Ester 6:12 - সান্তালী বাইবেল

¹² Inạ tayom Mordekai do arhõ raj dolan reakʼ phaṭo duạr ṭhene senena. Menkhan Haman do dukte bohokʼe tol esetʼente usạrate oṛakʼteye calaoena.

Ester 6:12 Iomraidhean Croise

2 Samuel 15:30

Dạud do rakʼ rakʼte jạitun buruteye rakapʼ calaoena. Uni do bohokʼ poṭom esetʼkate eken jaṅgae taṛametʼ tahẽkana. Hoṛko hõ jotoge uni sãote bohokʼ poṭomkate rakʼ rakʼte rakabokʼko ehopʼena.

2 Samuel 17:23

Ahitophel do tinreye ńelkeda, acʼakʼ sopolha leka kạmi baṅ hoylena unre uni do acʼren gadhare decʼkate acʼakʼ atoteye calaoena. Ar acʼakʼ oṛakʼ reakʼ jotowakʼ bebosta oṭokateye pạsi gocʼena. Ar acʼren apatakʼ topareko baekadea.

1 Rapajko 20:43

Onate Israelren rajakʼ mẽtʼãhã do mulinetaea ar edrete acʼakʼ raj dolan Samariạteye calaoena.

1 Rapajko 21:4

“Ińren ạpuń ar goṛomiń ṭhen khon ńamakʼ sompotti do bạń em daṛeama.” Ahab do Jisriyelren Nabatakʼ niạ katha iạte acʼakʼ mẽtʼãhãe kurkunḍucʼketʼtaea ar oṛakʼteye calaoena. Uni do aṭetʼre eṭakʼ secʼ samaṅkateye giticʼ hapeyena ar cetʼhõ bae jom-ńũleda.

1 Rapajko 21:6

Raj do uniye roṛ ruạṛadea, “Jisriyelren Nabatiń metade tahẽkana uniyakʼ darkha bagwan jemon iń ṭhene ạkhriń ar ona bodolte eṭakʼ mitʼṭecʼ darkha bagwan hõ emaeyiń menleda, menkhan uni do acʼakʼ ona darkha bagwan imạń bae rebenlena.”

2 Bõsbudạ 26:20

Unre maraṅ naeke Asariạ ar eṭakʼ sanamko do uni secʼko beṅgetʼketʼ khan uniyakʼ moloṅre murhucʼ jom rogko ńelkeda. Onate onko do usạrateko oḍok giḍikadea. Ar acʼhõ usạrate oḍok hijukʼe khojkeda, ente Probhu Isor do uniye ńẽtʼakade tahẽkana.

Ester 2:19

Dosar dhao kũạ̃ri kuṛiko jogaṛko jokhecʼ Mordekai do raj dolan reakʼ phaṭok duạr ṭhen duṛubokʼ lạgitʼe bahal ocoakan tahẽkana.

Ester 6:11

Onate Haman do raj kicricʼ ar sadome ạgukedea ar ona kicricʼ Mordekaiye horokʼadete sadomreye decʼkedea ar nagraha reakʼ moedanre uni laha lahate noae lại jạhirkeda, “Raj okoe manoteye men unire hõ nonkage hoyokʼa.”

Ester 7:8

Raj doṅgol reakʼ bagwan khon raj do bhoj oṛakʼteye ruạṛ hecʼena ar unre Ester oka duṛupʼakʼre ṭenḍarkateye duṛupʼ akan tahẽkan onare Haman doe ombakʼ akan tahẽkana. Unre raj do ãṭ aṛaṅteye menkeda, “Nui do cetʼ iń samaṅrege ińren rạniye jormoṭea?” Rajakʼ moca khon niạ katha oḍokokʼ são sãote hoṛko do Hamanakʼ mẽtʼãhãko betʼketʼtaea.

Jobakʼ 20:5

dusṭạmikoakʼ hulạs joṅ do thoṛa ghạṛi lạgitʼ kana. Ar bedhoromkoakʼ rạskạ do eken mitʼ ripitʼ lạgitʼ kana;

Jobakʼ 9:24

Bedhoromkoakʼ tire dhạrti do emakana ar Isor do bikʼcạrkoakʼ mẽtʼe bond akatʼ takoa. Uni bae onka akatʼ khan tobe do okoeye onka akada?

1 Samuel 3:15

Ar Samuel do setakʼ hạbicʼ giticʼgeye tahẽyena, ar ona tayom beretʼkate Probhu Isorakʼ oṛakʼ reakʼ duạrkoe jhicʼkeda; menkhan niạ dorson reakʼ katha Eli ṭhen lạlại do bae dilleda.