Ester 1:12 - সান্তালী বাইবেল

¹² Rajren sapʼdapʼko do rajakʼ hukum rạniko baḍae ocokede khan Bạsti rạni do onko sãote hijukʼ bae rebenlena. Onate raj do edreteye seṅgelena.

Ester 1:12 Iomraidhean Croise

Genesis 3:16

Ona tayom uni maejiue metadea, “Bhạrti hoṛmom tahenre amakʼ kosṭo do arhõń ḍher ocoytama. Am do bedonte gidrạm janamea. Ar jãwãe lạgitʼem jaljalaokʼa, ar uni do am cetanre mạlike hoyokʼa.”

Ester 1:13

Raj do ạn ar bicạrren gạkhuṛ hoṛko tulucʼ niạ babotreye sopolhawana.

Ester 7:7

Raj doe raṅgaoente darkha rasa dohokateye beretʼena ar oḍokente raj doṅgol reakʼ bagwanteye boloyena. Unre Haman doe bujhạu daṛeada raj do acakʼ bhạge ṭhik dohoakada onate jiwi rukhiyạitae lạgitʼ Ester rạni ṭhene tahẽyena.

Sereńko 74:1

E Isor, jaejug lạgitʼ cedakʼem bạgi giḍi akatʼlea? Amakʼ ạtiń ṭạnḍiren bhiḍiko upạrte cedakʼ amakʼ edre reakʼ seṅgel do sarsaokʼ kana?

Sereńko 79:5

E Probhu Isor, ar tinạkʼ din? Am do cetʼ jaejugge edre akanem tahena? Ar tinạkʼ din amakʼ ãṭokʼ reakʼ jala do seṅgel leka jolokʼtege tahena?

Exodus 32:19

Ona tayom Mose do ḍera sore senen khan uni mĩhũ ar hoṛko enejokʼkane ńelketʼkoa. Ona ńelte Mose do edreteye seṅgelena ar ti reakʼ dhiri cạkti kine tawakʼkeda. Onate ona dhiri cạktikin do buru latarte ńurente rạputʼena.

Exodus 32:22

Arone roṛ ruạṛkeda, “Alom edrekʼa, am dom baḍaegea noko hoṛ do bạṛicʼreko jobe akana.

Kạhtukko 19:12

Rajakʼ raṅgao do gondraokʼkan dhạcri kul leka, menkhan uniyakʼ daya do ghãsre ńur akan sisir dakʼ leka.

Kạhtukko 20:2

Rajakʼ raṅgao do dhạcri kulakʼ gondrao leka; uni okoeye raṅgao ocoye uni do acʼakʼ jiwi muskilreye paṛao ocoytaea.

Daniel 2:12

Ona iạte raj do ạḍiye raṅgaoena ar raṅgaote nunạkʼe kurkurạuena je, uni do Babelren sanam ạkilanko gocʼko reakʼe hukumkeda.

Daniel 3:13

Noa katha ańjomkate Nebukadnesar raj do edreteye seṅgelena ar Sedrok, Mesak ar Abed-nego teko hoho ạguko lạgitʼ hoṛe kolketʼkoa. Ar onko do raj samaṅreko ạgu ocoyena.

Daniel 3:19

Unre Sedrok, Mesak ar Abed-nego cetanre Nebukadnesar do ạḍiye raṅgaoena ar uniyakʼ mẽtʼãhã reakʼ boron hõ pheraoentaea. Uni doe hukumkeda jemon bhaṭa do nindarako jol khon eae dobṛa bạ̃ṛtiko jol ocoy.

Nạhum 1:6

Uniyakʼ raṅgao samaṅre do okoeye ṭikạu tahẽdaṛekokʼa? Ar uniyakʼ botoranakʼ edre do okoeye sahao daṛeketaea? Uniyakʼ edre do seṅgel leka jolokʼkana; ar uni samaṅre lạṭu lạṭu dhiriko do gejerokʼ kana.

Ephesiko lạgitʼ Pạul Apostolakʼ ciṭhi 5:22

E maejiuko, Probhu Isorre cetʼleka tabe akan menakʼpe onkage apan ạpin jãwãe tabere tahenpe,

Ephesiko lạgitʼ Pạul Apostolakʼ ciṭhi 5:24

Cetʼleka manḍer do Mạsiyakʼ tabere menakʼa onkage maejiuko hõ jotowakʼre apan ạpin jãwãe tabere tahen lek kanako.

Dosar Biboron 29:20

Probhu Isor do tishõ uni ikạkae do bae rạjikʼa. Ar uniyakʼ raṅgao ar ãṭ do uni hoṛ upạrte dhũạkʼa. Noa puthire oka sarap reakʼ kathako roṛakan ona sanamakʼ do uni cetanre paṛaokʼa. Ar Probhu Isor do dhạrti khon uniyakʼ ńutumme meṭao utạrtaea.

1 Patras 3:1

Onkage E maejiuko, ape do aperen jãwãeko ṭhen gobol akan tahenpe, jemon jãhãe hoṛ Isorakʼ kathare bako pạtiạulenre hõ apeakʼ colonte onko do Mạsi secʼko ạwilokʼ. Onate ape do mitʼṭecʼ katha hõ roroṛ baṅ lagaoapea,