Ester 9:15 - সান্তালী বাইবেল

¹⁵ Susanren Jihudiko do Adar cando reakʼ gelponakʼ dinre mitʼ ṭhenko jarwayena ar onḍe do pesae hoṛko gocʼketʼkoa, menkhan jãhãn luṭakʼ jinis do bako hataoleda.

Ester 9:15 Iomraidhean Croise

Ester 8:11

Ahasberos raj do ona ciṭhire Adar cando reakʼ, metakʼme gelbar cando reakʼ gelpeyakʼ dinre uniyakʼ rajosṭi reakʼ mimitʼ nagraharen Jihudiko jemon mitʼ ṭhenko jarwakʼte akoakʼ jiwi rukhiyạitako reakʼ ạidạriye ematʼkoa. Jãhãn jạt se tabe disạmren hoṛko jodi Jihudiko ar onkoren maejiuko ar hoponko ar hoponerako cetanre akromonko calao enḍekhan Jihudiko hõ akoren bạirikoko marao utạrko ar onko bạirikoakʼ sompotti luṭ reakʼ ạidạriko ńamkeda.

Ester 9:12

Raj do unre Ester rạniye metadea, “Susan gaṛre Jihudiko do mõṛẽsae hoṛ ar Hamanren gel goṭen hoponko gocʼ akatʼkoa. Rajakʼ sarecʼ tabe disạmkore baṅ cetʼko cekawakatʼ. Ńitokʼ amakʼ ńehõr joṅakʼ do cetʼ tam? Ńitʼhõ jãhãnakʼgem khoj onagem emocokʼa. Ar onkage hoyokʼa.”

Ester 9:13

Ester rạniye roṛ ruạṛkeda, “Maharaj bhageye bujhạuetʼ khan tobe teheń leka gapa hõ Susanren Jihudiko jemon hukumko ńam; ar Hamanren gel goṭen hopon doko pạsi ocokʼma.”

Ester 9:14

Raj do ona hoyokʼ reakʼgeye hukumkeda. Susanre rajakʼ ona hukum do lại jạhirena ar hoṛko do Hamanren gel goṭen hoponko pạsiketʼkoa.

Ester 9:16

Inạko dinre rajakʼ tabe disạmren sarecʼ Jihudiko hõ akoakʼ jiwi rukhiyạitako lạgitʼ ar onkoren bạirikoakʼ ti khon rukhiyạ ńam lạgitʼ mitʼ ṭhenko jarwayena. Onko do akoren eae gel mõṛẽ hajar bạiriko gocʼketʼkoa menkhan jinisko do bako luṭletʼtakoa.

Ester 9:2

Okoe do Jihudiko marao utạrkoko menletʼ Jihudiko do onko akromonko lạgitʼ Ahasberos rajakʼ sanam tabe disạmre nij nij nagrahareko jarwayena. Ar onko upạrte celege bako teṅgo daṛeada, ente eṭakʼ sanam jạtren hoṛko do onkoko botorako kan tahẽkana.

1 Thessalonikikko 5:22

ar joto lekan bạṛicʼakʼ khon sahaṛ akae tahenpe.

Ibriko 13:5

Ṭaka-poesa reakʼ laloc khon sahaṛakae tahenpe. Apeakʼ oka menakʼtape onatege dhirpur akae tahenpe. Isore meneda, “Iń do tishõ bạń alae mea ar tishõ bạń bạgi giḍimea.”