Galathiko lạgitʼ Pạul Apostolakʼ ciṭhi 1:23 - সান্তালী বাইবেল

²³ Onko do eken niạ kathako ańjomleda baṅma, “Okoe hoṛ aboe santaoetʼ bon tahẽkan uni do ńitokʼ Mạsire biswạsokʼ reakʼ kathae porcareda, menkhan lahate uni do maraoko lạgitʼe kurumuṭuleda.”

Santali Common Language New Testament

²³ Onko do eken niạ kathako ańjomleda baṅma, “Okoe hoṛ aboe santaoetʼ bon tahẽkan uni do ńitokʼ Mạsire biswạsokʼ reakʼ kathae porcareda, menkhan lahate uni do marao lạgitʼe kurumuṭuleda.”

Galathiko lạgitʼ Pạul Apostolakʼ ciṭhi 1:23 Iomraidhean Croise

Aposkạmi 19:13

Ar adom Jihudiko hõ jhaṛ ar husitʼte bạṛicʼ jiukoko oḍok giḍiyetʼko tahẽkana. Onko do Probhu Jisu ńutumte bạṛicʼ jiu capaṛ akawatʼ hoṛko bogeko reakʼ kurumuṭuko ehopʼena. Onkoko menetʼ tahẽkana, “Pạul okoe reaṅe porcaretʼkan, uni Jisu ńutumte oḍok calakʼ iń hukumam kana.”

Aposkạmi 6:7

Nonkate Isorakʼ katha do pasnao idiyena, ar Jerusalemre celako do lekhare ạḍi usạrako saṅge idiyena ar ạḍi utạr naekeko hõ Mạsiyakʼ dhoromreko pạtiạuena.

Aposkạmi 9:13

Ananiạse menkeda, “E Probhu Isor, ḍher hoṛkoakʼ moca khon nui hoṛ reaṅ iń ańjomakada, Jerusalemre amren hoṛko ạḍi bạṛicʼe khed akatʼkoa.

Aposkạmi 9:20

Ona tayom uni do bin bilomte eṭakʼ eṭakʼ sunạgogkore noa menkate porcare ehopʼena je, Jisu kangea Isorren Hopon do.

Aposkạmi 9:21

Ar okoe uniyakʼ kathako ańjomketʼ onko sanamkoge hahaṛakʼ tulucʼko kulikan tahẽkana, “Nui do cetʼ uni doe baṅkana, one Jerusalemre Jisu ńutumte koejoṅkoe khedetʼko tahẽkan? Ar nonḍehõ okoeko onkayetʼkan onko tolkate maraṅ naekeko ṭhen idiko lạgitʼge cetʼ bae hecʼakana?”

Aposkạmi 9:26

Sạul do Jerusalem hecʼkate celako sãote gatekʼe kurumuṭukeda, menkhan onko do uniko botoraekan tahẽkana. Onko do bako pạtiạu daṛeakʼkan tahẽkana, Sạul do sạrige mitʼṭen celae hoyakana mente.

Galathiko lạgitʼ Pạul Apostolakʼ ciṭhi 6:10

Ạt bon ńamle khan sanamko lạgitʼ bhageakʼ bon kạmima, bạ̃ṛtikaete Isorren gharońjren hoṛko bhạlạiko lạgitʼ jemon bon kạmi.