Ester 10:2 - সান্তালী বাইবেল

² Uniyakʼ ektiạri ar daṛe reakʼ kathako ar Mordekai cetʼ lekate cetan hudại ńamketʼ are maraṅ ocoyena onako katha uni do Madae ar Parasren rapajkoakʼ Itihãs puthire ol menakʼa.

Ester 10:2 Iomraidhean Croise

1 Rapajko 11:41

Solomonakʼ rajokʼ reaṅ eṭakʼ eṭakʼ ghoṭna reakʼ kathako, metakʼme uniyakʼ kạmi ar ạkil reakʼ kathako do uniyakʼ rajosṭi reakʼ Itihas puthire ol akana.

1 Rapajko 14:19

Jerobiamakʼ eṭakʼ eṭakʼ kạmi, uniyakʼ lạṛhạiko ar rajokʼ reakʼ katha do “Israel rajkoakʼ Itihãs” ńutumanakʼ puthire olakana.

1 Rapajko 22:39

Ahabakʼ eṭakʼ eṭakʼ kạmiko reakʼ katha, metakʼme uni okakoe cekaletʼ ona reakʼ kathako, hạti sonḍate rajakʼ okaṭakʼ oṛakʼe benaoletʼ ona reakʼ ar okako nagraha do gaṛ nagrahakoe hoyocoletʼ onako reakʼ katha do, “Israelkoren rapajkoakʼ Itihãs” ńutumanakʼ puthire ol menakʼa.

Ester 2:23

Ona babotre tinre suṭhik hataokate baḍaeyena katha do sạrikana mente unre unkin guti doko pạsiketʼkinạ. Ar niạ katha do raj samaṅrege Itihãs puthire ol caṛhaoena.

Ester 6:1

Enhilokʼ ńindạ raj do bae jạpitʼ daṛeakʼ kan tahẽkana. Uni doe hukumkeda rajosṭi reakʼ Itihãs puthi jemon acʼ ṭhen ạgukʼ. Ar ona tayom do ona puthi khone paṛhao ańjom ocoyena.

Ester 8:15

Mordekai do mĩhĩ musnạ sutạm reakʼ beguni kicricʼ cetanre lil ar ponḍ roṅ reakʼ raj kicricʼ horokʼkate ar sona reakʼ mitʼṭecʼ mukuṭ bohokʼre horokʼkate raj samaṅ khone oḍok calaoena. Ar Susan nagraharen hoṛko do ãṭ aṛaṅteko hulạsena.

Ester 8:2

Raj do acʼakʼ chap akatʼ mundạm Haman ṭhen khon okae hatao ruạṛletʼ ona totʼkate Mordekaiye emadea. Ar Ester do Hamanakʼ sompotti cetanre Mordekaiye dohokadea.

Ester 9:4

Mordekai do raj doṅgolre maraṅicʼe hoyena; uniyakʼ ńutum do sanam tabe disạmkore pasnao idiyena ar dinke dine daṛe idiyena.

Sereńko 18:35

E Probhu Isor amakʼ rurukhiyạ ḍhal do ińem emakawạdińa, ar amakʼ jojom ti doe sapʼ akadińạ; amakʼ joton iạte iń do maraṅiń hoyakana.

Daniel 2:48

Unre raj do maraṅ hudạ ar aema sandesko Daniele emadea, ar Babel reakʼ sanam disạmkoren cakʼlaoicʼ ar Babelren sanam ạkilanko cetanre mukhiyại dohokedea.