Ester 6:6 - সান্তালী বাইবেল

⁶ Haman bhitriteye boloyen khan raj do uniye kulikedea, “Raja jãhãe manoteye menjoṅ khan uni lạgitʼ do cetʼ cekae hoyokʼa?” Unre Haman do mone monteye menkeda, iń chaḍa raj do manot ar okoeye emaea?”

Ester 6:6 Iomraidhean Croise

Ester 1:15

Raj doe kuliyana, “Ạn lekate Bạsti rạni do cetʼ cekaye hoyokʼa? Ente uniren sapʼ sosorko hotete Ahasberos raj okaṭakʼ hukumletʼ rạni do ona bae manaoleda.”

Ester 5:11

Ona tayom uni do onko ṭhen acʼakʼ dhon durib reakʼ katha, acʼren hoponkoakʼ katha, ar oka pontha iạte raj ṭhen khon manote ńamketʼ ar cekate eṭakʼ cetan hudạren hoṛko ar kạmiyạko khone maraṅ ocoyena ona joto katha do gorbokate lại akoe ehopʼena.

Ester 6:11

Onate Haman do raj kicricʼ ar sadome ạgukedea ar ona kicricʼ Mordekaiye horokʼadete sadomreye decʼkedea ar nagraha reakʼ moedanre uni laha lahate noae lại jạhirkeda, “Raj okoe manoteye men unire hõ nonkage hoyokʼa.”

Ester 6:5

Rajren gutiko doko menkeda, “Dorbarre Hamane teṅgo akana.” Raje menkeda, “Haman bhitriteye hijukʼma.”

Ester 6:7

Ona iạte uniye roṛ ruạṛkeda, “Raj do okoe manoteye menetʼkan uni lạgitʼ maharajakʼ mitʼṭecʼ raj kicricʼ ạgukʼma ar okoeṭakʼ sadomakʼ bohokʼre raj mukuṭ horokʼ menakʼ uni sadom hõe ạgu ocokʼma.

Ester 6:9

Ona tayom ona kicricʼ ar sadom do rajren cetan hudạren kạmiyạko modre mitʼ hoṛakʼ tire emokʼma. Ar raj okoeṭakʼ manoteye menetʼkan uni do ona kicricʼe horokʼaema ar sadomre uniye dejete nagraha reakʼ moedanre uni laha lahate lại jạhirokʼma, ‘raj okoe manoteye men unire hõ nonkage hoyokʼa.”

Sereńko 35:27

Dhorom horteń calakʼkan, noa katha ańjomkate okoeko rạskạkʼkan onko do kusiteko hulạsokʼma. Ar jao ghuṛigeko men ma, “Probhu Isorakʼge sarhao hoyokʼtaema; uni do acʼren gutikoakʼ bhạlại iạteye kusikʼ kana.”

Kạhtukko 1:32

Lelha hoṛ do muhinteko calakʼge onkoakʼ gujukʼ reakʼ karon do hoyokʼa, bebujko do akoakʼ nicindokʼgeye ḍahao maraokoa;

Kạhtukko 16:18

Bạḍại do bạṛicʼakʼe ạguiya ar phulạukʼ mon do maraokʼge.

Kạhtukko 18:12

Manwa ontor reakʼ bạḍại do jarkhare ạguiya,

Kạhtukko 30:13

onkoakʼ mẽtʼ do bạḍạite perecʼgetakoa, ar onkoakʼ beṅgetʼ hõ hirkhạte perecʼgea,

Jesaea 42:1

Probhu Isore meneda, “Ńelpe, ińren guti, one uniń goṛowae kan; ariń bachao akade ar one unireń kusi akan. Ińren Jiu do unireń dohoyea ar uni do boṅgan hoṛ jạtrenko ṭhen hok reakʼ bicạre lại jạhira.

Jirimiạ 32:41

Iń do kusi monte onkoń bhạlạikoa ar ińakʼ goṭa mon ar ontorte niạ disạmre khạṭige onko do cara lekań rohoekoa.

Obodiạ 1:3

Am do huṭupʼ dhiri lopakʼrem girobasokʼ kana ar usul usul ṭhạ̃ikorem tahenkana ar mone monetem meneda, ‘okoe hale otre doe pheḍ daṛekińạ?’ Menkhan amakʼ ontor reakʼ bạḍạikoge am doe ṭhoka akatʼmea.

Mathae 3:17

Unre serma khon mitʼṭen aṛaṅ ańjomena, “Nuige ińren dulạṛiạ Hopon, one unireń kusi akan.”

Luk 14:9

Enḍekhan okoeye neota akatʼben uni do hecʼkateye metama, ‘noa jaega do uni aṛakʼae me.’ Unre lajaorem paṛaokʼte tayom utạrakʼ jaegare duṛubokʼ hoyokʼtama.

Johan 5:23

Baba cetʼlekako manotede onkage jemon Hopon hõko manote. Hopon okoe bae manotede, uni do kol akadińicʼ Baba hõ bae manotea.