Galathiko lạgitʼ Pạul Apostolakʼ ciṭhi 1:6 - সান্তালী বাইবেল

⁶ Mạsiyakʼ dayate okoe do acʼren hoṛ hoyokʼ lạgitʼe hohowatʼpe tahẽkan, uni bạgikate usạra eṭakʼ lekan bhage sombat secʼpe ạwil akan ńelte iń doń hahaṛakʼ kana.

Santali Common Language New Testament

⁶ Mạsiakʼ dayate okoe do acʼren hoṛ hoyokʼ lạgitʼe hohowatʼpe tahẽkan, uni bạgikate usạra eṭakʼ lekan bhage sombat secʼpe ạwil akan ńelte iń doń hahaṛakʼ kana.

Galathiko lạgitʼ Pạul Apostolakʼ ciṭhi 1:6 Iomraidhean Croise

Sereńko 106:13

Menkhan uniyakʼ kạmi reakʼ katha do ạḍi usạrako hiṛińkeda; onko do uniyakʼ sopolha bako tạṅgileda.

Jesaea 29:13

Probhu Isore meneda, “Noko do mocategeko ganaoedeńkana ar luṭitegeko manotedeńkana, menkhan onkoakʼ ontor do iń khon sạṅgińgetakoa. Onko do manwa cecetʼakʼ niạmkote ińko sewawạń kana.

Mark 6:6

Ar hoṛko bako pạtiạuadete uni do ạḍiye hahaṛayena. Ona tayom Jisu do ato ato senkate hoṛko cetʼakoe ehopʼena.

Johan 9:30

Unre uniye roṛ ruạṛatʼkoa, “Onage tho hahaṛa do! Ape hõ bape baḍaea uni do oka khone hecʼakana menkhan uni do ińakʼ mẽtʼe beṅgetʼ ocoketʼtińạ.”

Aposkạmi 15:11

Alele pạtiạukʼ kana je, Probhu Jisuakʼ dayate pạtiạu akan boṅgan hoṛ jạtrenko do cetʼleka kại khon bańcaoko ńamakatʼ, onkage abon hõ bańcao bon ńamakada.”

Romiko lạgitʼ Pạul Apostolakʼ ciṭhi 10:3

Isor do manwako cetʼ lekate dhorom menteye ataṅkoa ona katha luturakʼ baṅkate onko do akoakʼ kurumuṭute dhorom udugokʼko menjoṅkan tahẽkana. Onatege Isor okaṭakʼ ponthate manwa dhorom menteye aṅgoce ona do bako manaoleda.

Romiko lạgitʼ Pạul Apostolakʼ ciṭhi 5:2

Ńitokʼ Isorakʼ daya reakʼ oka horte bon calakʼkan onḍe do Mạsire pạtiạu iạte bon seṭerakana. Ar Isorakʼ ṭhonok ńam reakʼ aste bon rạskạkʼ kana.

Romiko lạgitʼ Pạul Apostolakʼ ciṭhi 8:28

Baḍaegea bon okoe Isorko dulạṛede, metakʼme Isor acʼakʼ monsubạ leka okoekoe hohoakatʼko onko bhạlạiko lạgitʼ jotowakʼge mitʼ domteye kạmikana.

Romiko lạgitʼ Pạul Apostolakʼ ciṭhi 8:30

Okoe laha khone ṭhik dohoakatʼko tahẽkan onko do hoho hõe hohowatʼkoa; ar okoeye hohowatʼko onko do dhorom mente ataṅ hõe ataṅketʼkoa; ar okoeko dhorom menteye ataṅketʼko onko do acʼakʼ ṭhonok hõe danatʼkoa.

1 Korinthiko 4:15

Mạsi reaṅ cetʼape lạgitʼ aperen do gel hajar gurukoko tahẽdaṛeakʼa; menkhan aema baba do bạnukʼkotapea; ińge bhage sombat hotete Mạsiyakʼ jionre aperen Babań hoyakana.

2 Korinthiko 11:4

Ente okoe Jisu reakʼ kathale porcarakatʼ, uni chaḍa jãhãe eṭakʼ Jisu reakʼ kathae porcarape se okoe sonot Jiupe ńamakade uni chaḍa eṭakʼ lekan Jiupe ńame, se oka bhage sombatpe ataṅakatʼ ona khon eṭakʼ lekan bhage sombatpe ńametʼre ape do rạskạ salakʼ ạḍi usạra onape ataṅetʼkana.

2 Korinthiko 2:17

Apnarakʼ lab lạgitʼ okoe Isorakʼ kathako bạnijetʼkan onko lekanko dole baṅkana; bickom Mạsi tulucʼle mitʼ akante ale do Isor samaṅre Isorren kol ocoakan hoṛko lekage sạri ontor khon kathale roṛeda.

Galathiko lạgitʼ Pạul Apostolakʼ ciṭhi 1:11

E boehako, baḍae ocoyetʼpe kạnạń, oka bhage sombat iń jạhirakawatʼpe ona do jãhãe manwa hotete benaoakʼ katha do baṅkana.

Galathiko lạgitʼ Pạul Apostolakʼ ciṭhi 1:15

Menkhan Isor do janam khongeye bachao doho akadiń tahẽkana ar uniyakʼ dayatege apostol hoyokʼ lạgitʼe hohoakadińạ.

Galathiko lạgitʼ Pạul Apostolakʼ ciṭhi 1:7

Ona do jãhãn bhage sombatge baṅkana. Enrehõ adom hoṛ menakʼkoa one okoe do sulukte bako tahẽ ocowape kan, ar Mạsi reaṅ bhage sombat bodolko monejoṅkan.

Galathiko lạgitʼ Pạul Apostolakʼ ciṭhi 2:14

Menkhan iń do, bhage sombat reakʼ sạriyakʼtetʼ tulucʼ onkoakʼ kạmi reakʼ jãhãn jurige bạń ńelletʼte sanamko samaṅre Kephas iń metadea, “Am do Jihudi hoykate boṅgan hoṛ jạtrenko lekam colonetʼkan khan cekate boṅgan hoṛ jạtrenko do Jihudiko leka colon lạgitʼem ajhãṭetʼkoa?

Galathiko lạgitʼ Pạul Apostolakʼ ciṭhi 2:2

Isorakʼ monejoṅakʼ sodoren khan iń do onḍeń rakapʼ calaoena. Ar oka bhage sombat boṅgan hoṛ jạtrenko ṭheniń porcaretʼ tahẽkan onań lạiyatʼkoa. Manḍerren manotan hoṛko do oko okote ona jotoń lạiyatʼkoa, enteń botorokʼkan tahẽkana, hoedaṛeakʼa iń do ạuṛiyakʼ iń khaṭao akana.

Galathiko lạgitʼ Pạul Apostolakʼ ciṭhi 2:5

Menkhan bhage sombat reakʼ sạriạkʼtetʼ jemon ape lạgitʼle rukhiyạ daṛeakʼ onate mitʼ ghạṛi lạgitʼ hõ onkoakʼ katha do bale manaoleda.

Galathiko lạgitʼ Pạul Apostolakʼ ciṭhi 2:7

Bickom onkoko ńelkeda, Jihudiko ṭhen bhage sombat porcar reakʼ bhar cetʼleka Patras cetanre emlen, onkage Isor do boṅgan hoṛ jạtrenko ṭhen bhage sombat porcar reakʼ bhar ińreye emakada.

Galathiko lạgitʼ Pạul Apostolakʼ ciṭhi 5:14

ente sanam ạn-ạriko do niạ mitʼ katharege guṭmitʼ akana, “Am aḍepaseren hoṛ apnar leka dulạṛem.”

Galathiko lạgitʼ Pạul Apostolakʼ ciṭhi 5:4

Ạn-ạriko pańjaete okoe do Isor ṭhen dhorom ocokʼpe menjoṅkan ape do Mạsi khonpe getʼ begar akana, ar Isorakʼ daya khonpe ocokʼ akana.

2 Thessalonikiko 2:14

Ale oka bhage sombatle porcaretʼkan ona hotete bańcao ńam lạgitʼ uni doe hohoakatʼpea, jemon ape do aboren Probhu Jisu Mạsiyakʼ ṭhonok reakʼ bhạgiyạdarkope hoyokʼ.

1Timothi 1:14

Aboren Probhu Isor do asambheṛe daya akawạdińa ar Jisu Mạsi tulucʼ iń kolom mitʼakante oka biswạs ar dulạṛ menakʼ onae dan akawạdińa.

1Timothi 1:3

Makedoniạte calakʼ jokhecʼ cetʼ lekań galmaraoatʼme tahẽkan ńitokʼ hõ onkageń metam kana, am do Ephesus nagraharege tahẽ hataṛokʼme, jemon adom adom hoṛem hukumako onko do eṛe cecetʼakʼ aloko emokʼ.

2Timothi 1:9

Isorge aboakʼ kại khone bańcao akatʼ bona ar sonot jion khemao lạgitʼe hohoakatʼbona. Aboakʼ jãhãn kạmiko lạgitʼ do baṅ, bickom uniyakʼ monsubạ ar daya lạgitʼgeye kạmi akada. Dhạrti sirjạu laha khonge Mạsi Jisu hotete uni do acʼakʼ daya dane emakawatʼ bona,

2Timothi 2:1

Ado E bachatiń, Mạsi Jisuakʼ dayate am do daṛeanicʼ hoyokʼme.

1 Patras 1:15

Ona khon bickom okoeye hohoakatʼpe ar cetʼlekae sonotge, onkage ape hõ apeakʼ sanam cạl-colonte sonotko hoyokʼpe.

2 Patras 1:3

Okoe acʼakʼ ṭhonok ar soros gunteye hohoakatʼ bon, uniyakʼ khạndriyakʼko baḍae hotete acʼakʼ Isor daṛete nonkanakʼkoe dan akatʼbona, one ona hotete abo do Isor botoraete jion bon khemao daṛeakʼ.

Johan sodor 22:21

Probhu Jisuakʼ bhor Isorren sanam hoṛko sãote baṛe tahẽakae tahenma. Amen.