Galathiko lạgitʼ Pạul Apostolakʼ ciṭhi 2:6 - সান্তালী বাইবেল

⁶ Manḍerren manotanko bikạukʼkan hoṛko do bhage sombat reaṅ nãwãnakʼ cetʼge bako baḍae ocoakadińạ. Menkhan onko do jãhãekangeko onate ińakʼ do cetʼge baṅ cekakʼtińạ. Isor do hoṛakʼ mẽtʼãhã ńelte bae bicạra.

Santali Common Language New Testament

⁶ Manḍerren manotanko bikạukʼkan hoṛko do bhage sombat reaṅ nawanakʼ cetʼge bako baḍae ocoakadińạ. Menkhan onko do jãhãekangeko onate ińakʼ do cetʼge baṅ cekakʼtińạ. Isor do hoṛakʼ mẽtʼãhã ńelte bae bicạra.

Galathiko lạgitʼ Pạul Apostolakʼ ciṭhi 2:6 Iomraidhean Croise

Jobakʼ 34:19

Uni do rapajkoakʼ mẽtʼãhã bae beṅgetʼatako kana, nacarko bạgi giḍikate kisạ̃ṛko maraṅ mente bae moneyako kana, ente onko jotoge uniyakʼ ti teakʼ kạmiko kangeako.

Mathae 22:16

Onko do Herod secʼrenko sãote akoren celako uni ṭhenko kolketʼkoa. Onko do Jisuko metadea, “E Guru, alele baḍaea am dom sạri hoṛ kana. Ar Isorakʼ hor reaṅ sạritegem cetʼako kana. Am do okoe hõ bam hetawako kana, ente hoṛkoakʼ mẽtãhã do bam beṅgetʼakʼ kana.

Mark 12:14

Onko do Jisu ṭhen hecʼkateko menkeda, “E Guru, alele baḍaea, mitʼṭen sạri hoṛ kanam. Ar hoṛ cetʼko hudisme ar bako hudisme, ona do bam moneyakʼ kana, ente am do okoeyakʼ mẽtʼãhã hõ bam beṅgetʼakʼ kana. Ar sạri sạrige Isorakʼ hor reaṅem cetʼako kana. Ado lạiyaleme, Moseyakʼ ạn lekate Romren maharaj khajna emae do ganokʼa se baṅa?

Luk 20:21

Onateko metadea, “E Guru, alele baḍaea am do ṭhik ṭhikem roṛeda arem cetʼako kana. Ar okoeyakʼ mẽtʼãhã hõ bam beṅgetʼakʼ kana ar Isorakʼ hor reaṅ sạri sạrigem cetʼakokana.

Aposkạmi 10:34

Unre Patras do roroṛe ehopʼena, “Iń do ńitokʼ sạrigeń bujhạu daṛeakʼ kana, Isorakʼ mẽtʼãhã samaṅre do jotogeko somangea.

Aposkạmi 5:36

Ente niạko din lahare Theudase ńutuman mitʼṭen hoṛ do hecʼkate apnarte mitʼṭen bises hoṛkanae menteye dạbileda, ar ponsae gan hoṛ uni tulucʼko seletʼlena. Uni doe gocʼ ocoyena ar uniren sanam soṅgetenko doko chirchạturena. Ar noate uni do joto ạuṛiyakʼentaea.

Romiko lạgitʼ Pạul Apostolakʼ ciṭhi 2:11

Ente Isor ṭhen mẽtʼãhã beṅgetʼakʼ do bạnukʼ anaṅ.

2 Korinthiko 11:5

Menkhan ińakʼ bujre onko “Soros utạr” apostolko khon do oka secʼte hõ bạń komaoa.

2 Korinthiko 12:11

Iń do bebujgeń hoyakana, menkhan apegepe jormoṭkedińa; ente apege sarhaoiń reakʼ lek tahẽkantapea. Ar cele hõń baṅkanre hõ enhõ aperen onko “Soros utạr” apostolko khon cetʼte hõ bạń komaoa.

2 Korinthiko 5:16

Onate ńit khon manwawakʼ bahre secʼ ńelte do bale bicạra. Ale hõ Mạsi do pạhilte onkagele baḍaeledea, menkhan ńitokʼ onka do ar bale baḍaeyede kana.

Galathiko lạgitʼ Pạul Apostolakʼ ciṭhi 2:2

Isorakʼ monejoṅakʼ sodoren khan iń do onḍeń rakapʼ calaoena. Ar oka bhage sombat boṅgan hoṛ jạtrenko ṭheniń porcaretʼ tahẽkan onań lạiyatʼkoa. Manḍerren manotan hoṛko do oko okote ona jotoń lạiyatʼkoa, enteń botorokʼkan tahẽkana, hoedaṛeakʼa iń do ạuṛiyakʼ iń khaṭao akana.

Galathiko lạgitʼ Pạul Apostolakʼ ciṭhi 6:3

Jãhãe jãhãnicʼe baṅkanre hõ apnartetʼ jãhãnicʼ menteye hudisokʼkan khan uni do apnartegeye bulạukʼ kana.

Dosar Biboron 10:17

Aperen Probhu Isor do sanam isorkoren Isor ar sanam probhu koren Probhu kanae. Uni do maraṅ utạricʼ, daṛeanicʼ ar botoranicʼ Isor kanae. Uni do okoeyakʼ mẽtʼãhã hõ bae beṅgetʼakʼa ar ghushõ bae hataoa.

Ibriko 13:17

Aperen ạyurkoakʼ kathako bataotakope ar onko gobolre tahenpe, ente okoe Isor ṭhen lekha jokhako em, onkan hoṛ lekatege coṅ onko ma apeko ńel todarotetʼpe kan. Onko ṭhen gobolokʼpe jemon onko do akoakʼ kạmi rạskạ salakʼko kạmi daṛeakʼ, menkhan duk salakʼ do baṅ. Ar duk salakʼge ona onkae hoyokʼ khan, enḍekhan onate apeakʼ do cetʼ porho hõ baṅ hoyokʼtapea.

Ibriko 13:7

Okoe ape ṭhen Isorakʼ kathako lại jạhirletʼ tahẽkan, onko mukhiyạkoakʼ kathako disạipe. Onkoakʼ jion cạrit reakʼ mucạtʼ jo mońjte beṅgetʼakʼpe ar onko leka biswạs dohoype.

1 Patras 1:17

Isor Baba do mimitʼ manwakoakʼ kạmi lekae bicạrkoa, uni do mẽtʼãhã ńelte bae bicạra. Onate Baba mente unipe hohowaekan khan, enḍekhan noa dhạrtire tinạkʼ din upriạ leka menakʼpe unạkʼ din uni botorae salakʼ din khemaope.