Ester 3:7 - সান্তালী বাইবেল

⁷ Ahasberos rajakʼ rajokʼ gelbar bochor reakʼ pạhil candore, metakʼme Nisan candore mitʼṭecʼ din ar cando bachao lạgitʼ hoṛko do Haman samaṅre puretʼ, metakʼme gulibãṭko ehopʼena. Onate gelbar cando reakʼ, metakʼme Adar candore guli do rakapʼena.

Ester 3:7 Iomraidhean Croise

Esra 4:6

Ahasberosakʼ rajokʼ ehopʼrege onko bạiriko do Jihudạ ar Jerusalemren hoṛko upạrte mitʼṭecʼ olakʼ hoteteko lạliskeda.

Esra 6:15

Ar Darjawes rajakʼ rajokʼ turuiyakʼ bochorre Adar cando reakʼ tesarakʼ dinre mundil oṛakʼ reakʼ benao kạmi do sạt utạrena.

Nehemiạ 2:1

Artaksast rajakʼ bargel bochor reakʼ Nisan candore mitʼ din jojom jokhecʼ raj samaṅre darkha rasa tahẽkana, ar iń do ona idikate rajiń emadea. Niạ lahare tis hõ iń do raj samaṅre mulin do bạń tahẽkana.

Ester 1:3

Uniyakʼ rajokʼ tesar bochorre uni do acʼren sanam cetan hudạren hoṛko ar kạmiyạko lạgitʼ mitʼṭecʼe bhojkeda. Onko modre Paras ar Madae disạmren Senaputiko manotan hoṛko ar disạmkoren cetan hudạren hoṛko tahẽkana.

Ester 2:16

Ahasberos rajakʼ rajokʼ eae bochor reakʼ gelakʼ candore, metakʼme Tobet candore Ester do raj doṅgolte raj ṭhenko idikedea.

Ester 9:1

Adar cando reakʼ, metakʼme gelbar cando reakʼ gelpeakʼ dinre rajakʼ hukum kạmi purạukʼ reakʼ okte do seṭerena. Enhilokʼ Jihudikoren bạiriko do onko domaoko reakʼko asokʼkan tahẽkana, menkhan ghoṭna do ulṭạuena. Okoe do Jihudikoko hirkhạwako kan tahẽkan onkoge Jihudi ṭhenko jaṅga latar ocoyena.

Ester 9:21

Uni do hukume emena onko do jao bochor Adar cando reakʼ gelpon ar gel mõṛẽakʼ niạ banar dinge jemonko palon.

Ester 9:5

Ar Jihudiko do akoren bạiriko gogocʼko ehopʼena ar okoe onkoko hirkhạwako kan tahẽkan onko cetanre do akoakʼ kusi lekako kạmikeda.

Kạhtukko 16:33

Hoṛko doko gulibãṭeda, menkhan ona reakʼ nitokʼ do Probhu Isorgeye ṭhikeda.

Mathae 27:35

Ado Jisuko kuruskede khan palṭonko do gulibãṭkate uniyakʼ kicricʼko hạṭińana.