Ester 6:10 - সান্তালী বাইবেল

¹⁰ Unre raj do Hamane hukumadea, “Am do ńitge senkate raj kicricʼ ar sadom ạguiyem ar cetʼ lekam menketʼ onkage raj doṅgol reakʼ phaṭok duạrreye duṛupʼ akan uni Jihudi Mordekae onkawaeme. Ar am cetʼkom menketʼ onako reakʼ cetʼge alom ḍhilisiliya.”

Ester 6:10 Iomraidhean Croise

2 Rapajko 10:10

Baḍae dohokakʼpe, Ahabren bõsko upạrte Probhu Isore roṛakatʼ mitʼṭecʼ katha hõ baṅ ạuṛiyagokʼa. Probhu Isor do acʼren guti Eliạ hotete oka hoyokʼ reakʼ kathae menletʼ onae onka akada.”

Ester 6:11

Onate Haman do raj kicricʼ ar sadome ạgukedea ar ona kicricʼ Mordekaiye horokʼadete sadomreye decʼkedea ar nagraha reakʼ moedanre uni laha lahate noae lại jạhirkeda, “Raj okoe manoteye men unire hõ nonkage hoyokʼa.”

Ester 6:9

Ona tayom ona kicricʼ ar sadom do rajren cetan hudạren kạmiyạko modre mitʼ hoṛakʼ tire emokʼma. Ar raj okoeṭakʼ manoteye menetʼkan uni do ona kicricʼe horokʼaema ar sadomre uniye dejete nagraha reakʼ moedanre uni laha lahate lại jạhirokʼma, ‘raj okoe manoteye men unire hõ nonkage hoyokʼa.”

Sereńko 31:24

Ape okoe do Probhu Isor cetanrepe hirlạ akan ape do monre daṛe dohoype ar dil joṅpe.

Daniel 4:37

Ńitokʼ iń Nebukadnesar do uni sermaren raj sarhao, manot ar ṭhonokiń emaekana, ente uni okaṭakʼe cekae ona do ṭhikakʼgeye onkayeda, ar uniyakʼ jotowakʼ horge dhoromte perecʼgetaea. Ar okoe bạḍạiteko perecʼge uni do onkoe copotʼkoa.

Luk 14:11

Okoe acʼte usulokʼe menetʼkan uni doe copotʼ ocokʼa, ar okoe acʼteye copodokʼ uni doe usul ocokʼa.”

Johan sodor 18:7

Uni do acʼakʼ reaṅ tinạkʼ bạ̃ṛtiye sabasilen, ar tinạkʼ bạ̃ṛtiye umtạ umtilen, ṭhik unạkʼge saset ar duk emaepe, ente monreye hudiseda, iń ma rạniń hoyakan, ar rạnḍi doń baṅkana; ar oka lekatege bạń dukokʼa.