Ester 4:16 - সান্তালী বাইবেল

¹⁶ “Am do senkate Susanre menakʼko sanam Jihudikom jarwakoa ar iń ńutumte joto hoṛ upạspe dohoya. Ape do pe siń pe ńindạ cetʼge alope jom ńũiya. Ar ape cetʼ lekape upạs onkage iń ar ińren kạ̃ṛmĩko hõle upạsa. Ona tayom ạn upạrte jãhãnakʼge hoyokʼ enhõ iń do raj ṭheniń calakʼa. Ar ona khạtirte gujukʼ hoyokʼtiń khan hõ iń doń khaṛagea.”

Ester 4:16 Iomraidhean Croise

Genesis 18:19

Iń Probhu Isor do noa lạgitʼge uniń bachao akadea jemon acʼren hoponko ar oṛakʼren eṭakʼ sanamko dhorom ar ińakʼ sanaleka calakʼ reakʼ solhae emako. Ar onko do uniyakʼko ańjomtaete onka lekako calakʼ, enḍekhan iń Probhu Isor do Abraham reaṅ okań menakatʼ onageń onkaea.”

Genesis 43:14

Sanam daṛean Isorakʼ dayate jemon uniye dayawape, ar aperen uni boeha ar Benjạmin jemon apeakʼ tireye aṛakʼkin; ar nirbõsokʼ khaniń nirbosokʼa.”

2 Samuel 10:12

Dil dohoyme; alaṅren hoṛko lạgitʼ ar aboren Isorakʼ nagrahako lạgitʼ dela, dil salakʼ bon lạṛhạilenge. Ar Probhu Isor do acʼakʼ mẽtʼre oka bhageakʼkan onageye onkaema.”

2 Rapajko 7:4

Ar bon men nagrahate do babo calakʼa onḍe do akal hoyokʼkana arbo gujukʼa. Ar nonḍe tahenrehõ bon gujukʼa. Ona khon bickom dela, abon do Aramrenkoakʼ ḍerate senkate onkoakʼ tire bon soprotokʼa. Onko jiwetʼko dohole bon khan ma bogege arko gocʼ bon khan mabon gujukʼge.”

2 Bõsbudạ 20:3

Onate Jehosaphat do botor caṛhaoadeteye goṭawana, Probhu Isor ṭhen goṛoye hataoa mente. Uni do Jihudạ disạm reakʼ sanam ṭhạ̃ikore upạs reakʼe lại sodorkeda.

Esra 8:21

Iń do Ahawa soḍokʼ ṭhen upạs dohoy lạgitʼ iń lại jạhirkeda jemon ale do aleren Isor samaṅre apnartetʼle nindhạn daṛeakʼ ar aleren gidrạko ar aleakʼ sanam sompottikoante nirạitele sen ruạṛ daṛeakʼ.

Ester 4:15

Unre Ester do Mordekai niạ kathae roṛ ruạṛadea,

Ester 4:17

Onate Mordekai do senkate Esterakʼ sanam hukum lekae kạmikeda.

Ester 4:3

Mitʼke mitʼ tabe disạmkore okare rajakʼ parwana ar hukum seṭeren onḍenko Jihudiko talare hõ maraṅ rakʼjoṅ, hae haeyokʼ ar upạsokʼko ehopʼena. Ar ḍher hoṛge gõṛẽ kicricʼ horokʼkate torocʼreko giticʼena.

Ester 5:1

Tesar hilokʼ Ester do rạniyakʼ sajbaj horokʼkate raj doṅgol bhitri raj dorbarte senkateye teṅgoyena. Unre raj do siṅghạsonre duṛupʼkate duạr secʼe samaṅ akatʼ tahẽkana.

Ester 9:31

Ona ciṭhi kol hoylena jemon onko do niṭ akan oktere Jihudi Mordekai ar rạni Esterakʼ hukum leka Purim reakʼ niạ banar din palon lạgitʼko ṭarhao daṛeakʼ, one cetʼ leka onko do akoren ar onkoren bõsko lạgitʼ judạ judạ upạs ar rakʼ homor reakʼ dinko ṭhikletʼ tahẽkan.

Jesaea 22:12

Enhilokʼ phạdkoren Probhu Isor do rakʼ ar homor lạgitʼ, bohokʼ reakʼ upʼ hoyo poṭortape lạgitʼ ar gõṛẽ kicricʼ horokʼ lạgitʼe hohowatʼpe tahẽkana.

Jirimiạ 36:9

Josiạ hopon Jihudạren raj Jehoyakimakʼ rajokʼ mõṛẽakʼ bochor reakʼ areakʼ candore Jerusalemren sanam hoṛko ar Jihudạ nagrahako khon hecʼakan hoṛko lạgitʼ Probhu Isor samaṅre upạs reakʼ kathae lại jạhirkeda.

Daniel 2:18

Uni do onkoe nehõratʼkoa jemon ona baṅ baḍaeteakʼ baḍae lạgitʼ sermaren Isor ṭhen dayako khoj, ar onkate eṭakʼ ạkilanko sãote ako hõ jemon aloko gujukʼ.

Mathae 12:40

Cetʼ leka Jona do maraṅ okocʼ hakoakʼ lacʼre pe siń ar pe ńindại tahẽkan, onkage Manwa Hopon hõ pe siń ar pe ńindạ ot bhitrireye tahena.

Luk 9:24

Jãhãege acʼ lạgitʼ bańcao tahene menetʼ khan uni do acʼakʼ jiwiye khuạutaea; menkhan okoe iń lạgitʼ acʼakʼ jiwiye khuạutae, uni do onae bańcaotaea.

Johan 19:22

Pilạte metatʼkoa, “Okań ol akatʼ ona doń ol akada.”

Aposkạmi 10:7

Ado okoeṭakʼ serma goḍet sãoteye galmaraokan tahẽkan uniye calaoen khan Kornelius do barea guti ar mitʼṭen gokʼṛoyicʼ palṭone hohowadea. Nui palṭon hõ Isor bhokti hoṛe tahẽkana.

Aposkạmi 20:24

Menkhan iń ṭhen do ińakʼ jiwi reakʼ jãhãn damge bạnukʼa. Ińakʼ sana do noage, jemon mucạtʼ hạbicʼ iń ṭarhao daṛeakʼ, metakʼme Probhu Jisu oka kạmi lạgitʼ dạyike emakawạdiń ona jemoniń purạu daṛeakʼ. Ona kạmi do hoyokʼ kana Isorakʼ daya reaṅ bhage sombat reakʼ goha emokʼge.

Aposkạmi 21:13

Unre Pạule menkeda, “Rakʼ rakʼte monre cedakʼ dukpe imạń kana? Probhu Jisu lạgitʼ iń do Jerusalemre eken bondi ocokʼ do baṅ, bickom gocʼ ocokʼ hõń sapṛaogea.”

Aposkạmi 27:33

Ado ạuri marsalokʼre Pạul do sanamko thoṛa jom lạgitʼ nehõratʼkoteye metatʼkoa, “Teheń gelpon din hoyokʼkana, ar cetʼ hoyokʼa baṅ hoyokʼa ona reakʼ bhabnate upạsge menakʼpea ar cetʼge bape jom akada.

Aposkạmi 9:9

Pe din hạbicʼ Sạul do mẽtʼte bae ńel ńamleda ar jom hõ cetʼge bae jomleda.

Romiko lạgitʼ Pạul Apostolakʼ ciṭhi 16:4

Unkin do ińakʼ jiwi rukhiyạ khạtirte ạkinakʼ hoṭokʼkin alaeletʼa. Eken iń eskar do baṅ, menkhan sanam boṅgan hoṛ jạtrenkoakʼ joto manḍerrenko hõ unkinko gunmanao johar ạkin kana.

Philipiko lạgitʼ Pạul apostolakʼ ciṭhi 2:30

Mạsiyakʼ kạmi lạgitʼ uni do gujukʼ dạkhile hoylena. Ar hạjir bape tahẽkante iń lạgitʼ oka bape ceka daṛeakatʼ tahẽkan ona lạgitʼ uni do acʼakʼ jiwi sudhạ emokʼ hõ rạjigeye tahẽkana.

Josuạ 24:15

Ar aperen Probhu Isor sewawae bape menjoṅkan khan enḍekhan teheń ṭhik joṅpe okoepe sewawaea. Aperen hapṛamko Phurạt gaḍa hanasare okoe debotakoko sewawako kan tahẽkan onkope sewawakoa se okoeyakʼ disạmrepe girobasokʼ kan onko Amorikoren debotakope sewawakoa? Menkhan iń ar ińakʼ gharońjrenko do Probhu Isor gele sewawaea.”

1 Samuel 19:5

Uni do acʼakʼ jiwi cuputʼkate uni Philisṭi hoṛe gocʼkedea, ar Probhu Isor do goṭa Israel lạgitʼ maraṅ bańcaoe hoeocokeda; ar ona ńelte am dom kusilena. Enḍekhan ńitokʼ do cedakʼ ạuṛiyakʼte Dạud gojete mitʼṭen bindusi hoṛakʼ mãyãm joro ocoyte uni upạrtem kạiya.”