Ester 1:10 - সান্তালী বাইবেল

^10-11 Eaeakʼ dinre Ahasberos raj do darkha rasae ńuketʼ khan ạḍiye kusiyena ar Mohumon, Bistha, Harbona, Bigtha, Abagtha Sethar ar Karkas ńutuman acʼren noko eae goṭen mạ̃yạ̃ṛikoe hukumatʼkoa Bạsti rạni do rạni mukuṭko horokʼaete acʼ samaṅre jemonko oḍok ạguiye. Rạni do ńelokʼte ạḍi napaeye tahẽkante raj do hoṛko ar cetan hudạren kạmiyạko samaṅre uniyakʼ rup ńel ocoetae lạgitʼe menleda.

Ester 1:10 Iomraidhean Croise

Genesis 43:34

Joseph do acʼakʼ ṭebil khon thoṛa jomakʼ boehako emako lạgitʼe kolkeda. Ar eṭakʼ boehako khon Benjạmin do mõṛẽ doboṛ bạ̃ṛtiye emocoyena. Nonkate onko do Joseph sãoteko jom ńũkeda. Arko jom-ńũketʼte uni tulucʼko rạskạyena.

2 Samuel 13:28

Absalom do acʼren hoṛko noae hukumatʼkoa, “Ńelpe, darkha rasa ńũkate tinre Amnon doe moṅgonokʼa unreń metape khan, ‘Amnon ńẽdepe,’ Unre ape do unipe gojeya. Ar alope botorokʼa. Ente ińgeń hukumape kana. Diljoṅpe ar daṛeanko hoyokʼpe.”

Ester 1:9

Ahasberosakʼ raj doṅgolre Bạsti rạni hõ maejiuko lạgitʼ mitʼṭecʼe bhojkeda.

Ester 3:15

Rajakʼ hukum ńamkate sombat asenko do usạrateko oḍokena ar Susan gaṛrehõ ona hukum lại jạhirena. Ona tayom raj ar Haman do darkha rasa ńũńũkin duṛupʼena ar Susan nagraharen Jihudiko doko hae nisạsena.

Ester 7:9

Unre Harbona ńutuman rajren mitʼṭen sapʼsosoricʼe menkeda, “Hamanakʼ oṛakʼre mõṛẽgel moka usul mitʼṭecʼ pạsikaṭ sapṛao doho menakʼa. Mordekai, okoe do rajakʼ jiwi rukhiyại lạgitʼ khobore ạguletʼ uni lạgitʼge Haman do onae sapṛao dohoakatʼ tahẽkana.” Raje menkeda, “Onarege uni pạsiyepe.”

Kạhtukko 20:1

Okoe hoṛ darkha rasa ńũkateye bulokʼ uni doe landa dhudhutʼa, ar okoe bubulakʼe ńũi uni doe jhogṛakʼa; noako ńũkate okoeye bulokʼ uni do ạkilan hoṛ doe baṅkana.

Kạhtukko 31:4

E Lemuel, rapajko reakʼ lek do baṅ kana, darkha rasa ńũi do; ar bubulakʼ ńũi hõ disạm cakʼlaoko lạgitʼ lek anakʼ hõ baṅkana.

Sosolhayic̕ 10:19

Bhoj daka do rạskạ ocome lạgitʼ; darkha rasa do jiwi hulạs ocoy lạgitʼ; ar ṭaka-poesa do sanamakʼe jogaoa.

Bikʼcạrko 16:25

Ona tayom onko do rạskạkʼko ehopʼena ar ãṭ aṛaṅteko menkeda, “Samson doe oḍok ocokʼma; ale do uniyakʼ kheloḍle ńeltaea.” Onate onko do hajot khana khon Samsonko oḍok ạgukedea ar Samson do kheloḍ udukʼakoe ehopʼena. Onko do barea khunṭi talare Samsonko teṅgokedea.

Bikʼcạrko 19:6

Onate uni do jom lạgitʼe duṛupʼena. Ar hońhartetʼ doe menkeda, “Teheń ńindạ hõ tahen ben ar rạskạkʼ ben.”

Rut reakʼ kạhini 3:7

Boas do jom ńũkateye tirpiten khan uni do puńji akatʼ anaj reakʼ mitʼ aṛere senkateye giticʼena. Ar Rut do hape hapete senkate uni cetan khon oyonakʼ ocokʼkate onḍeye giticʼena.