Ester 5:2 - সান্তালী বাইবেল

² Uni do Ester rạni raj dorbarre teṅgo akane ńelkede khan kusite acʼakʼ ti reakʼ sona ṭheṅgae ạwiladea. Unre Ester doe sen sorente ona ṭheṅga reakʼ agaltetʼe joṭetʼkeda.

Ester 5:2 Iomraidhean Croise

Genesis 32:28

Uni hoṛe menkeda, “Isor ar manwa sãote lạṛhạikatem jitạu akante amakʼ ńutum Jakob do baṅ tahena, amakʼ ńutum do hoyokʼa Israel (metakʼme ‘Isor tulucʼ lạṛhạiyicʼ ’).”

Nehemiạ 1:11

E Probhu Isor, nehõrokʼ kạnạń, amren gutiyakʼ koejoṅ ańjomme ar okoeko botoram kan onko amren gutikoakʼ koejoṅ baṛe luturakʼtakome. Amren guti do teheń jo baha ocoyeme ar raj ṭhen dayawạnicʼ hoeocoyeme.” Iń do darkha rasa dudulicʼ iń tahẽkana.

Ester 2:9

Ester do Hegaiyakʼ nońjorre bhagegeye tahẽkana ar Ester hõ uni ṭhen khon mońj beohare ńamkeda. Hegai do pạhil khonge uniyakʼ rup baṛhaokʼtae lạgitʼ ojokʼakʼkoe emadea ar uniyakʼ niṭakatʼ jomakʼko hõe emadea. Uni do raj oṛakʼ khon eae goṭen kạ̃ṛmĩ kuṛikoe soṅgeadea ar Harem reakʼ mońj utạr jaegare uni ar uniren soṅge kuṛikoe dohoketʼkoa.

Ester 4:11

“Rajren sanam kạmiyạko ar raj tabe disạmren sanam hoṛko baḍaea je, jãhãe herel se maejiuge rajakʼ hukum begorte bhitrite raj ṭhene senokʼ enḍekhan uni lạgitʼ do mitʼṭecʼ ạnge menakʼa- ona do uniyakʼ gujukʼ. Tobe okoe hoṛ secʼ raj do acʼakʼ sona ṭheṅgae ạwiltae eken unige jiwetʼe tahena. Menkhan pegel din hoyokʼkana raj ṭhen calakʼ lạgitʼ iń do bạń hoho ocoakana.”

Ester 8:4

Unre raj do acʼakʼ sona reakʼ ṭheṅga Ester secʼe ạwilkeda ar Ester doe beretʼente raj samaṅreye teṅgoyena.

Sereńko 116:1

Iń do Probhu Isorgeń dulạṛ edekana, ente uni do ińakʼ nehõre ańjom akatʼtińạ.

Kạhtukko 21:1

Probhu Isorakʼ tire rajakʼ mon do gaḍa dakʼ leka; Probhu Isor jãhã secʼge monae ontegeye mohnaḍayede kana.

Aposkạmi 10:4

Kornelius doe botorente serma goḍet secʼ beṅgetʼkateye menkeda, “ Ma roṛme, E Probhu Isor.” Serma goḍete menkeda, “Amakʼ koejoṅ ar reṅgecʼ orecʼkom dan akokan reakʼ katha do sermate seṭer akana ar Isor do onae disạ dohoakada.