Galathiko lạgitʼ Pạul Apostolakʼ ciṭhi 3:1 - সান্তালী বাইবেল

¹ E bebuj Galatiko, okoeye muhniketʼpea? Ape ma coṅ pusṭạutegeń porcaratʼpe tahẽkan, Jisu Mạsi doe kurus ocolena mente.

Santali Common Language New Testament

¹ E bebuj Galatiko, okoeye ahaketʼpea? Ape ma coṅ pusṭạutegeń porcar akatʼpe, Jisu Mạsi doe krus ocolena mente.

Galathiko lạgitʼ Pạul Apostolakʼ ciṭhi 3:1 Iomraidhean Croise

Mathae 24:24

ente aema eṛe Mạsi ar eṛe nạbikoko upelokʼa ar maraṅ maraṅ hahaṛa kạmi ar cinhạkoko uduga jemon Isorren bachao akan hoṛkoko bulạu daṛeako.

Mathae 7:26

Ar okoe ińakʼ katha ańjomkate ona leka bae senakʼ uni do lelha hoṛ lekanae, one okoe do gitil cetanre oṛakʼe benaoketʼ.

Luk 24:25

Khange Jisu do unkine metatʼkinạ, “Aben do cetʼge baben bujhạu akada. Abenakʼ mon do goṛdho akana, onate nạbikoko roṛakatʼ katha hõ baben pạtiạuakʼ kana.

Aposkạmi 16:6

Pạul ar uni sãotenko do sonot Jiu hoteteko mana ocoyente Asiạre do bako porcarleda. Unre onko do Phrugiạ ar Galatiạ Prodes reakʼ sanam jaegateko calaoena.

Aposkạmi 6:7

Nonkate Isorakʼ katha do pasnao idiyena, ar Jerusalemre celako do lekhare ạḍi usạrako saṅge idiyena ar ạḍi utạr naekeko hõ Mạsiyakʼ dhoromreko pạtiạuena.

Romiko lạgitʼ Pạul Apostolakʼ ciṭhi 10:16

Menkhan sanamko ona bhage sombat do bako luturada. Jesaea nạbiye menakada, “E Probhu Isor, alele porcarakatʼ bhage sombat do okoeye pạtiạuada?”

Romiko lạgitʼ Pạul Apostolakʼ ciṭhi 2:8

Menkhan okoe akoakʼ sana lekako senokʼ, ar sạriyakʼ baṅ bataokate bedhoromakʼko bataoetʼkan, Isor do onko ạḍi bạṛicʼe sạjạikoa.

Romiko lạgitʼ Pạul Apostolakʼ ciṭhi 6:17

Menkhan Isorakʼ sarhao baṛe hoyokʼma, ente ape do kạiren golampe tahẽkanre hõ, okaṭakʼ sikhạunape ńamakatʼ ona reakʼ do goṭa ontortepe batao akada.

1 Korinthiko 11:26

Onate uni ạuriye hijukʼ hạbicʼ tinạkʼ dhao noa piṭhạpe jom ar noa bạṭi reakʼpe ńũi unạkʼ dhao Probhu Isorakʼ gujukʼ reakʼ kathape porcara.

1 Korinthiko 2:2

Ińiń goṭawan tahẽkana, ape ṭhen tahen jokhecʼ Jisu Mạsige metakʼme, kurusledeyicʼ Jisu Mạsi baḍaeye chaḍa ar cetʼge bạń baḍaejoṅa.

2 Korinthiko 10:5

Ale do manwakoakʼ eṛeteakʼle nosṭoyeda ar Isor baḍaeye horre tạkicʼakʼ leka oka hudis bundisko usulokʼe menjoṅkan ona dole dhaṅ dhasereda; ar mon reakʼ mimitʼ hudis bundisko do Mạsi ṭhenle gobol ocoyeda.

2 Korinthiko 11:3

Menkhaniń botorokʼ kana, uni biń do acʼakʼ bạṛicʼ phorphundite cetʼleka Hawae bulạulede onkage Mạsire menakʼtape soṛatetʼ ar napaetetʼ khon apehõkoe bulạu botecʼpea.

Galathiko lạgitʼ Pạul Apostolakʼ ciṭhi 1:2

Iń ar iń soṅgete okoe biswạsi boehako menakʼle, ale sanamkoge Galatiạ manḍerrenko lạgitʼ ciṭhile oleda.

Galathiko lạgitʼ Pạul Apostolakʼ ciṭhi 1:6

Mạsiyakʼ dayate okoe do acʼren hoṛ hoyokʼ lạgitʼe hohowatʼpe tahẽkan, uni bạgikate usạra eṭakʼ lekan bhage sombat secʼpe ạwil akan ńelte iń doń hahaṛakʼ kana.

Galathiko lạgitʼ Pạul Apostolakʼ ciṭhi 2:14

Menkhan iń do, bhage sombat reakʼ sạriyakʼtetʼ tulucʼ onkoakʼ kạmi reakʼ jãhãn jurige bạń ńelletʼte sanamko samaṅre Kephas iń metadea, “Am do Jihudi hoykate boṅgan hoṛ jạtrenko lekam colonetʼkan khan cekate boṅgan hoṛ jạtrenko do Jihudiko leka colon lạgitʼem ajhãṭetʼkoa?

Galathiko lạgitʼ Pạul Apostolakʼ ciṭhi 3:3

Ape do cetʼ nunạkʼgepe bebujgea? Sonot Jiu hotete nãwã jion ehopʼkate ńitokʼ do cetʼ apnarakʼ kurumuṭute sạbit utạrokʼpe ńamjoṅkana?

Galathiko lạgitʼ Pạul Apostolakʼ ciṭhi 4:9

Menkhan ńitokʼ do Isorpe baḍae akadea; ar hẽ, Isorge apeye baḍaeketʼpea. Enḍekhan cekate arhõ dhạrti reakʼ ạḍi lekan nijor ar ạuṛiyakʼ ạri-cạli secʼpe ạcur ruạṛokʼ kana? Ape do cetʼ arhõ onkoren golam hoyokʼpe menjoṅ kana?

Galathiko lạgitʼ Pạul Apostolakʼ ciṭhi 5:11

E boehako, ńitokʼ hõ khatnakʼ reakʼ iń porcaretʼ khan, enḍekhan cedakʼ ńitokʼ hõń santao ocokʼkana? Kurus cetanre Mạsiyakʼ gujukʼ reakʼ tạkicʼakʼ ma coṅ maraoen.

Ephesiko lạgitʼ Pạul Apostolakʼ ciṭhi 3:8

Isorren sanam hoṛko modre iń khon huḍińko ar bạnukʼkore hõ, enrehõ Mạsiyakʼ okaṭakʼ dhon reakʼ katha purạpuri baṅ bujhạukʼ, ona dhon reakʼ bhage sombat boṅgan hoṛko baḍae ocoko reakʼ bhar Isor do dayate ińgeye em akadińạ.

Ephesiko lạgitʼ Pạul Apostolakʼ ciṭhi 4:14

Bạṛicʼ bulạuakʼte eṭakʼko bhul horte idiko lạgitʼ oka bhul sikhnạtko emakokan, ona bhul sikhnạt iạte abo do hoete sokojokʼkan ḍheoko leka hante nate alo bon sokojokʼma.

Ephesiko lạgitʼ Pạul Apostolakʼ ciṭhi 5:15

Ape cetʼlekape calakʼkan ona reaṅ mońjte hudiskate ńelpe. Bebuj hoṛko leka baṅ calaokate akelanko leka baṛe calakʼpe.

Dosar Biboron 32:6

E bebuj, ar bin ạkilan jạtrenko! Probhu Isor do cetʼ nonkagepe halawaea? Uni do cetʼ aperen baba ar sisirjạuicʼ doe baṅkana? Unige coṅ ape mae sirjạu akatʼpe; ar jạtrenko lekate unige ape doe kajak akatʼpea.

1Timothi 6:4

Uni do cetʼge bae baḍaere hõ jhogṛa ar katha rapṭa rạpṭire ạḍi bạ̃ṛtiye capao akana. Noako reakʼ jo do hiskạ, jhogṛa, nindạu, bạṛicʼ hudis,

Ibriko 11:8

Isor do Abrahame hohowade tahẽkanre biswạs iạtege Isorakʼ kathareye gobolena ar ạidạṛi lekate okaṭakʼ jaega ńam reakʼ katha tahẽkantae ona jaegateye calaolena. Unre bae bujhạu akatʼ tahẽkana okateye calakʼkana mente ar enhõ uni doe monḍhalena.

Ibriko 5:9

Nonkate tinreye sạbit ocoyena unre acʼakʼko bataotae sanamko lạgitʼ jaejug bańcaokʼ reakʼ hore hoyena.

1 Patras 1:22

Ńitokʼ do sạriạkʼtetʼpe manaoetʼte apeakʼ ontorpe sapha akada, ar onatege biswạsi boehako do ape ṭhen dulạṛiạko kanako. Onateń meneda, ape mimitʼko khạndri ontorte dupulạṛpe.

1 Patras 4:17

Bicạr reakʼ okte do hoyakana ar ona do Isorakʼ gharońjren hoṛko khonge ehobokʼa. Ar ona bicạr do abo khonge ehopʼlen khan, enḍekhan okoe Isorakʼ bhage sombat bako manao akatʼ onko do cetʼ dosa hoyokʼtakoa?

2 Patras 2:18

Onko do ạuṛi sạuṛi ar lạṭu lạtu kathako roṛa ar manwakoakʼ jel reakʼ bạṛicʼ sanako rakapʼ ocoyetʼte nonkan hoṛko bhul horteko idiyetʼkoa, okoe do bạṛicʼko talare menakʼko khonko oḍok hijukʼkan.

Johan sodor 18:3

ente uni do acʼakʼ loṭghuṭi reakʼ botoranakʼ bubulakʼ sanam jạtrenkoe ńũ ocoakatʼkoa. Dhạrtiren rapajko do uni tulucʼko loṭghuṭi akada, ar dhạrtiren bạnij bepariko hõ uniyakʼ bin sambṛaokʼ reakʼ iricʼ cikijokʼ daṛeteko kisạ̃ṛ akana.”

Johan sodor 2:20

Enhõ am upạrte ińakʼ noa katha roṛ reakʼ menakʼtińạ. Am do Jesebel ńutuman uni maejiuakʼ bedhoromtetʼem sahao akatʼa. Nui Jesebel do acʼte nạbiye ńumogokʼ kana. Ar acʼakʼ cecetʼakʼte uni do ińren gutikoe bulạuetʼkoa, jemon onko do laṭghaṭko kạmi ar boṅga ṭhen samaṅakʼ jomakʼko jom.

1 Samuel 13:13

Sạmuele menkeda, “Am do bebuj lekam kạmiakada. Amren Probhu Isor okae hukumatʼme tahẽkan ona do bam manaoleda. Onam manao lekhan Israelko cetanre amakʼ rajokʼ do jaejug hạbicʼe dohoketama.