Ester 3:8 - সান্তালী বাইবেল

⁸ Haman do unre Ahasberos raje metadea, “Amakʼ rajosṭi reakʼ tabe disạmkore judạ judạ jạtrenko modre mitʼṭecʼ jạtrenko doko pasnao akana. Eṭakʼ sanam jạtrenko khon onkoakʼ ạn-ạriko do begargetakoa ar rajakʼ ạn hõ onko do bako manaoeda. Onate onko jiwetʼ dohoko do baṅ bhagea.

Ester 3:8 Iomraidhean Croise

Esra 4:6

Ahasberosakʼ rajokʼ ehopʼrege onko bạiriko do Jihudạ ar Jerusalemren hoṛko upạrte mitʼṭecʼ olakʼ hoteteko lạliskeda.

Nehemiạ 1:8

“Nehõrokʼ kạnạń, amren guti Mose okaṭakʼ hukumem em akawade ona baṛe disạime. Amem menleda, ‘jodi bepạtiạrkope hoyokʼ enḍekhan iń do eṭakʼ jạtrenko talareń chirchạturpea;

Ester 3:9

Ado raj bhageye hudis khan onko do marao utạrko lạgitʼ mitʼṭecʼ hukume emokʼma. Onate rajakʼ khajańci oṛakʼre dohoy lạgitʼ rajakʼ kạmi ạkʼyurkoakʼ tire iń do pesae aregel ṭon rupạń emokʼa.”

Ester 4:1

Mordekae do jotowakʼ sombatkoe baḍaeketʼ khan acʼakʼ kicricʼe oṛecʼketʼte gõṛẽ kicricʼe horokʼkeda ar torocʼ ojokʼkate nagraha talare senkate ãṭ aṛaṅte rarakʼe ehopʼena.

Jirimiạ 33:24

“Hoṛko okako menetʼ, baṅma, ‘Probhu Isor do Israel ar Jihudạren hoṛkoe bachaoan tahẽkana, menkhan ńitokʼ do onkoe nihạ̃t giḍikako kana,’ ona do cetʼ bam kheyaletʼ kana? Onko do ińren hoṛko nihạ̃tetʼkoa ar jạtrenko lekate bako ńeletʼkoa.

Jirimiạ 50:17

“Israel do chirchạtur akan bhiḍi palko leka kanae one dhạcri kule laga akade. Pạhilre Ạsurren raj do uniye jomkedea; ar mucạtʼre Babelren raj Nebukadnesar do uniyakʼ jaṅkoe tạhuṛketʼtaea.

Jeheskel 11:16

“Ona iạte iń Probhu Isor okań menetʼkan ona do amren hoṛkom metakoa, iń do eṭakʼ jạtrenko talareń kol akatʼkore hõ ar disạm disạmreń chirchạtur akatʼkore hõ enhõ onko okako disạmteko senakan onḍehõ thoṛa ghạṛicʼ lạgitʼ ińge onkoren sonot ṭhạ̃iyiń hoyakana.

Jeheskel 6:8

“ ‘Tobe thoṛa hoṛ do jiwetʼ iń dohokoa; aperen paskaokʼko do tinre eṭakʼ eṭakʼ disạm ar jạtrenko talareko chirchạturokʼa unre onko hoṛ do gujukʼ reakʼ ti khon rukhiyạko ńama.

Daniel 3:8

Inạ oktere adom kạldi hoṛko do hecʼkate Jihudiko dusiketʼkoa.

Daniel 6:13

Unre onko do rajko metadea, “E maharaj, Daniel ńutuman Jihudạ disạmren bondiko modren mitʼṭecʼ hoṛ do amakʼ katha se am oka hukumem emakan ona bae luturakʼ kana. Uni do ńithõ dinre pe dhaogeye koejoṅ kana.”

Daniel 6:14

Raj do niạ katha ańjomkate ạḍiye dukena; ar Daniele rukhiyạyea mente monreye goṭawana ar uni bańcaoe lạgitʼ siń cando ạuriye hạsurokʼ hạbicʼ joto lekanakʼe kurumuṭukeda.

Levitikus 26:33

Ar eṭakʼ jạtrenko talareń chirchạturpea ar tarwaṛeteń khudạu baṛapea. Apeakʼ disạm reakʼ sanam jumiko, atoko ar nagrahako do jarkharokʼtapea.

Sakariạ 7:14

Iń do bin oprom jạtrenko talareń pasnaoletʼkoa. Inạ tayom onkoakʼ disạm do nonka khaṅgoṭakʼ hoylena, onḍe do celege bako senokʼkan tahẽkana. Nonkate ona mońj disạm do ujạṛ utạrakʼko hoyocoleda.”

Numeri 23:9

Iń do buru muthni khoniń ńelketʼkoa; ar buru cetan khon onkoń ạribạndhi akatʼkoa. Nonkan mitʼṭen jạtrenkoń ńelketʼkoa okoe do eṭakʼko khon pharakreko tahenkan; onko do eṭakʼ sanam jạtrenko sãote midokʼko lekako baṅkana.

Johan 7:35

Jisuakʼ noa kathate Jihudi mukhiyạko do ako talareko menkeda, “Nui hoṛ do okateye calakʼte babon ńam daṛeaea? Baṅ do Junạniko talare chirchạtur akan Jihudiko ṭhen senkate Junạnikoe cetʼako?

Aposkạmi 24:5

“Alele ńelakadea nui hoṛ do mitʼṭen jhamelayicʼ kanae; uni do jao okte gulmale ehopʼeda. Uni do goṭa dhạrtiren Jihudiko talare gulmale ehopʼakada. Uni do Nasario dolren mitʼṭen ạyuricʼ kanae.

Aposkạmi 28:22

Menkhan ale do amakʼ mon reakʼ kathakole ańjomtama, ente alele baḍaea joto jaegarege hoṛko do ona dol reakʼ upạrte kathako roṛeda.”

Dosar Biboron 30:3

unre Probhu Isor do bondi dosa khone chaḍao ruạṛ ạgupea. Uni doe mãyãwapea ar okoe jạtrenko talareye pasnaope onko tala khon arhõe halaṅ samṭao ruạṛpea.

Dosar Biboron 32:26

Iń doń menleda, onko doń kaṭra kuṭrạ cabakoa, manwako tala khon onkoakʼ disạ doń meṭao utạra.

Dosar Biboron 4:27

Probhu Isor do ạḍi lekan jạtrenko talareye chirchạtur ocopea ar okoeko talareye laga ńirpe onko talare ape do thoṛa hoṛge jiwetʼpe tahena.

Jakob 1:1

Isor ar Probhu Jisu Mạsiren golam iń Jakob do dhạrti reakʼ sanam jaegareko chirchạtur akan Jihudikoren gelbar bõsrenko johariń emakokana.

1 Patras 1:1

Isorren bachao akan okoeko hoṛ do Pontus, Galatiạ, Kapadokiạ, Asiạ ar Bithuniạ Prodesre chirchạtur akan upriạ hoṛ lekako girạbasokʼ kan, onko ṭhen iń Jisu Mạsiren apostol Patras do noa ciṭhiń oleda.