Ester 8:15 - সান্তালী বাইবেল

¹⁵ Mordekai do mĩhĩ musnạ sutạm reakʼ beguni kicricʼ cetanre lil ar ponḍ roṅ reakʼ raj kicricʼ horokʼkate ar sona reakʼ mitʼṭecʼ mukuṭ bohokʼre horokʼkate raj samaṅ khone oḍok calaoena. Ar Susan nagraharen hoṛko do ãṭ aṛaṅteko hulạsena.

Ester 8:15 Iomraidhean Croise

Genesis 41:42

Ona tayom Pharao do acʼakʼ ti khon mohor chapakatʼ mundạm bocʼkate Josephe horokʼadea. Ar mońj utạrakʼ kicricʼe emadea ar hoṭokʼre sona reakʼ mala hõe horokʼadea.

Ester 1:6

Ona bagwan sajao lạgitʼ do ponḍ ar lil kicricʼ reakʼ orwalkoe beoharkeda. Onako do ponḍ ar beguni roṅakʼ mĩhĩ musnạ sutạm reakʼ baberte rupạ mạ̃kṛiko ar marbel dhiriko khunṭire tol ṭarhao akan tahẽkana. Marbel dhiriko, jhinuk ar aema lekan roṅ reakʼ eṭakʼ eṭakʼ damanakʼ dhiriko reakʼ aṭetʼ bạisạuatʼre sona ar rupạ reakʼ duṛupʼakʼko tahẽkana.

Ester 10:2

Uniyakʼ ektiạri ar daṛe reakʼ kathako ar Mordekai cetʼ lekate cetan hudại ńamketʼ are maraṅ ocoyena onako katha uni do Madae ar Parasren rapajkoakʼ Itihãs puthire ol menakʼa.

Ester 3:15

Rajakʼ hukum ńamkate sombat asenko do usạrateko oḍokena ar Susan gaṛrehõ ona hukum lại jạhirena. Ona tayom raj ar Haman do darkha rasa ńũńũkin duṛupʼena ar Susan nagraharen Jihudiko doko hae nisạsena.

Ester 5:1

Tesar hilokʼ Ester do rạniyakʼ sajbaj horokʼkate raj doṅgol bhitri raj dorbarte senkateye teṅgoyena. Unre raj do siṅghạsonre duṛupʼkate duạr secʼe samaṅ akatʼ tahẽkana.

Ester 5:11

Ona tayom uni do onko ṭhen acʼakʼ dhon durib reakʼ katha, acʼren hoponkoakʼ katha, ar oka pontha iạte raj ṭhen khon manote ńamketʼ ar cekate eṭakʼ cetan hudạren hoṛko ar kạmiyạko khone maraṅ ocoyena ona joto katha do gorbokate lại akoe ehopʼena.

Ester 6:11

Onate Haman do raj kicricʼ ar sadome ạgukedea ar ona kicricʼ Mordekaiye horokʼadete sadomreye decʼkedea ar nagraha reakʼ moedanre uni laha lahate noae lại jạhirkeda, “Raj okoe manoteye men unire hõ nonkage hoyokʼa.”

Ester 8:14

Rajren khacaṛ sadomkore decʼkate sombat asenko do usạrate rajakʼ hukumanteko oḍokena. Ar Susan gaṛre hõ ona hukum do lại jạhirena.

Kạhtukko 11:10

Isor botoraekoakʼ bhạlại hoylen khan nagraha rạskạkʼa, ar bedhoromkoko ḍahao maraolenre hoṛko do rạskạteko andoṛa.

Kạhtukko 28:12

Dhorom hoṛko ektiạriko ńamle khan sanam hoṛakʼ bhạlại hoyokʼa, menkhan bạṛicʼ hoṛkoakʼ tire ektiạri calaolen khan hoṛko bako ńamokʼa.

Kạhtukko 29:2

Dhoromkoko saṅgelen khan hoṛkoko rạskạkʼa, menkhan bedhoromko cakʼlaokoko hoylen khan hoṛko doko kũhrạukʼa.

Mathae 11:8

Se, cetʼ ńeńelpe oḍok calaolena? Mońj kicricʼe horokʼ akatʼ mitʼṭen hoṛ ńeńel? Sạrige okoe mońj kicricʼko horokʼetʼkan onko do rajakʼ oṛakʼreko tahenkana.

Mathae 6:29

Menkhan ińiń metapekana, Solomon raj do unạkʼ jak jomoke tahẽkanrehõ noako reakʼ mitʼ goṭecʼ leka hõ bae saj daṛeada.

Luk 16:19

“Mitʼṭen kisạ̃ṛ hoṛe tahẽkana. Uni do beguni roṅakʼ ar eṭakʼ damanakʼ kicricʼkoe horokʼ bandeyetʼ tahẽkana. Ar jaoge hesecʼ sekrejokʼ tulucʼe jom-ńũiyetʼ tahẽkana.