Ester 2:23 - সান্তালী বাইবেল

²³ Ona babotre tinre suṭhik hataokate baḍaeyena katha do sạrikana mente unre unkin guti doko pạsiketʼkinạ. Ar niạ katha do raj samaṅrege Itihãs puthire ol caṛhaoena.

Ester 2:23 Iomraidhean Croise

Genesis 40:19

Niạ pe din bhitrire Pharao do amakʼ bohokʼ am khone ńurtama are pạsimea, ar cẽṛẽko hecʼkate amakʼ jelko ṭhokrao joma.”

Genesis 40:22

Menkhan piṭhạ bekʼnaokoren sordar doe pạsikedea. Joseph cetʼleka kukmũ reakʼ manetetʼe lạiyatʼkin tahẽkan onkage unkinre hoyena.

Esra 4:15

Onate raj do acʼren hapṛamkoakʼ Itihãs puthire sendrakateye ńelma. Ona puthire ol menakʼa, Jerusalem do mitʼṭecʼ huhul nagraha kana; niạ nagraha do rapajko ar disạmkoren cakʼlaoko ạḍi sasete em akatʼkoa ar ḍher laha khonge ona nagrahare do hulko hõ hoe hijukʼkana. Ar ona iạtege nagraha do ḍahao maraolena.

Ester 10:2

Uniyakʼ ektiạri ar daṛe reakʼ kathako ar Mordekai cetʼ lekate cetan hudại ńamketʼ are maraṅ ocoyena onako katha uni do Madae ar Parasren rapajkoakʼ Itihãs puthire ol menakʼa.

Ester 5:14

Unre acʼren bạhu Seres ar acʼren sanam gatekoko metadea, “Am do mõṛẽgel moka usul mitʼṭecʼ pạsi kaṭ benaome ar setakʼre rajakʼ hukum hataokate onare Mordekai pạsiye reakʼ bebostaeme. Ona tayom kusi monte raj sãote bhojre seledokʼme.” Niạ katha Haman do ạḍi bhageye metatʼa ar uni do ona pạsikaṭe benao ocokeda.

Ester 6:1

Enhilokʼ ńindạ raj do bae jạpitʼ daṛeakʼ kan tahẽkana. Uni doe hukumkeda rajosṭi reakʼ Itihãs puthi jemon acʼ ṭhen ạgukʼ. Ar ona tayom do ona puthi khone paṛhao ańjom ocoyena.

Ester 7:10

Onate Haman okaṭakʼ pạsikaṭ Mordekai lạgitʼe sapṛao doholetʼ hoṛko do onarege Hamanko pạsikedea. Ar ona tayom do rajakʼ edre thirentaea.

Malaki 3:16

Unre okoe do Probhu Isorko botorae kan tahẽkan onko do ako akore kathako roṛana ar Probhu Isor do onae moneyada. Okoe Probhu Isorko botorae kan tahẽkan ar uni babotre khạndri reakʼko hudisetʼkan tahẽkan onko disạko lạgitʼ onko samaṅre mitʼṭecʼ puthi do olena.

Josuạ 8:29

Uni do Ae nagraharen raje gocʼkedea ar ạyupʼ hạbicʼ darereye aka dohokadea. Ar ńindạ jokhecʼ uniyakʼ mạ̃ṛĩ pheḍkate nagraha reakʼ phaṭok duạr bolokʼ horre giḍikae reakʼe hukumkeda. Ar hoṛko do uni cetanre dhiriko giḍi puńjikeda. Ona do teheń hạbicʼ hõ menakʼgea.