Ester 1:19 - সান্তালী বাইবেল

¹⁹ Onate maharaj bogeye bujhạu khan tobe uni do mitʼṭecʼ raj parwanae emokʼma, Bạsti rạni do ar tisge Ahasberos raj samaṅre bae hecʼ daṛeakʼa. Ar niạ hukum do Paras ar Madae reakʼ ạn puthire ol caṛhaokʼma ar ona do baṅ bodolokʼa. Ona chaḍa maharaj do Bạsti rạni khon hõ lekicʼ eṭakʼ ar mitʼṭen do rạni hudại emaema.

Ester 1:19 Iomraidhean Croise

1 Rapajko 3:28

Rajakʼ bicạr ańjomkate Israelren sanamkoakʼ monre raj cetanre botor caṛhaoena, ente onkoko ńelkeda, bicạr chinḍạu lạgitʼ Isor do monre ạkile emakawadea.

Ester 1:18

Paras ar Madaeren manotan maejiuko do rạniyakʼ noa beohar reakʼ katha ańjomkate teheńge akoren jãwãeko sãote inạ mitʼ lekageko beohara. Ar onate nihạ̃t ar raṅgao do bạ̃ṛti idikʼa.

Ester 1:21

Niạ sopolha raj ar uniren cetan hudạren kạmiyạko do bhageko metatʼa. Onate raj do Memukonakʼ katha lekageye kạmikeda.

Ester 2:1

Noako tayom Ahasberosakʼ raṅgao thirentae khan uni do Bạsti rạniyakʼ katha, metakʼme Bạsti okae cekaletʼ ar uni reaṅ okae hukumletʼ onae disạkeda.

Ester 3:9

Ado raj bhageye hudis khan onko do marao utạrko lạgitʼ mitʼṭecʼ hukume emokʼma. Onate rajakʼ khajańci oṛakʼre dohoy lạgitʼ rajakʼ kạmi ạkʼyurkoakʼ tire iń do pesae aregel ṭon rupạń emokʼa.”

Ester 8:5

Estere menkeda, “Maharaje kusikʼkan khan, ar uni nońjorre dayań ńamakatʼ khan ar kạmi do hok reakʼ kan khan ar iń cetanre kusi menae khan, enḍekhan goṭa tabe disạmre Jihudiko maraoko lạgitʼ Agagi Hamadatharen hopon Haman oka ciṭhiye olletʼ ona bạtil lạgitʼ mitʼṭecʼ hukum emokʼme.

Ester 8:8

Menkhan rajakʼ ńutumte olakʼ ar rajakʼ mundạm reakʼ chapakʼ jãhãn hukumge baṅ bạtilokʼa. Onate ńitokʼ bhage ben hudisetʼ khan Jihudiko lạgitʼ raj ńutumte ar mitʼṭecʼ parwana ol ocoyben ar onare rajakʼ mundạm reakʼ chap emakʼben.”

Daniel 6:17

Ar mitʼṭecʼ dhiri ạgukate ona ghaḍlakʼ reakʼ moca ṭhenko dohokada. Raj do acʼ ar mukhiyạ hoṛkoakʼ chapakʼ mundạmte onae chapada jemon Daniel lạgitʼ eṭakʼ jãhãn bebosta alo hoyokʼ.

1 Samuel 15:28

Unre Sạmuel do uniye metadea, “Probhu Isor do teheń am ṭhen khon Israelkoakʼ rajosṭi hõ nonkageye recʼ hataokeda ar am khon hõ bhage amakʼ disạmren mitʼ hoṛe emadea.