Ester 3:10 - সান্তালী বাইবেল

¹⁰ Unre raj do chap emakʼ lạgitʼ acʼakʼ kạṭupʼ khon mundạm totʼkate Jihudikoren bạiri Agag Hamadathren hopon Hamane emadea.

Ester 3:10 Iomraidhean Croise

Genesis 41:42

Ona tayom Pharao do acʼakʼ ti khon mohor chapakatʼ mundạm bocʼkate Josephe horokʼadea. Ar mońj utạrakʼ kicricʼe emadea ar hoṭokʼre sona reakʼ mala hõe horokʼadea.

Ester 3:1

Niạko ghoṭna tayom Ahasberos raj do Agag Hamedatharen hopon Haman do rajosṭiren eṭakʼ eṭakʼ kạmiyạko khon cetan hudạre dohokedeteye manotkedea.

Ester 3:11

Raj do Hamane metadea, “Ṭaka hõ ar hoṛko hõ amren kangekoa; onate ṭaka ar hoṛko idikate oka bhagem hudisetʼ ona onkaeme.”

Ester 3:9

Ado raj bhageye hudis khan onko do marao utạrko lạgitʼ mitʼṭecʼ hukume emokʼma. Onate rajakʼ khajańci oṛakʼre dohoy lạgitʼ rajakʼ kạmi ạkʼyurkoakʼ tire iń do pesae aregel ṭon rupạń emokʼa.”

Ester 7:6

Estere menkeda, “Uni dusṭạmi bạiri do nui Hamange.” Unre Haman do raj ar rạni samaṅre ạḍiye botorena.

Ester 8:2

Raj do acʼakʼ chap akatʼ mundạm Haman ṭhen khon okae hatao ruạṛletʼ ona totʼkate Mordekaiye emadea. Ar Ester do Hamanakʼ sompotti cetanre Mordekaiye dohokadea.

Ester 8:8

Menkhan rajakʼ ńutumte olakʼ ar rajakʼ mundạm reakʼ chapakʼ jãhãn hukumge baṅ bạtilokʼa. Onate ńitokʼ bhage ben hudisetʼ khan Jihudiko lạgitʼ raj ńutumte ar mitʼṭecʼ parwana ol ocoyben ar onare rajakʼ mundạm reakʼ chap emakʼben.”