Galathiko lạgitʼ Pạul Apostolakʼ ciṭhi 1:16 - সান্তালী বাইবেল

¹⁶ Jemon boṅgan hoṛ jạtrenko ṭhen Mạsi reaṅ bhage sombatiń porcar daṛeakʼ, ar onate Isor do acʼakʼ monejoṅ leka acʼren Hopon iń ṭhene sodorledere okoe tulucʼ hõ bạń solhawana.

Santali Common Language New Testament

¹⁶ Jemon boṅgan hoṛ jạtrenko ṭhen Mạsi reaṅ bhage sombatiń porcar, onate Isor do acʼakʼ monejoṅ leka acʼren Hopon iń ṭhene sodorkedere okoe tulucʼ hõ bạń solhawana.

Galathiko lạgitʼ Pạul Apostolakʼ ciṭhi 1:16 Iomraidhean Croise

Mathae 16:17

Jisui roṛ ruạṛadea, “Jona hopon Simon, am dom bhạgangea, ente okoe manwa hõ am ṭhen noa do bae sodor akada; menkhan ińren sermaren Babageye sodor akatʼmea.

Mathae 26:41

Jagwar tahenpe ar koejoṅpe jemon biḍạure alope paṛaokʼ. Jiure sana menakʼgea, menkhan hoṛmo do nijorgea.”

Aposkạmi 22:21

“Unre Probhu Isor do ińe metadińạ, ‘Do calakʼme, ente iń do sạṅgińte boṅgan hoṛ jạtrenko ṭheniń kolmea.’ ”

Aposkạmi 5:42

Onko do jaoge mundilre ar oṛakʼ oṛakʼ senkate cetʼakoko ehopʼena ar Jisuge Mạsi kanae mente noa bhage sombat porcar iditegeko tahẽyena.

Aposkạmi 9:15

Menkhan Probhu Isor do Ananiạse metadea, “Do calakʼme, ente boṅgan hoṛ jạtrenko ar onkoren rajko ar Israelko ṭhen porcar lạgitʼ, iń do uni hoṛgeń bachao akadea.”

Aposkạmi 9:20

Ona tayom uni do bin bilomte eṭakʼ eṭakʼ sunạgogkore noa menkate porcare ehopʼena je, Jisu kangea Isorren Hopon do.

Romiko lạgitʼ Pạul Apostolakʼ ciṭhi 1:5

Uni hotete ar uniyakʼ ńutum iạte ale do daya ar apostol hudạle ńamakada, jemon sanam jạtren hoṛko pạtiạukʼte Isorakʼko bataotae.

Romiko lạgitʼ Pạul Apostolakʼ ciṭhi 11:13

E boṅgan hoṛ jạtrenko, metape kạnạń, boṅgan hoṛ jạtrenko ṭhen apostol lekate ińakʼ kạmiko do ạḍi manot salakʼ iń ńeleda.

1 Korinthiko 15:50

E boehako, okań menetʼkan ona do noage, manwa do acʼakʼ jel ar mãyãmte Isorakʼ raj bae ạidạri daṛeakʼa; ar oka seakʼ ona do nonkanakʼ reakʼ ạidạri bae hoedaṛeakʼa one okaṭakʼ baṅ seakʼ.

2 Korinthiko 4:6

Ale do noale porcaretʼ kana, ente okoeye menletʼ tahẽkan, “Ńut khon marsal hoyokʼ ma,” Uni Isorge aboakʼ ontorreye bamberena, jemon uniyakʼ mạhima bujhạu lạgitʼ marsal sodorokʼ. Ar noa mạhimage Mạsiyakʼ mẽtʼãhãre menakʼa.

2 Korinthiko 5:16

Onate ńit khon manwawakʼ bahre secʼ ńelte do bale bicạra. Ale hõ Mạsi do pạhilte onkagele baḍaeledea, menkhan ńitokʼ onka do ar bale baḍaeyede kana.

Galathiko lạgitʼ Pạul Apostolakʼ ciṭhi 2:1

Gelpon bochor tayom iń do Barnabas sãote arhõ Jerusalemteń calaoena, ar Titus hõń soṅge torakedea.

Ephesiko lạgitʼ Pạul Apostolakʼ ciṭhi 3:1

Noa iạte iń Pạul do Isor ṭheniń koejoṅkana. Ape okoe do boṅgan hoṛ jạtrenko kanpe ape lạgitʼge iń do Mạsi Jisuren kạidiń hoyakana.

Ephesiko lạgitʼ Pạul Apostolakʼ ciṭhi 6:12

Aboakʼ noa lạṛhại do jãhãe manwa upạrte do baṅkana, bickom ona do ńut rajosṭi reakʼ joto lekan cakʼlaoko ar ektiạrianko upạrte, ńut dhạrtiren daṛean jiuko upạrte, ar coṭren joto bạṛicʼ jiuko upạrte.

Dosar Biboron 33:9

One uni acʼ eṅgat apat reakʼe menketʼ, bạń bạsutạkin kana, Ar acʼren boehako bae puchạuletʼko, ar acʼren hoponko bae baḍaeletʼko, uni do amakʼ kathakoe dohoyeda ar amakʼ bondoboskoe manaoeda.

1 Thessalonikikko 2:16

Onko do aleko tạkicʼ darametʼlea jemon boṅgan hoṛ jạtrenko kại khon bańcaoko lạgitʼ jãhãn kathako alole lại daṛeako. Nonkate onko Jihudiko do siń sạṭupʼ kại cetan kạiko bojha joṅkana, ar Isorakʼ edre do purạte onkore hecʼ paṛaokʼ kana.

1Timothi 2:7

ar noa goha emokʼ lạgitʼ Isor do lại jạhiricʼ, apostol ar boṅgan hoṛ jạtrenko ṭhen biswạs ar sạriạkʼren cecetʼicʼe bahal akadińạ. Iń do sạriyakʼgeń roṛeda, eṛe do baṅ.

2Timothi 1:11

Ar noa bhage sombat lạgitʼge uni do jạhiricʼ, apostol ar cecetʼicʼ menteye bahal akadińạ.

Ibriko 2:14

Onko gidrạko doko hoyokʼ kana mãyãm ar jelren manwage. Onate Jisu acʼtetʼ hõ jel ar mãyãmren manwae hoyena, jemon gujukʼ reakʼ daṛe okoeyakʼ tire menakʼ uni Soetan do acʼakʼ gujukʼ hoteteye bhagaoe.