Ephesiko lạgitʼ Pạul Apostolakʼ ciṭhi 6:9 - সান্তালী বাইবেল

⁹ E kisạ̃ṛko, aperen golamko sãote ape hõ onkage beoharpe. Onko do botor alope udukʼakoa, entepe baḍaegea, onko ar aperen doe ini mitʼ Probhu Isor kangeae ar uni do sermare menaea; uniyakʼ mẽtʼãhã samaṅre do jotogeko somangea.

Santali Common Language New Testament

⁹ E kisạ̃ṛko, aperen golamko sãote ape hõ ṭhik onkage beoharpe. Onko do botor alope udukʼakoa, entepe baḍaegea, onko ar aperen doe ini mitʼ Probhu kangeae ar uni do sermare menaea; uniakʼ mẽtʼãhã samaṅre do jotogeko somangea.

Ephesiko lạgitʼ Pạul Apostolakʼ ciṭhi 6:9 Iomraidhean Croise

Nehemiạ 5:5

Ale do mitʼ jạtren hoṛkangeale ar aleren gidrạko hõ onkoren gidrạko leka kangeako enhõ aleren hoponko ar hoponerako do golam menkate emokʼ hoyokʼkantalea, ar aleren hoponerako modre adomko do laharege kạ̃ṛmĩko hoyakana. Ńitokʼ do cetʼ ektiạrige bạnukʼtalea, ente aleakʼ jaega-jumi ar darkha bagwan do eṭakʼ hoṛkoakʼ hoyakana.”

Jobakʼ 34:19

Uni do rapajkoakʼ mẽtʼãhã bae beṅgetʼatako kana, nacarko bạgi giḍikate kisạ̃ṛko maraṅ mente bae moneyako kana, ente onko jotoge uniyakʼ ti teakʼ kạmiko kangeako.

Sereńko 140:12

Ińiń baḍaea Probhu Isor do dukokʼko secʼ menaea ar nacarkoakʼ do hok reakʼe bicạra.

Sosolhayic̕ 5:8

Amakʼ elakaren jãhãe reṅgecʼ hoṛ santao ocokʼem ńellere se jãhãe hoṛakʼ hok reakʼ bicạr ar hok reakʼ ạidạri bae ńametʼkanem ńellere alom botorokʼa, ente mitʼ kạmiạyicʼ cetanre maraṅ ar mitʼ kạmiạyicʼ menaea ar unkin banahoṛ cetanre arhõ maraṅ kạmiạyicʼ menaea.

Jesaea 47:6

Ińren hoṛko cetanre ińakʼ edre do caṛhaolentińạ ar ińakʼ sompotti doń bhõnḍ ocoleda. Onko do amakʼ tireń soprotletʼkoa ar am do onko cetanre bam mãyãlena. Ar haṛam hoṛko hõ hamal bojham ladeyatʼko tahẽkana.

Daniel 3:15

Ńitokʼ ape do sakwa, tiriạ, binạ banam, peṛesaṅ, taranakʼ banam, joṛa murli ar sanam lekan bajna reakʼ saḍe ańjomkate ińren bekʼnaoicʼ murhutʼ ḍobokʼae lạgitʼ sapṛao akaepe tahen enḍekhan ma bhagege. Ar jodi bape ḍobog enḍekhan jolokʼkan bhaṭare unregepe khadle ocokʼa. Unre cele debota hõ ińakʼ ti khon do bako bańcao daṛeapea?”

Daniel 3:6

Ar jãhãege ombakʼkate bae sewae uni do unrege ona jolokʼkan culhạreye khadle ocokʼa.”

Levitikus 19:13

“Am aḍepaseren hoṛ alom julumea ar jãhãnakʼ alom rejeya. Khaṭaoicʼ reakʼ mujuri do enhilokʼge emkataeme; ona do setakʼ hạbicʼ alom doho aṅgaea.

Malaki 3:5

Phạdkoren Probhu Isore meneda, “Unre bicạrme lạgitʼ iń do am ṭheniń hijukʼa; ar unre jạdu udukʼko, kusumbiko, eṛe goha emokʼko ar okoe do din ṭakʼlaokoe ṭhokayetʼko, okoe do rạnḍi maejiu ar ṭũạr amarkoe santaoetʼko ar bidisiạko hok reakʼ bae bicạretʼtako kan, metakʼme okoe iń bako botorạń onko sanamko upạrte goha emokʼ do bạń biloma.

Mathae 22:10

Unre onko gutiko do horkore oḍok senkate boge bạṛicʼ tinạkʼko ńamketʼko, jotogeko hoho ạguketʼkoa. Ar nonkate bapla oṛakʼ do onko peṛakote perecʼena.

Mathae 22:8

Ado acʼren gutikoe metatʼkoa, ‘bhoj do tear ṭhikgea, menkhan neota ocolenko do noaren lek bako tahẽkana.

Mathae 24:48

Menkhan, uni bạṛicʼ sordar do acʼakʼ monreye menle khan, ‘ińren kisạ̃ṛ do hijukʼe bilomeda.’

Mathae 24:51

Ar unre uni doe makʼ paṛagea ar phạsiạrako tulucʼ bakhrae niṭaea. Onḍe do rakʼjoṅ ar togocʼ ḍaṭa hoyokʼa.

Mathae 7:12

Hoṛko ṭhen khon cetʼleka beoharpe khojkan onkage ape hõ onko tulucʼ beoharpe. Ente noa kangea Moseyakʼ ạn-ạri ar nạbikoakʼ cecetʼakʼ reakʼ katha do.

Luk 6:31

Hoṛko ṭhen khon cetʼleka beoharpe khojkan, onkage ape hõ onko tulucʼ beoharpe.

Johan 13:13

Ape do Guru ar Probhu mentepe hohowạńkana, ar ona do ṭhikgepe meneda, ente uni kangeạń.

Aposkạmi 10:34

Unre Patras do roroṛe ehopʼena, “Iń do ńitokʼ sạrigeń bujhạu daṛeakʼ kana, Isorakʼ mẽtʼãhã samaṅre do jotogeko somangea.

Romiko lạgitʼ Pạul Apostolakʼ ciṭhi 2:11

Ente Isor ṭhen mẽtʼãhã beṅgetʼakʼ do bạnukʼ anaṅ.

1 Korinthiko 7:22

Golam tahenre Probhu Isor okoeye hohoakawade uni do Probhu Isor hotetegeye sạdhin ocoakana. Onkage okoe sạdhin tahenreye hoho ocoakan uni do Mạsiren golame hoyakana.

Dosar Biboron 10:17

Aperen Probhu Isor do sanam isorkoren Isor ar sanam probhu koren Probhu kanae. Uni do maraṅ utạricʼ, daṛeanicʼ ar botoranicʼ Isor kanae. Uni do okoeyakʼ mẽtʼãhã hõ bae beṅgetʼakʼa ar ghushõ bae hataoa.

Kolossiko lạgitʼ Pạul Apostolakʼ ciṭhi 3:25

Ente behokicʼ do acʼe behokakatʼ reakʼ kuṛạiye ńam ruạṛa; Probhu Isor ṭhen mẽtʼãhã beṅgetʼakʼ do bạnukʼ anaṅ.

Kolossiko lạgitʼ Pạul Apostolakʼ ciṭhi 4:1

E kisạ̃ṛko, sermare aperen hõ mitʼṭen kisạ̃ṛ menaea ar ona baḍaekate aperen golamko sãote bhage ar hok reakʼ beoharpe.

Jakob 2:13

ente okoe bae daya akan, bicạrre uni hõ daya do bae ńama. Bicạr cetanre daya doe jitạukʼa.

Jakob 2:8

Sonot sostorre olakana, “Am aḍepaseren hoṛ apnar leka dulạṛem.” Ape do Mạsiyakʼ rajosṭi reakʼ ạnko sạrigepe manaoetʼ khan enḍekhan do ạḍipe bhageyetʼ kangea.

Jakob 5:4

Apeakʼ khetre okoe kạmiyạko phosolko samṭao akatʼtape onko do kuṛại bape emakatʼkoa; ar ńelpe, ona kuṛại do ńitokʼ ãṭ aṛaṅteye dusiyetʼpea. Sanam daṛean Probhu Isorakʼ luturre onko kạmiyạkoakʼ rakʼ do seṭerakana.

1 Samuel 15:17

Sạmuele menkeda, “Mitʼ din am do amakʼ nońjorre huḍińicʼem tahẽkana, menkhan enrehõ cetʼ Israelkoakʼ sanam gusṭikoren matha do bam hoyakana? Probhu Isorge Israel disạm cetanre raj lekateye ojokʼ bahalketʼmea.