Ester 4:14 - সান্তালী বাইবেল

¹⁴ Menkhan niạ oktere hape akangem tahen enḍekhan eṭakʼ secʼte Jihudiko do rukhiyạko ńama arko bańcaokʼa, menkhan am dom gujukʼa ar am apumren bõs hõko marao utạrokʼa. Okoe baḍaea pasecʼ niạ okte lạgitʼge am do rạni hudạm ńam akatʼ!”

Ester 4:14 Iomraidhean Croise

Genesis 22:14

Ar ona jaega reakʼ ńutum Yehowa-Yire (metakʼme “Probhu Isorakʼ jogaṛ”) dohokeda. Onate teheń hõ hoṛko mena, “Probhu Isorakʼ burure Probhu Isorgeye jogaṛa.”

2 Rapajko 13:5

Unre Probhu Isor do Israelko mitʼṭen babańcaoicʼe ematʼkoa. Onate Israelko do Aramrenkoakʼ ti khon rukhiyạko ńamkeda. Ona iạte onko do lahate leka arhõ sulukte girobasokʼko ehopʼena.

2 Rapajko 19:3

Onko do Jesaeako metadea, “Hiskiạ do nonkae meneda, teheńakʼ din do gạr, nisṛạu ar opoman reakʼ din kana. Aleakʼ dosa do nonka lekage hoyakantalea je, gidrạkole janamko lạgidokʼ kana menkhan janamko reakʼ daṛe do bạnukʼtalea.

Esra 9:9

Ale do golamko kanrehõle golam tahen oktere aleren Isor do bae bạgi giḍi akatʼlea. Paras raj samaṅre uni do pạtiạre beohar akada. Uni do aleye udgạuketʼlea jemon aleren Isorakʼ oṛakʼle benao aroe ar rạputʼ akan jaegako hõle jut ruạṛ. Uni do Jihudạ ar Jerusalemre nirạite tahen reakʼe bebosta akatʼlea.

Nehemiạ 6:11

Menkhan ińiń metadea, “Iń lekan hoṛ do cetʼ dạdạṛ lek kantińạ? Iń lekan hoṛ do cetʼ jãhãe leka mundilte bolokate jiwetʼe tahẽkokʼa? Iń do bạń calakʼa.”

Ester 2:15

Mordekai do acʼren kakattetʼ Abhạyilren okoeṭakʼ hoponera do acʼren hoponera lekateye ạsul haralede uni kuṛi, metakʼme Esterakʼ tinre raj ṭhen calakʼ reakʼ okte seṭerentaea unre Haremren ńel todaroticʼ uni mạ̃yạ̃ṛi Hegai oka idiye metade ona chaḍa ar cetʼge uni do bae khojleda. Ar jãhãege Estere beṅgetʼaekan tahẽkan unige Esterre mẽtʼ do ḍhaṅokʼkantae tahẽkana.

Ester 2:17

Eṭakʼ maejiuko khon raj do Esterge bạ̃ṛtiye dulạṛkedea ar eṭakʼ kũạri kuṛiko khon uni do raj ṭhen bạ̃ṛti daya ar dulạṛe ńamkeda. Onate raj do bohokʼre rạni ṭupriye horokʼadea ar Bạstiwakʼ jaegare Estere rạnikedea.

Ester 2:7

Mordekai kakattetʼren do Hadasa ńutuman mitʼṭen hoponerae tahẽkana. Kuṛiren eṅgat apat bạkin tahẽkante Mordekae do acʼgeye ạsul harakedea. Ar uni kuṛige, okoe do Esterko metaekan, uni do rupte mońj ar ńelokʼte hõ ạḍi cehrageye tahẽkana. Kuṛiren eṅgat apatkin gocʼen khan Mordekae do acʼren hopon era lekae joton harakedea.

Ester 4:13

Mordekae do Ester niạ kathae roṛ gotʼadea, “Niạ katha do alom hudisa je, raj doṅgolre menakʼmete Jihudiko modre eken am eskarge rukhiyạm ńama.”

Ester 4:15

Unre Ester do Mordekai niạ kathae roṛ ruạṛadea,

Jobakʼ 9:18

Uni do bae sahẽtʼ ocowạń kana bickom haṛhatʼte ińakʼ jiwiye perecʼetʼ tińạ.

Sosolhayic̕ 3:7

oṛecʼ giḍikakʼ okte ar rog lạgitʼ okte, thir hapekokʼ okte ar roroṛ lạgitʼ okte,

Jesaea 49:23

Rapajko do amko ạsul haramea ar onkoren rạniko do amren bukạ getʼ buḍhiko hoyokʼa. Onko do otre ombakʼkateko ḍobokʼama ar amakʼ jaṅga reakʼ dhuṛiko caṭoga. Unrem baḍae daṛeakʼa, ińkangeạń Probhu Isor do; ar okoe ińreko bhorsakʼkan onko do bako lajao ocokʼa.”

Jesaea 54:17

Am upạrte tearakʼ khanḍa bhanḍako hõ oka kajrege baṅ jojaokʼa; ar bicạrre am upạrteko teṅgokʼ hoṛko do amge dusirem paṛaokoa. Noa kangea Probhu Isorren golamkoakʼ bakhra do, ar noa kangea onkoakʼ dhorom hõ.”

Jirimiạ 30:11

Am são sãotege minạńa ar iń do amgeń bańcaomea. Okoe jạtrenko talare amiń chirchạturletʼme onko doń marao utạrkoa, menkhan apeko do purạte do baṅa. Menkhan begor sạjạite hõ bạń aṛakʼpea, iń do dhoromte bicạrkateń ḍanṭaopea.”

Jirimiạ 46:28

E ińren guti Jakob, alom botorokʼa, ente iń do am sãorege minạńa. Okoe jạtrenko talareń laga ńirletʼme onko jạtrenkoń marao utạrlekore hõ am do purạte bạń maraomea. Ar begor sạjạite hõ bạń aṛakʼmea, menkhan hok reakʼ bicạrtegeń ḍanṭaomea.”

Levitikus 26:42

enḍekhan iń do Isahak, Jakob ar Abraham sãote ińakʼ bondobos reakʼ katha ar onkoakʼ disạm reakʼ kathań disạya.

Mathae 16:18

Ińiń metam kana, am dom Patras kana, ar noa dhiri cetanrege ińakʼ manḍereń benao rakaba. Norok reakʼ oka daṛege onare bae jitạu daṛeakʼa.

Mathae 24:22

Ona saset reakʼ dinko Isor bae khaṭo lekhan okoe hõ ohoko bańcaolena. Menkhan acʼren bachao hoṛko lạgitʼ Isor do onako dine khaṭo ocoya.

Dosar Biboron 32:36

Probhu Isor tinreye ńela, acʼren hoṛkoakʼ daṛe do caba akana, guti se sạdhin okoeyakʼ daṛege bạnukʼa, unre uni doe acʼren hoṛko sejokʼa, ar acʼren gutiko cetanreye mãyãkʼa.

Bikʼcạrko 15:6

“Philisṭiko do tinreko kuliyana, “Okoe noa doe kạmi akada?” Unreko lại ocoyena, “Timnại hoṛren jãwãe koṛa Samson do noae kạmi akada, ente uniren hõńhartetʼ do Samsonren bạhu hataokate uniren gateakʼ tireye jimạ akadea.” Onate Israelko do senkate Samsonren bạhu ar uniren hońhartetʼ seṅgelreko atar giḍikatʼkinạ.

1 Samuel 12:22

Probhu Isor do acʼakʼ maraṅ ńutum iạte acʼren hoṛko tisge bae bạgi daṛeakoa, ente uni do acʼakʼ sanatege acʼren hoṛe hoyocoakatʼpea.

1 Samuel 17:29

Dạud doe menkeda, “Iń do cetʼ iń ceka akatʼte? Iń ma ekeniń kuliakawan.”