Galathiko lạgitʼ Pạul Apostolakʼ ciṭhi 1:8 - সান্তালী বাইবেল

⁸ Menkhan oka bhage sombat apele jạhir akatʼpe ona khon judạ lekan bhage sombat ape ṭhen porcarlen khan, ona do alele jạhirape se jãhãe serma goḍetgeye jạhirape, enḍekhan unire sarap paṛaokʼma.

Santali Common Language New Testament

⁸ Menkhan oka bhage sombat apele jạhir akatʼpe ona khon judạ lekan bhage sombat ape ṭhen porcarlen khan, ona do alele jạhirape se jãhãe serma goḍetgeye jạhirape, enḍekhan unire sarap paṛaokʼma.

Galathiko lạgitʼ Pạul Apostolakʼ ciṭhi 1:8 Iomraidhean Croise

Genesis 9:25

Ar unreye menkeda, “Kanan do sarapanicʼe hoyokʼma. Uni do acʼren boehako modre joto khon huḍińicʼren golame hoyokʼma.”

1 Rapajko 13:18

Uni nạbiye roṛ ruạṛkeda, “Iń do am lekan mitʼṭen nạbi kangeạń. Probhu Isorakʼ katha leka mitʼṭen dut do ińe men akawạdińa jemon ińakʼ oṛakʼteń ruạṛ idime jemon am do senkatem jom-ńũ daṛeakʼ.” Menkhan uni do eṛe kathae metadea.

Nehemiạ 13:25

Iń do onkoń ruhetʼketʼkoa ar onko cetanre jemon sarap hecʼako ona hõń metatʼkoa. Onkoren adomko doń dalketʼkoa ar bohokʼ upʼkoń racakʼ tutʼketʼtakoa. Isor ńutumte noań kiriạ ocoketʼkoa jemon porjạtren koṛako sãote akoren hoponerako aloko baplako ar akoren hoponko hõ jemon porjạtren kuṛiko tulucʼ aloko baplako.

Jirimiạ 23:16

Phạdkoren Probhu Isore meneda, “Nạbiko okaṭakʼ kathako menetʼkan ona do alope ańjoma; onko do apeakʼ monre eṛe asko janam ocoyeda. Ar Probhu Isorakʼ moca khon ańjomakʼ katha do bako roṛeda bickom akoakʼ benaoakʼ dorson reakʼ kathageko roṛetʼkana.

Jirimiạ 23:36

Menkhan ape do tishõ jemon alope men, ‘Probhu Isorakʼ katha do noa kana,’ ente mimitʼ hoṛ do akoakʼ kathage Isorakʼ katha menteko benaoeda. Nonkate ape do jiwetʼ Isorakʼ, aperen phạdkoren Probhu Isorakʼ kathape konḍeayetʼkana.”

Mathae 25:41

“Tayomte uni do acʼakʼ leṅga secʼren hoṛkoe metakoa, ‘E sarapanko, iń ṭhen khon sạṅgińokʼpe. Soetan ar uniren celako lạgitʼ tearakan jaejug seṅgelre calakʼpe.

Mark 14:71

Unre Patras doe sarapana ar kiriạyenteye menkeda, “Okoe reakʼpe menetʼkan uni do bạń oromakadea.”

Aposkạmi 23:14

Onko do maraṅ naekeko ar Jihudiren murubbiko ṭhen senkateko menkeda, “Pạul ạurile goje hạbicʼ cetʼge bale joma mentele kiriyạ akana.

Romiko lạgitʼ Pạul Apostolakʼ ciṭhi 16:17

E boehako, okaṭakʼ sikhnạtpe ńamakatʼ ona upạrte okoe do kạphạriạu ar tạkicʼakʼko janam ocoyetʼkan onko oromkakope ar onko khon sahaṛokʼpe,

Romiko lạgitʼ Pạul Apostolakʼ ciṭhi 9:3

Ińren boehako bodolte, metakʼme iń jạtren hoṛko bodolte hoydaṛeakʼ khan iń apnarge Mạsi ṭhen khon pharakokʼ reakʼ sarapiń hataokea.

1 Korinthiko 12:3

Ińiń baḍae ocoyetʼpea, Isorren Jiute roroṛkanko do okoe hõ bako mena, “Jisu do sarapicʼ kanae mente.” Ar sonot Jiu begor, “Jisuge Probhu Isor” kanae mente okoe hõ bako men daṛeakʼa.

1 Korinthiko 16:22

Jãhãe hoṛ Probhu Isor bae dulạṛe khan sarapicʼe hoyokʼma. Maran atha [Probhu Isore darae kana].

Galathiko lạgitʼ Pạul Apostolakʼ ciṭhi 1:9

Iń do cetʼleka pạhilteń roṛakatʼ onkage ńitokʼ hõń roṛeda, ape oka bhage sombatpe ataṅakatʼ ona khon jãhãe judạ lekan bhage sombate porcar enḍekhan unire sarap paṛaokʼma.

Galathiko lạgitʼ Pạul Apostolakʼ ciṭhi 3:10

Sonot sostorre olakana, “Sarapanicʼ kanae uni do, one okoe ạn-ạri reakʼ mimitʼ hukumko leka bae senokʼkan.” Enḍekhan ńelokʼ kana, ạn-ạrire bhorsakʼkan sanamkorege noa sarap do menakʼa.

Galathiko lạgitʼ Pạul Apostolakʼ ciṭhi 3:13

Ar ạn bon bebataoetʼte okako sarap abore tahẽkan, ona do Mạsi acʼgeye ladeyante aboe chaḍaoketʼ bona. Sonot sostorre noa olakana, “Darere aka ocoakanicʼ mitʼke mitʼ hoṛ doe sarapanicʼ kana.”

Titus lạgitʼ Pạul Apostolakʼ ciṭhi 3:10

Okoe hoṛ bhul cecetʼatʼte dola duliye hoeocoyetʼ uni do pạhilre mitʼ dhao, ar tayomte arhõ dosar dhao sontorkaeme. Ar noate kạmi baṅ hoylen khan uni tulucʼ do gate hõ alom gatekʼa.

Josuạ 9:23

Onate ape cetanre niạ sarap tahẽyena, ińren Isorakʼ oṛakʼ lạgitʼ sahan mamakʼ ar dakʼ ạgui reakʼ kạmipe kạmiya. Niạ golam reakʼ kạmi khon do ar tisge rehae bape ńama.”

2 Patras 2:14

Onkoakʼ mẽtʼ do loṭghuṭite perecʼgea ar tisge kạkại do bako bạgiya. Onko do dhoromre nijor monanko lalocko udukʼakote bhul horteko idikoa. Onkoakʼ ontor do eken lalocgeye cetʼakada. Onkore sarap menakʼa. Onko do sojhe hor bạgikate bhul hor secʼko ghańjeṛ akana.

1 Samuel 26:19

E ạlińren maharaj, ạlińren mạlik, ńitokʼ do dayakate abenren gutiyakʼ katha ańjom ben. Probhu Isorge ạliń upạrteye teṅgo akatʼ ben khan tobe do ạlińakʼ samaṅokʼakʼ uni ṭhen ataṅokʼma. Ar manwako onka akatʼ khan tobe do Probhu Isorakʼ sarap onkore paṛaokʼma, ente teheń do Probhu Isore em akatʼ sompottire ạlińakʼ oka bhag menakʼ ona khon laga ńir liń reakʼko kurumuṭu kana. Onko doko meneda, ‘Do calakʼme, ar debotako pujạwakome.’