Exodus 7:3 - সান্তালী বাইবেল

^3-4 Menkhan iń do Pharaoakʼ moniń keṭecʼ ocoytaea jemon Misor disạmre aema cinhạ ar hahaṛa kạmikoń kạmi daṛeakʼ. Uni do abenakʼ katha bae ańjoma. Onate iń do Misor disạm cetanre ińakʼ tiyiń tultińạ ar ạḍi bạṛicʼ sạjạyiń emokʼte ińren phạdko, metakʼme ińren hoṛ Israelko ona disạm khoniń oḍok ạgukoa.

Exodus 7:3 Iomraidhean Croise

Nehemiạ 9:10

Amge Pharao ar uniren sanam kạmiyạko ar uniyakʼ disạmren sanam hoṛko ạḍi utạr cinhạ ar hahaṛa kạmikom udukʼatʼkoa, ente am dom baḍaekan tahẽkana aleren hapṛamko tulucʼ Misrikoakʼ beohar do bạḍạite perecʼ tahẽkana. Ar niạko kạmite am do amakʼ ńutumem rukhiyạleda, ona do teheń hạbicʼ hõ menakʼgea.

Sereńko 135:9

E Misor, uni do am talare Pharao ar uniren kạmiyạko birudre acʼakʼ cinhạ ar hahaṛa kạmikoe kạmileda.

Sereńko 78:12

Israelren hapṛamkoakʼ mẽtʼãhã samaṅre uni do hahaṛa kạmiye kạmileda; Misor disạmre ar Soan ṭoṭhare uni do onakoe kạmileda.

Exodus 11:10

Noako hahaṛa kạmi Mose ar Aron do Pharao samaṅre kin kạmikeda, menkhan Probhu Isor do Pharaoakʼ mone keṭecʼketʼte disạm khon Israelko bae sen ocoatʼkoa.

Exodus 11:9

Probhu Isor do Moseye metadea, “Misor disạmre ińakʼ hahaṛa kạmiko jemon ḍherokʼ onate Pharao do amakʼ katha bae ańjoma.”

Exodus 14:4

Ar iń do Pharaoakʼ moniń keṭecʼ ocoytaea ar uni do onkoe khudạu idikoa. Menkhan Pharao ar uniren lạṛhại phạdkoge ińakʼ ṭhonok sodorokʼren hoṛko hoyokʼa. Ar noa iạte Misorrenko baḍae daṛeakʼa, iń kangeạń Probhu Isor do.” Ar Israelko do Probhu Isorakʼ katha lekako kạmikeda.

Exodus 3:20

Onate iń do unire ińakʼ daṛeń uduga ar hahaṛa kạmiko hotete Misoriń ńẽda ar onate Pharao doe sen ocoapea.

Exodus 4:21

Probhu Isor do Moseye metadea, “Okako hahaṛa kạmi lạgitʼ daṛeń ematʼme ona do Misor disạmte ruạṛ senkate Pharao samaṅrem onkaea. Menkhan uniyakʼ mon nonkań keṭecʼ ocoytaea onate uni do hoṛko bae sen ocoakoa.

Exodus 4:29

Ona tayom Mose ar Aron do Misorte senkate Israelren sanam murubbikin jarwaketʼkoa.

Exodus 4:7

Unre Probhu Isore menkeda, “Amakʼ ti do arhõ onḍege doho ruạṛme.” Mose do arhõe onkakeda. Menkhan tinre tiye oḍokketʼtaea unre uniyakʼ ti do hoṛmo reakʼ eṭakʼ hạṭińko leka mońjge hoyena.

Exodus 7:13

Menkhan Probhu Isor do unkin okae metatʼkin tahẽkan onkage hoyena. Pharaoakʼ mon do keṭecʼentaea; onate Mose ar Aronakʼ katha bae ańjomleda.

Exodus 9:16

Menkhan am do jiwetʼ iń dohomea jemon ińakʼ daṛeń udukʼ daṛeam ar goṭa dhạrtire ińakʼ ńutum lại pasnaokʼtiń.

Kạhtukko 21:1

Probhu Isorakʼ tire rajakʼ mon do gaḍa dakʼ leka; Probhu Isor jãhã secʼge monae ontegeye mohnaḍayede kana.

Jesaea 51:9

E Probhu Isorakʼ daṛeanakʼ ti, ma ebhenokʼme, beredokʼme ar amakʼ daṛe baṛe sodortam. Cetʼleka sedae khonem tahẽkan, cetʼleka piṛhike piṛhim beretʼlen onkage baṛe beredokʼme. Amge cetʼ Rahab do bam chaka chunledea? Silodam danob do cetʼ amge bam sobokʼ tapʼledea?

Mikạ 7:15

Misor disạm khon oḍok hijukʼ reakʼ dinko leka am do hahaṛawakʼ kạmiko udukʼaleme.

Johan 4:48

Jisu do uni raj kạmiyạ hoṛe metadea, “Jãhãn cinhạ se hahaṛa kạmi bape ńellekhan ape do okalekate hõ ohope pạtiạulena.”

Aposkạmi 2:22

“E Israelko, noa katha ańjompe. Nasaretren Jisu hotete Isor do ape talare bhage ar hahaṛa kạmikote ape ṭhene sạbud akada je, uni do Jisui kolledea; ar noa katha do ape hõpe baḍaegea.

Aposkạmi 7:36

Ar nui Mosege Misor disạm khon Israelkoe oḍok ạguletʼkoa ar Misor disạmre, arakʼ doreãore ar pongel bochor hạbicʼ hahaṅkarre ạḍi utạr hahaṛa kạmi ar cinhạkoe kạmileda.

Romiko lạgitʼ Pạul Apostolakʼ ciṭhi 9:18

Onate Isor do acʼakʼ kusi leka okoeye daya akokan onkogeye daya akokana ar okoe keṭejeye menjoṅkan uni doe keṭecʼ edekana.

Dosar Biboron 4:34

Ape do kuli joṅpe, aperen Probhu do apeakʼ mẽtʼ samaṅre Misor disạmre ape lạgitʼ okae cekaletʼ onka jãhãn debota jãhãtisokʼ biḍạu hotete, hahaṛa kạmi hotete, cinhạ kạmikote, lạṛhại talate, keṭecʼ ar daṛeanakʼ tite ar maraṅ ar botoranakʼ kạmiko hotete jãhãn jạtren hoṛko eṭakʼ jạtrenko tala khon apnar lạgitʼe oḍok ạgu akatʼkoa se baṅa.

Dosar Biboron 7:19

Aperen Probhu Isor do botoranakʼ biḍạu hotete, hahaṛa kạmi ar cinhạko hotete ar acʼakʼ daṛeanakʼ tite apeye oḍok ạguketʼpe ona do apeakʼ mẽtʼtegepe ńelakada. Ar ńitokʼ okoe jạtrenko ńeltepe botorokʼkan onko cetanrehõ unigeye onkaea.