Ester 1:17 - সান্তালী বাইবেল

¹⁷ Ente Rạniyakʼ nonkan beohar reakʼ katha do sanam maejiuko talare baḍaeyokʼa ar onko do akoren jãwãeko nihạ̃tkoa, enteko mena, ‘Ahasberos raj samaṅre senokʼ lạgitʼ hukum ńamkate hõ Bạsti rạni do uni samaṅre bae senlena.’

Ester 1:17 Iomraidhean Croise

2 Samuel 6:16

Probhu Isorakʼ sinduk do Dạudakʼ nagrahate seṭerena khan Sạulren hoponera Mikal do jalna khon oyoṅkate onakoe ńelkeda. Ar Probhu Isor samaṅre Dạud do donate enecʼkane ńelkedete uniye nihạ̃tkedea.

Esra 4:6

Ahasberosakʼ rajokʼ ehopʼrege onko bạiriko do Jihudạ ar Jerusalemren hoṛko upạrte mitʼṭecʼ olakʼ hoteteko lạliskeda.

Ester 1:16

Raj ar cetan hudạren kạmiyạko samaṅre Memukan doe roṛ ruạṛkeda, “Bạsti rạni do eken raj upạrteye behok akada ona do baṅa, menkhan Ahasberos rajren sanam cetan hudạren kạmiyạko ar disạmren sanam hoṛko upạrte hõe behok akada.

Ester 1:18

Paras ar Madaeren manotan maejiuko do rạniyakʼ noa beohar reakʼ katha ańjomkate teheńge akoren jãwãeko sãote inạ mitʼ lekageko beohara. Ar onate nihạ̃t ar raṅgao do bạ̃ṛti idikʼa.

Ephesiko lạgitʼ Pạul Apostolakʼ ciṭhi 5:33

Menkhan ona katha do tahẽocoakʼge. Ape mimitʼko aperen bạhuko apnar leka dulạṛkope ar bạhu hõ onka leka acʼren jãwãeye manotema.