Ester 3:2 - সান্তালী বাইবেল

² Unre raj dolan reakʼ phaṭok duạrre tahen kạmiyạko do ikhṛumate Hamanko ḍobokʼaekan tahẽkana, ente raj do uni reaṅ onkageye hukumakatʼ tahẽkana. Menkhan Mordekae do ikhṛum hõ bae ikṛumokʼkan tahẽkana ar ḍobokʼ hõ bae ḍobokʼae kan tahẽkana.

Ester 3:2 Iomraidhean Croise

Genesis 41:43

Noa tayom Joseph do acʼakʼ rajosṭi reakʼ dosarakʼ rãt gạḍireye duṛupʼkedea. Ar gạḍi calakʼ oktere Joseph laha lahateko roṛ sodorkeda, “Ikhṛumokʼpe, ikhṛumokʼpe.” Ar nonkate Pharao do goṭa Misor disạm reakʼ bhar Joseph cetanreye dohokeda.

Ester 2:19

Dosar dhao kũạ̃ri kuṛiko jogaṛko jokhecʼ Mordekai do raj dolan reakʼ phaṭok duạr ṭhen duṛubokʼ lạgitʼe bahal ocoakan tahẽkana.

Ester 2:21

Mordekae do raj dolan reakʼ phaṭok duạrre sapʼ sosor kạmireye tahẽkan jokhecʼ raj dolanren horhoko modre Bigthan ar Teres ńutuman rajren barea guti do Ahasberos goje reakʼ kin soṛojontrokeda.

Ester 2:5

Onako dinre Mordekae ńutuman Benjạmin gusṭiren mitʼṭen Jihudi hoṛ do Susan gaṛreye tahẽkana. Uni do Jayirren hopone tahẽkana, ar Jayir do Simạiren hopone tahẽkana ar Simại do Kisren hopone tahẽkana.

Ester 3:1

Niạko ghoṭna tayom Ahasberos raj do Agag Hamedatharen hopon Haman do rajosṭiren eṭakʼ eṭakʼ kạmiyạko khon cetan hudạre dohokedeteye manotkedea.

Ester 3:3

Ona iạte raj phaṭok duạrren kạmiyạko do Mordekaiko metadea, “Rajakʼ hukum do cedakʼ bam manaoeda?”

Ester 3:5

Mordekai do ikhṛum hõ baṅ ar manot hõ baṅ emokʼkan reakʼe baḍaeketʼ khan Haman do ạḍiye raṅgaoena.

Ester 5:9

Enhilokʼ Haman do kusite bahreteye oḍok calaoena. Menkhan uni do tinre raj dolan reakʼ phaṭok duạrre Mordekaiye ńamkedea, ar Mordekai do uni ńelkate hõ bae teṅgolena ar manot hõ bae udukʼadea unre uni do Mordekai upạrte ạḍiye edreyena.

Sereńko 15:4

Uni do hirkhạ ocokʼkan hoṛko khone pharakokʼa, ar Probhu Isor botoraekan hoṛkoe manotkoa, ar jãhãnakʼ loksan hoylentaere hõ gokʼakʼe purạugea,

Exodus 17:14

Ona tayom Probhu Isor do Moseye metadea, “Noa lạṛhại reakʼ katha disạ dohoy lạgitʼ mitʼṭecʼ puthire ol dohokakʼme ar Josuạ metaeme, iń do dhạrti khon Amalekikoakʼ ńutumiń mohor meṭaotakoa.”

Exodus 17:16

Moseye menkeda, “Probhu Isorakʼ siṅghạson upạrte ti rakapʼ hoyakana, ona iạte piṛhike piṛhi Probhu Isor do Amalekiko birudreye tahena.”

Daniel 2:49

Tayomte Daniel do raj ṭhene nehõren khan raj do Sadrak, Mesak ar Abed-nego teko hõ Babel disạmren rajkạmireye bahalketʼkoa; menkhan Daniel do raj dorbarreye tahẽyena.

Dosar Biboron 25:19

Aperen Probhu Isor okaṭakʼ disạm do sompotti lekate dokhol lạgitʼe emapekan onḍe beṛhaeten bạiriko sãote lạṛhạikate tinreye jirạu ocopea unre dhạrti khon Amalekikope marao utạrkoa. Noa katha do alogepe hiṛińa.

Philipiko lạgitʼ Pạul apostolakʼ ciṭhi 2:10

jemon sermarenko, dhạrtirenko ar ot latarrenko tahenkan onko mitʼke mitʼkoakʼ gunṭhi do Jisu samaṅre ikhṛumokʼtako,

1 Samuel 15:3

Ńitokʼ am do senkate Amalekiko tulucʼ lạṛhạime ar onkoakʼ cetʼko menakʼ ona jotowakʼem marao giḍikatakoa; onko do alom dayawakoa. Onkoren herel ar maejiuko, koṛa ar-kuṛi gidrạko, toa ńuńukan gidrạko, ḍaṅgra-biḍhiko, ũṭko, gadhako jotom gocʼ cabakoa.’ ”