Ester 7:4 - সান্তালী বাইবেল

⁴ ente ale gocʼle ar marao utạrle lạgitʼte iń ar iń jạtren hoṛko dole ạkhriń akana. Ale do eken guti ar kạ̃ṛmĩ hoyokʼ lạgitʼle ạkhrińlen khan do hape akangeń tahẽkokʼa, ente onkan kosṭo reakʼ katha maharaj baḍae ocoye do lek baṅ tahẽkokʼa.”

Ester 7:4 Iomraidhean Croise

Nehemiạ 5:5

Ale do mitʼ jạtren hoṛkangeale ar aleren gidrạko hõ onkoren gidrạko leka kangeako enhõ aleren hoponko ar hoponerako do golam menkate emokʼ hoyokʼkantalea, ar aleren hoponerako modre adomko do laharege kạ̃ṛmĩko hoyakana. Ńitokʼ do cetʼ ektiạrige bạnukʼtalea, ente aleakʼ jaega-jumi ar darkha bagwan do eṭakʼ hoṛkoakʼ hoyakana.”

Ester 3:13

Rajakʼ goṭa tabe disạmkore sombat asenko hotete ciṭhi do kol hoyena. Ona ciṭhire do nonka hukum emena Adar cando reakʼ gelpeyakʼ dinre Jihudiren sanam juạnko, haṛamko, maejiuko, gidrạko, metakʼme sanam Jihudiko do gocʼko hoyokʼa ar mohor meṭao utạrko hoyokʼa. Ona chaḍa onkoakʼ jinisko hõ luṭtako hoyokʼa.

Ester 3:9

Ado raj bhageye hudis khan onko do marao utạrko lạgitʼ mitʼṭecʼ hukume emokʼma. Onate rajakʼ khajańci oṛakʼre dohoy lạgitʼ rajakʼ kạmi ạkʼyurkoakʼ tire iń do pesae aregel ṭon rupạń emokʼa.”

Ester 7:5

Unre Ahasberos raj do rạniye kulikedea, “Okoe kanae uni hoṛ do? Ar uni do okare menaea? Nonkan kạmi reakʼ dil do okoeyakʼ hoyakantaea?”

Ester 7:6

Estere menkeda, “Uni dusṭạmi bạiri do nui Hamange.” Unre Haman do raj ar rạni samaṅre ạḍiye botorena.

Ester 8:11

Ahasberos raj do ona ciṭhire Adar cando reakʼ, metakʼme gelbar cando reakʼ gelpeyakʼ dinre uniyakʼ rajosṭi reakʼ mimitʼ nagraharen Jihudiko jemon mitʼ ṭhenko jarwakʼte akoakʼ jiwi rukhiyạitako reakʼ ạidạriye ematʼkoa. Jãhãn jạt se tabe disạmren hoṛko jodi Jihudiko ar onkoren maejiuko ar hoponko ar hoponerako cetanre akromonko calao enḍekhan Jihudiko hõ akoren bạirikoko marao utạrko ar onko bạirikoakʼ sompotti luṭ reakʼ ạidạriko ńamkeda.

Ester 8:6

Ińakʼ jạt ar ińren hoṛko cetanre hecʼ paṛaokʼ ghoṭnako do cekateń sahao daṛekea?”

Ester 9:25

Menkhan raj do Hamanakʼ soṛojontro tinreye baḍaekeda unre uni do ona olakʼ hukume emena jemon Jihudiko upạrte Haman oka dusṭạmi phundiye aṭaoletʼ ona do uniyakʼ bohokʼrege paṛaokʼ ar uniren hoponko hõ jemonko pạsi ocokʼ.

Daniel 6:2

Onko cetanre pea do rajren ạkʼyurkoko tahẽkana. Noko pe hoṛ modre Daniel hõe tahẽkana. Noko pe hoṛ ṭhenge onko subedarko do hisạb emokʼ hoyokʼkan tahẽkantakoa jemon maharajakʼ jãhãnakʼ loksan alo hoyokʼtae.

Joel 3:6

Jihudạ ar Jerusalemren hoṛko do akoakʼ disạm khon sạṅgiń giḍikako lạgitʼ Junạniko ṭhenpe ạkhrińletʼkoa.

Amos 2:6

Probhu Isore meneda, “Israelakʼ pea ghạṭ iạte, hẽ, ponea ghạṭ iạte iń do khạṭige uniń sạjạiyea. Uniren hoṛ do ṭaka poesa lạgitʼ dhorom hoṛko ar jaṅga reakʼ mitʼ joṛa panahe lạgitʼ reṅgecʼ hoṛko ạkhriń akatʼkoa.

Luk 12:45

Menkhan uni sordar do acʼakʼ monreye menle khan, ‘ińren kisạ̃ṛ do hijukʼe bilomeda.’ Ar unre uni do sãoten guti ar kạ̃ṛmĩkoe dalkote jom-ńũkate bulokʼe ehobokʼ.

Dosar Biboron 28:68

Misorte calakʼ reaṅ iń metatʼpe tahẽkana, tishõ ona horte do taṛam baṅ lagao apea; menkhan Probhu Isor do unre jahajte Misor disạmteye kol ruạṛpea. Onḍe do guti ar kạ̃ṛmĩ lekate bạiriko ṭhen kiriń ocokʼpe khoja menkhan celege bako kirińpea.

Josuạ 9:23

Onate ape cetanre niạ sarap tahẽyena, ińren Isorakʼ oṛakʼ lạgitʼ sahan mamakʼ ar dakʼ ạgui reakʼ kạmipe kạmiya. Niạ golam reakʼ kạmi khon do ar tisge rehae bape ńama.”

1 Samuel 22:23

Am do iń ṭhenge tahenme, alom botorokʼa. Ar okoe amakʼ jiwi hatao lạgitʼe kurumuṭuletʼ uni do ińakʼ jiwi hatao lạgitʼ hõe kurumuṭu kana. Am do iń ṭhen nirạitem tahẽdaṛeakʼa.”