Ester 8:11 - সান্তালী বাইবেল

^11-12 Ahasberos raj do ona ciṭhire Adar cando reakʼ, metakʼme gelbar cando reakʼ gelpeyakʼ dinre uniyakʼ rajosṭi reakʼ mimitʼ nagraharen Jihudiko jemon mitʼ ṭhenko jarwakʼte akoakʼ jiwi rukhiyạitako reakʼ ạidạriye ematʼkoa. Jãhãn jạt se tabe disạmren hoṛko jodi Jihudiko ar onkoren maejiuko ar hoponko ar hoponerako cetanre akromonko calao enḍekhan Jihudiko hõ akoren bạirikoko marao utạrko ar onko bạirikoakʼ sompotti luṭ reakʼ ạidạriko ńamkeda.

Ester 8:11 Iomraidhean Croise

Ester 3:13

Rajakʼ goṭa tabe disạmkore sombat asenko hotete ciṭhi do kol hoyena. Ona ciṭhire do nonka hukum emena Adar cando reakʼ gelpeyakʼ dinre Jihudiren sanam juạnko, haṛamko, maejiuko, gidrạko, metakʼme sanam Jihudiko do gocʼko hoyokʼa ar mohor meṭao utạrko hoyokʼa. Ona chaḍa onkoakʼ jinisko hõ luṭtako hoyokʼa.

Ester 9:18

Menkhan Susanren Jihudiko do gelpe ar gelponakʼ dinre mitʼ sãoteko jarwa mitʼena. Ona tayom gel mõṛẽakʼ dinre onko doko jirạuena ar enhilokʼ do bhoj ar hulạsanakʼ din lekateko palonkeda.

Sereńko 137:8

E Babelren hoponera, am dom ḍahao marao ocokʼa; am do cetʼleka ale cetanrem cekawakatʼ ar okoe amreye onkae uni doe bhạgangea!

Sereńko 68:3

Menkhan Isor botoraekanko doko kusikʼma ar Isor samaṅreko rạskạkʼma; onko do kusiteko hulạsokʼma.

Jesaea 10:6

Uni do Isor baṅ botorae kan mitʼ jạtrenko upạrteń kolekana ar okoe ińko khĩs ocoakadiń onko upạrteń kolekana jemon uni do luṭ are recʼko ar hor reakʼ losotʼ lekae lebetʼ gańjao daṛeako.

Jeheskel 39:10

Onko do sahan jogaṛ lạgitʼ ṭạnḍi khon se bir-gajaṛ khon ạgu baṅ lagao akoa, ente sahan bodolte khanḍa bhanḍako jereda. Onko do luluṭkoakʼ jinisko luṭ joṅa; ar rerecʼkoakʼ jinisko recʼ ruạṛkoa. Iń Probhu Isorge noa katha doń menetʼkana.