Ester 4:8 - সান্তালী বাইবেল

⁸ Susanre emakʼ Jihudiko maraoko reaṅ okaṭakʼ raj parwana oḍok akan ona reakʼ mitʼṭecʼ nokol do Hathake emadea, jemon uni do Estere udukʼ daṛeae ar onate uniye bujhạu daṛeakʼ. Ar Ester do raj samaṅre senkate acʼren hoṛko lạgitʼe nehõrokʼ.

Ester 4:8 Iomraidhean Croise

Ester 2:20

Ester do Mordekayakʼ katha lekage acʼakʼ bõsbudạ reakʼ oprom ar jạt reakʼ katha doe danaṅ akatʼ tahẽkana. Ester do Mordekai ṭhene ạsul hara ocokʼre okalekae calakʼkan tahẽkan unhõ onkage uni doe calakʼkan tahẽkana.

Ester 4:9

Hathak do ruạṛ senkate Mordekai okae metade tahẽkan ona joto do Estere baḍae ocokedea.

Ester 8:6

Ińakʼ jạt ar ińren hoṛko cetanre hecʼ paṛaokʼ ghoṭnako do cekateń sahao daṛekea?”

Jobakʼ 9:15

Apnarte dhoromicʼ iń hudisokʼ kanre hõ bạń roṛ ruạṛ daṛeae kana; ińren bikʼcạricʼ ṭhen eken daya reakʼgeń koea.

Sereńko 122:6

Ape do Jerusalem reakʼ suluk lạgitʼ koejoṅpe, “Ar okoe Jerusalemko kusiyakʼ onko do bhạlại hoyokʼtakoma.”

Kạhtukko 21:1

Probhu Isorakʼ tire rajakʼ mon do gaḍa dakʼ leka; Probhu Isor jãhã secʼge monae ontegeye mohnaḍayede kana.

Sosolhayic̕ 10:4

Disạm cakʼlaoyicʼ am cetanreye edrelenre amakʼ ṭhạ̃i do alom bạgiyakʼa; ente sobori do sanam bạṛicʼakʼkoe thir ocoya.

Aposkạmi 12:20

Ona oktere Herod do Tur ar Sidon nagraharen hoṛko cetanre ạḍiye edreyena. Unre onḍenko hoṛ do riạu mitʼkate Herod sãote ńapamokʼ lạgitʼko calaoena. Ar Blastos ńutuman rajakʼ giticʼ oṛakʼren kạmiạyicʼko rạmjạukedete onko do raj sãote sulukokʼ reakʼko koekeda, ente Herod rajakʼ disạm khonge ako lạgitʼ jomakʼ do hijukʼ kan tahẽkana.

1Timothi 6:13

Isor, okoe do sanamakʼe jiwetʼ ocoyetʼ ar Mạsi Jisu, one uni do Pontus Pilạt ṭhen sạriyakʼ reakʼ gohae emletʼ, uni Isor ar Jisu Mạsi samaṅre iń do noań hukumam kana,

1Timothi 6:17

Noa puriren kisạ̃ṛko hukumakome jemon onko do aloko usul monokʼ ar nasaokʼ dhonre aloko bhorsakʼ, menkhan Isorrege bhorsa akaeko tahenma. Unige mạṅgnite jotowakʼe kulạu anṭao abon kana rạskạte beoharjoṅ lạgitʼ.