Galathiko lạgitʼ Pạul Apostolakʼ ciṭhi 1:14 - সান্তালী বাইবেল

¹⁴ Iń umerren aema Jihudiko khon hõ ona dhoromre iń do ạḍitetʼ iń laha idilena. Ona chaḍa ińren hapṛamko ṭhen khon okako ạri-cạli hecʼ ạguakan ona reaṅ hõ ạḍi jidiń tahẽkana.

Santali Common Language New Testament

¹⁴ Iń umerren aema Jihudiko khon hõ ona dhoromre iń do ạḍitetʼiń laha idilena. Ona chaḍa ińren hapṛamko ṭhen khon okako ạri-cạli hecʼ ạguakan ona reaṅ hõ ạḍi jidiń tahẽkana.

Galathiko lạgitʼ Pạul Apostolakʼ ciṭhi 1:14 Iomraidhean Croise

Jesaea 29:13

Probhu Isore meneda, “Noko do mocategeko ganaoedeńkana ar luṭitegeko manotedeńkana, menkhan onkoakʼ ontor do iń khon sạṅgińgetakoa. Onko do manwa cecetʼakʼ niạmkote ińko sewawạń kana.

Jesaea 57:12

Ńitokʼ do ińge dhoromiń sodortama; ar amakʼ kạmiko hõ; onako do cetʼ porhowanakʼge baṅ hoyokʼtama.

Jirimiạ 15:2

Onko do amko kulilem khan, ‘ale do cetʼ hoyokʼtalea?’ Enḍekhan onkom metakoa, ‘Probhu Isor do noa kathae meneda, ‘okoe mahamạri lạgitʼ kanko onko do mahamạrite, okoe tarwaṛe lạgitʼ kanko onko do tarwaṛete ar okoe akal lạgitʼ kanko onko do akalteko gujukʼa; ar okoe do bondi ocokʼ lạgitʼ kanko doko bondi idi ocokʼa.”

Jirimiạ 9:14

Ona bodolte akoakʼ ontor reakʼ kạṭhuạtetʼ lekako senokʼkana. Ar akoren apatkoakʼ cecetʼakʼ leka onko hõ Bakʼal debotako pańjayede kana.

Levitikus 13:16

Ona tayom berel ghao arhõ ponḍ ruạṛlentae khan uni do arhõ naeke ṭhen calakʼ hoyokʼtaea.

Mathae 15:6

enḍekhan uni do eṅgat se apat manotkin reakʼ jạruṛ bạnukʼtaea. Apeakʼ noako ạri-cạli iạtege ape do Isorakʼ kathape mạutạ akada.

Aposkạmi 21:20

Noa kathako ańjomketʼ khan onko murubbiko do Isorko sarhaokedea ar Pạulko metadea, “E boeha, am mam ńeletʼkokange, tinạkʼ hajar hajar Jihudiko do Jisureko pạtiạu akana, ar onko sanamkoge Moseyakʼ ạn-ạri pańja lạgitʼ ạḍiko ahkaokʼ kana.

Aposkạmi 22:3

“Iń doń Jihudi hoṛkana. Kilikiạ reakʼ Tạrsus nagrahareń janamlena, menkhan noa nagraharegeń hara akana. Gamalielakʼ jaṅga pheḍre duṛupʼkate aboren hapṛamkoakʼ ạn-ạriko mońjteń cetʼakada. Isor reaṅ teheń ape cetʼ lekape gagojokʼkan onkage iń hõń gagojokʼkan tahẽkana.

Aposkạmi 26:5

Onko do ḍher din khonge ińko orom akadińạ ar goha emokʼko menle khan noako emdaṛeakʼa je, iń do aleakʼ dhoromre Phạrusiko ńutuman okaṭakʼ dol menakʼ ona Phạrusi dhorom leka jioniń khemaoetʼ tahẽkana.

Aposkạmi 26:9

“Iń do apnargeń pạtiạukʼkan tahẽkana, Nasaretren Jisu upạrte okań daṛeakʼ ona jotoge kạmi lek tińạ mente,

Kolossiko lạgitʼ Pạul Apostolakʼ ciṭhi 2:8

Sontor akae tahenpe, jemon okoe hõ hoṛakʼ bidiyạ ar ạuṛi lilkạrte aloe siboṛpema. Mạsi tulucʼ ona cecetʼakʼ reakʼ do jãhãn jurige bạnukʼa; manwakoakʼ ạri-cạli ar dhạrti reakʼ ạḍi lekan ạn-ạrirege ona do ṭehãḍokʼ kana.

1 Patras 1:8

Mạsi bape ńel akadere hõ enhõ ape do unipe dulạṛede kana; ar ńit bape ńel ńamekanre hõ unirepe pạtiạu akana, ar okaṭakʼ rạskạ lạite baṅ sodorokʼ ar okaṭakʼ do serma reakʼ ṭhonokte perecʼge, ona rạskạtepe rạskạkʼ kana;