Ester 5:9 - সান্তালী বাইবেল

⁹ Enhilokʼ Haman do kusite bahreteye oḍok calaoena. Menkhan uni do tinre raj dolan reakʼ phaṭok duạrre Mordekaiye ńamkedea, ar Mordekai do uni ńelkate hõ bae teṅgolena ar manot hõ bae udukʼadea unre uni do Mordekai upạrte ạḍiye edreyena.

Ester 5:9 Iomraidhean Croise

1 Rapajko 21:4

“Ińren ạpuń ar goṛomiń ṭhen khon ńamakʼ sompotti do bạń em daṛeama.” Ahab do Jisriyelren Nabatakʼ niạ katha iạte acʼakʼ mẽtʼãhãe kurkunḍucʼketʼtaea ar oṛakʼteye calaoena. Uni do aṭetʼre eṭakʼ secʼ samaṅkateye giticʼ hapeyena ar cetʼhõ bae jom-ńũleda.

1 Rapajko 21:6

Raj do uniye roṛ ruạṛadea, “Jisriyelren Nabatiń metade tahẽkana uniyakʼ darkha bagwan jemon iń ṭhene ạkhriń ar ona bodolte eṭakʼ mitʼṭecʼ darkha bagwan hõ emaeyiń menleda, menkhan uni do acʼakʼ ona darkha bagwan imạń bae rebenlena.”

Ester 2:19

Dosar dhao kũạ̃ri kuṛiko jogaṛko jokhecʼ Mordekai do raj dolan reakʼ phaṭok duạr ṭhen duṛubokʼ lạgitʼe bahal ocoakan tahẽkana.

Ester 3:2

Unre raj dolan reakʼ phaṭok duạrre tahen kạmiyạko do ikhṛumate Hamanko ḍobokʼaekan tahẽkana, ente raj do uni reaṅ onkageye hukumakatʼ tahẽkana. Menkhan Mordekae do ikhṛum hõ bae ikṛumokʼkan tahẽkana ar ḍobokʼ hõ bae ḍobokʼae kan tahẽkana.

Ester 3:5

Mordekai do ikhṛum hõ baṅ ar manot hõ baṅ emokʼkan reakʼe baḍaeketʼ khan Haman do ạḍiye raṅgaoena.

Ester 5:13

Menkhan jãhãtinrege raj doṅgol reakʼ duạrre uni Jihudi Mordekai duṛupʼ akaniń ńele unrege iń do monre suluk bạń ạikạua.”

Jobakʼ 20:5

dusṭạmikoakʼ hulạs joṅ do thoṛa ghạṛi lạgitʼ kana. Ar bedhoromkoakʼ rạskạ do eken mitʼ ripitʼ lạgitʼ kana;

Jobakʼ 31:31

Ińakʼ gharońjren hoṛko do niạ kathageko roṛetʼ tahẽkana, ‘Job emakʼ jelte okoe hale lacʼ do bae bi akatʼtaea?’

Sereńko 15:4

Uni do hirkhạ ocokʼkan hoṛko khone pharakokʼa, ar Probhu Isor botoraekan hoṛkoe manotkoa, ar jãhãnakʼ loksan hoylentaere hõ gokʼakʼe purạugea,

Sereńko 27:3

Palṭon phạdko ińko esetʼ ạcur lińre hõ, enhõ ińakʼ mon do baṅ botorokʼtińạ; ar iń upạrte lạṛhại ehopʼlenre hõ enrehõ iń do bhorsa do tahentińgea.

Daniel 3:13

Noa katha ańjomkate Nebukadnesar raj do edreteye seṅgelena ar Sedrok, Mesak ar Abed-nego teko hoho ạguko lạgitʼ hoṛe kolketʼkoa. Ar onko do raj samaṅreko ạgu ocoyena.

Mathae 10:28

Okoe eken hoṛmo motoko gocʼ daṛeakʼ menkhan jiwi do baṅ onko do alope botorakoa. Menkhan okoe hoṛmo ar jiwi banarge norokre marao reakʼ daṛe menakʼtae unige botoraepe.

Mathae 2:16

Herod do gonok ponḍetkoko eṛekedea menteye baḍaeketʼ khan ạḍi ãṭe raṅgaoena. Ar onko ṭhen khone baḍaeletʼ tahẽkan okte reakʼ hisạb lekate bar bochor ar ona khon latar umerren tinạkʼ koṛa gidrạ Betlehem ar ona aḍepase jaegakoreko tahẽkan onko joto gocʼko lạgitʼe hukumkeda.

Luk 6:25

Hae ape bi akanko do! Ape do reṅgecʼpea. Hae ape landakanko do! Ape dope dukokʼa arpe rakʼjoṅa.

Johan 16:20

Sạrigeń metapekana, ape dope rakʼjoṅa arpe hae haeyokʼa menkhan dhạrtiren hoṛ doko rạskạkʼa. Ape do dukpe ńama, menkhan apeakʼ noa duk do baṅ tahena; ona bodolte ape dope rạskạkʼa.

Aposkạmi 7:54

Noako katha ańjomkate onko mukhiyạko do Stephan upạrte ạḍi bạṛicʼko raṅgaoena ar uni upạrteko togocʼ ḍaṭakeda.

Jakob 4:9

Dukre do bhabnakʼpe ar hae haeyokʼre do rakʼjoṅpe. Apeakʼ landa do hae haete sodorpe ar rạskạ bodol do dukokʼpe.