Ester 1:4 - সান্তালী বাইবেল

⁴ Uni do turui cando hạbicʼ acʼakʼ rajosṭire acel pacel dhon durib ar raj lekate acʼakʼ ṭhosoke udukʼatʼkoa.

Ester 1:4 Iomraidhean Croise

1 Bõsbudạ 29:25

Probhu Isor do sanam Israelkoakʼ mẽtʼre Solomone maraṅkedea ar nonkan ṭhonoke danadea noa lahare Israelren cele rajge bako ńamleda.

Ester 1:3

Uniyakʼ rajokʼ tesar bochorre uni do acʼren sanam cetan hudạren hoṛko ar kạmiyạko lạgitʼ mitʼṭecʼe bhojkeda. Onko modre Paras ar Madae disạmren Senaputiko manotan hoṛko ar disạmkoren cetan hudạren hoṛko tahẽkana.

Ester 1:5

Niạko tayom uni do Susan gaṛre jarwa akan cetan ar latar hudạren sanamko lạgitʼ eae din hạbicʼ raj doṅgol reakʼ bagwanreye bhojkeda.

Jobakʼ 40:10

Enḍekhan ńitokʼ do ṭhosok ar mante sajokʼme, mạhima ar ṭhonok horokʼ joṅme.

Sereńko 145:5

Amakʼ man reakʼ mạhimawanakʼ ṭhonok kạnạń iń do amakʼ hahaṛawakʼko reaṅiń ganḍon joṅa.

Sereńko 21:5

Amem jitạu ocokedete uniyakʼ manot do ḍheretaea; am do man ar ṭhonokem emakawadea.

Sereńko 45:3

E birbanṭa, amakʼ ḍanḍare tarwaṛe toltam; ṭhonok ar mante sajaokʼme.

Sereńko 93:1

Probhu Isorge rapaj do; uni do ṭhonok reakʼ kicricʼe horokʼeda, uni do kajakte ḍanḍae paṭhe akatʼtaea; dhạrti do ạḍi keṭecʼte tearakana, ona do tishõ baṅ ḍikạḍakekʼa.

Jesaea 39:2

Hiskiạ do kusite onko goḍetkoe ataṅ aderketʼkoa ar acʼakʼ sanam khajańci oṛakʼ, sona, rupạ, jut so mosola, daman sunumko, khanḍa bhanḍako ar murạikoe udukʼatʼkoa. Hiskiạwakʼ raj oṛakʼre se uniyakʼ rajosṭire nonkan cetʼge baṅ tahẽlena one okaṭakʼ do bae udukʼatʼko.

Jeheskel 28:5

amakʼ maraṅ ạkil reakʼ bạnij hotete amakʼ dhonem baḍhao ocoakada, ar ona dhonkote amakʼ mon do bạḍạite perecʼ akantama;

Daniel 4:36

Tinre ińakʼ mon bogeyentińạ unre ińakʼ rajosṭi reakʼ manot lạgitʼ ińakʼ ṭhonok do ińiń em ruạṛ ocoyena. Ińren montriko ar mukhiyạko do ińko sendra ńamkedińạ ar siṅghạsonre arhõko duṛupʼkedińa ar iń do laha khon arhõ maraṅiń hoyena.

Daniel 5:18

E Maharaj, maraṅ Isor do am baba, metakʼme Nebukadnesar do rajosṭi, ar ṭhonoke emade tahẽkana.

Mathae 4:8

Soetan do arhõ mitʼṭecʼ ạḍi usul burute Jisui idikedete dhạrti reakʼ sanam rajosṭi ar onako reakʼ ṭhonok udukʼadeteye metadea,

Mathae 6:13

ar biḍạute alom aderlea, menkhan bạṛicʼakʼ khon bańcaolem. [Ente raj ar daṛe ar ṭhonok jaejug hạbicʼ amakʼge, Amen.]

Romiko lạgitʼ Pạul Apostolakʼ ciṭhi 9:23

Arhõ uni do acʼakʼ bin mucạtʼ ṭhonok reakʼ katha hõ baḍae ocokoe menletʼ tahẽkana. Okoe uniyakʼ dayako ńamakatʼ onko do laha khongeye tear akatʼko tahẽkana acʼakʼ ṭhonok ńam lạgitʼ.

Ephesiko lạgitʼ Pạul Apostolakʼ ciṭhi 1:18

Iń do arhõń koeyeda apeakʼ ontor reakʼ mẽtʼ baṛe jhijokʼtape, jemon uniye hohowapere apeakʼ ontorre okape as akan onape bujhạu daṛeakʼ; ar ona sãote noa hõ jemonpe bujhạu daṛeakʼ je, uni ṭhen uniren hoṛko do tinạkʼ maraṅ dhon kanako ar okoeko bon pạtiạu akan aboakʼ ontorre uniyakʼ tinạkʼ maraṅ daṛe kạmiye kạmikana mente. Noa do inạ mitʼ maraṅ daṛege,

Kolossiko lạgitʼ Pạul Apostolakʼ ciṭhi 1:27

Isor doe khojkana, boṅgan hoṛ jạtrenko talare hõ uniyakʼ noa sạri okoakʼ reakʼ maraṅ ṭhonok cetʼkana mente, ona jemon acʼren sanam hoṛko baḍae daṛeakʼ. Ona sạriyakʼ do noage, Mạsi do apeakʼ ontorre menaete uniyakʼ ṭhonok ńam reakʼpe as akana.

Johan sodor 4:11

“E aleren Probhu Isor, amge man ar ṭhonok ar daṛe ńam lek kanam, ente amge jotowakʼem sirjạu akada; ar amakʼ monejoṅakʼ lekage onako do sirjạu akana ar ṭikạu menakʼa.”