Ester 3:12 - সান্তালী বাইবেল

¹² Ona tayom pạhil cando reakʼ gelpeyakʼ dinre raj do olokʼkoe hohowatʼkoa. Onko do mitʼke mitʼ tabe disạm reakʼ horop ar mitʼke mitʼ jạtrenkoakʼ pạrsi leka Hamanakʼ hukum do disạm cakʼlaoko ar judạ judạ mukhiyạko ṭhen ol kateko baḍae ocoyena. Ciṭhiko do Ahasberosakʼ ńutumtege ol hoyena ar raj do acʼakʼ mundạmte onako cetanreye chapada.

Ester 3:12 Iomraidhean Croise

1 Rapajko 21:8

Unre Isebel do Ahabakʼ ńutumte olakʼ ciṭhiko olkate ona cetanre Ahabakʼ chapkoe emada ar Nabat nagrahare girobasokʼ kan murubbiko ar lekman hoṛko ṭhene kolkeda.

Esra 8:36

Onko do phurạt gaḍa pạchim aṛe reakʼ disạmko ar nagraharen cakʼlaoko ṭhen rajakʼ parwanako seṭeratʼkoa. Ona hukum ńamkate onko do hoṛkoko goṛowatʼkoa ar Isorakʼ oṛakʼ reakʼ kạmi lạgitʼ hõ goṛoko emena.

Ester 1:22

Uni do acʼakʼ rajosṭi reakʼ sanam disạmkore onkoakʼ akhorte ar mimitʼ jạtrenkoakʼ pạrsi lekate ciṭhiye kolkeda je, mitʼke mitʼ herel hoṛ do acʼakʼ gharońjren matha kanae ar uniyakʼ gharońjre acʼakʼ pạrsigeye beoharma.

Ester 3:11

Raj do Hamane metadea, “Ṭaka hõ ar hoṛko hõ amren kangekoa; onate ṭaka ar hoṛko idikate oka bhagem hudisetʼ ona onkaeme.”

Ester 8:2

Raj do acʼakʼ chap akatʼ mundạm Haman ṭhen khon okae hatao ruạṛletʼ ona totʼkate Mordekaiye emadea. Ar Ester do Hamanakʼ sompotti cetanre Mordekaiye dohokadea.

Daniel 3:10

Am do mitʼṭecʼem hukumleda, hoṛko tinre sakwa, tiriạ, binạ banam, peṛesaṅ, taranakʼ banam, joṛa murli ar sanam lekan bajna reakʼ saḍeko ańjoma unre onko do jemon otre ombakʼkate sonaren uni murhutʼko ḍobokʼaea;

Daniel 6:12

Onate onko do raj ṭhen ruạṛ senkate uniyakʼ hukum reakʼ kathako disạ ocokedea arko metadea, “E maharaj, am do cetʼ noa hukum bam emlena, jãhãe hoṛ pe gel dinre am chaḍa eṭakʼ debota se manwa ṭhene koejoṅ enḍekhan uni do dhạcri kulakʼ ghaḍlakʼreye giḍi ocokʼa mente?” Raj doe roṛ ruạṛkeda, “Madae ar Parasrenkoakʼ ạn lekate noa hukum do ṭikạu menakʼa, ente ona ạn do baṅ bodolokʼa.”

Daniel 6:15

Unre onko hoṛ do arhõ mitʼ dhaote hecʼkate rajko metadea, “E maharaj, disạime baṛe, Madae ar Parasrenkoakʼ ạn lekate raj okaṭakʼ hukume emokʼ ona do tishõ baṅ bodolokʼa.”

Daniel 6:25

Inạ tayom Darjawes raj do sanam jạtrenko, disạmrenko ar pạrsiren hoṛko ṭhen niạ kathae olkeda: “Apeakʼ bhạlại hoyokʼtape ma!

Daniel 6:8

Onate E maharaj, ńitokʼ ona hukum olakʼ lekate emokʼme jemon Madae ar Parasrenkoakʼ arhõ mitʼṭecʼ ạn hoyokʼte tishõ ona do baṅ bodolokʼ.”