅga secʼren hoṛkoe metakoa, ‘E sarapanko, iń ṭhen khon sạṅgińokʼpe. Soetan ar uniren celako lạgitʼ tearakan jaejug seṅgelre calakʼpe.

Romiko lạgitʼ Pạul Apostolakʼ ciṭhi 4:15

Ente ạn-ạri do Isorakʼ sạjạiye ạguiya. Sạri katha do noage, okare ạnko baṅ tahen onḍe do ạn bemanot reakʼ kukli hõ baṅ rakapʼlena.

Romiko lạgitʼ Pạul Apostolakʼ ciṭhi 6:23

Kại reakʼ kuṛại do moron kana, menkhan Isorakʼ daya dan do aboren Probhu Mạsi hotete jaejug jionge.

Romiko lạgitʼ Pạul Apostolakʼ ciṭhi 8:7

Okaṭakʼ mon do kại okae khoj onageye moneyakʼ, ona mon do Isor birudgea, ente ona do Isorakʼ ạn bae bataoa ar manao hõ bae manaoa.

2 Korinthiko 3:7

Dhirire olakʼ oka bondobos hotete moron hijukʼkan ona bondobos emokʼ jokhecʼ Isorakʼ do ṭhonok sodorlena. Onate Moseyakʼ mẽtãhã hõ Isorakʼ ṭhonokte perecʼlena. Ar ona ṭhonok do bại bạite komao idiyenre hõ Israelko do Moseyakʼ mẽtʼãhã secʼ bako beṅgetʼ daṛeada.

Galathiko lạgitʼ Pạul Apostolakʼ ciṭhi 2:16

Menkhan enhõ noa bon baḍaegea, Isor do manwa ạn-ạrikoe manaoetʼ iạte dhorom mente bae aṅgocea, bickom Jisu Mạsire pạtiạukʼ hotetegeye aṅgocea. Onate abo hõ Mạsire bon pạtiạu akana, jemon ạn-ạriko manao iạte do baṅ bickom Jisu Mạsire pạtiạukʼ iạte dhorom mente bon aṅgocokʼ; ente ạn-ạri manao iạte okoe hõ dhorom mente ohoko aṅgoclena.

Dosar Biboron 27:26

‘Sarapangeae uni hoṛ, okoe do noa ạn-ạri reakʼ mimitʼ hukumko leka bae senokʼkan ar ona reakʼ daṛe bae aṅgocetʼkan.’ Unre sanam hoṛko mena, ‘Amen.’

Dosar Biboron 29:20

Probhu Isor do tishõ uni ikạkae do bae rạjikʼa. Ar uniyakʼ raṅgao ar ãṭ do uni hoṛ upạrte dhũạkʼa. Noa puthire oka sarap reakʼ kathako roṛakan ona sanamakʼ do uni cetanre paṛaokʼa. Ar Probhu Isor do dhạrti khon uniyakʼ ńutumme meṭao utạrtaea.