Ephesiko lạgitʼ Pạul Apostolakʼ ciṭhi 6:19 - সান্তালী বাইবেল

¹⁹ Iń lạgitʼ hõ koejoṅpe jemon kathań roṛre Isor do nonkan pạrsiye emạń jemon dil salakʼ uniyakʼ bhage sombat reakʼ sạri okoakʼkoń porcar daṛeakʼ.

Santali Common Language New Testament

¹⁹ Iń lạgitʼ hõ koejoṅpe jemon kathań roṛre Isor do nonkan pạrsiye emạń jemon dil salakʼ uniakʼ bhage sombat reakʼ sạri okoakʼkoń porcar daṛeakʼ.

Ephesiko lạgitʼ Pạul Apostolakʼ ciṭhi 6:19 Iomraidhean Croise

Aposkạmi 13:46

Unre Pạul ar Barnabas do dilkate kin roṛ ruạṛatʼkoa, “Pạhilre ape ṭhen Isorakʼ katha lạlại jạruṛ tahẽkan tạlińa, menkhan tinre ape do bape moneyada ar jaejug jion ńam lạgitʼ apete lek bape bujhạulena unre ạliń do boṅgan hoṛ jạtrenko secʼliń ạcurokʼkana.

Aposkạmi 14:3

Pạul ar Barnabas do ona nagrahare thoṛa dinkin tahẽyena ar dil salakʼ Probhu Isorakʼ kathakin galmaraoatʼkoa. Ar Probhu Isorakʼ daya reaṅ okakin porcaretʼ tahẽkan ona katha sạrikana mente sạbud lạgitʼ Probhu Isor do Pạul ar Barnabas hotete cinhạko ar hahaṛawakʼkoe hoyocokeda.

Aposkạmi 18:26

Uni do ạḍi dil salakʼ sunạgogre katha roroṛe ehopʼena. Unre Priskilla ar Akuilạ do Apollosakʼ kathakin ańjomketʼ khan ạkinakʼ oṛakʼtekin neotakedea ar Isorakʼ horko reaṅ arhõ mońjtekin bujhạuadea.

Aposkạmi 19:8

Inạ tayom Pạul do sunạgogkoteye boloyena ar pe cando hạbicʼ dil salakʼ kathakoe galmaraoatʼkoa. Uni do Isorakʼ raj reaṅakʼko khode khod galmaraoatʼkote biswạs janam ocoytako lạgitʼe kurumuṭukeda.

Aposkạmi 2:4

Onate onko jotoge sonot Jiuteko perecʼena ar uni Jiue danatʼko daṛe leka eṭakʼ eṭakʼ pạrsite roroṛko ehopʼena.

Aposkạmi 28:31

Uni do sohosate ar bin akoṭte Isorakʼ raj reakʼe porcaretʼ tahẽkana ar Probhu Jisu Mạsi reaṅe cetʼakokan tahẽkana.

Aposkạmi 4:13

Ado Patras ar Johanakʼ dil ńelte ar bin bidiyạwan ar ne hoṛkanakin menteko baḍaeketʼ khan onko mukhiyạko doko hahaṛayena, ar noa hõko bujhạukeda je unkin hõ Jisu sãotekin tahẽkana.

Aposkạmi 4:29

Ar ńitokʼ do E Probhu Isor, cetʼ lekako botor ocoyetʼle ona dom ńeletʼkangea. Amren gutiko nonkan daṛe baṛe emakom jemon dil salakʼ amakʼ kathako lại sodor daṛeakʼ.

Aposkạmi 4:31

Ado oka jaegare onkoko jarwa mitʼ akan tahẽkan, koejoṅ tayom ona jaega do dal dalaoena. Ar onko sanamkoge sonot Jiuteko perecʼente dil salakʼ Isorakʼ katha lạlạiko ehopʼena.

Aposkạmi 9:27

Menkhan Barnabas do uniye soṅgekedete apostolko ṭhene idikedea are baḍae ocoketʼkoa, Damesek reakʼ horre Sạul do cetʼlekate Jisui ńelledea ar cetʼleka Probhu Isor do uni sãoteye galmaraoleda, ar Damesekre Jisu reaṅ cetʼleka dilkateye porcarleda.

Aposkạmi 9:29

Ar okoe Jihudiko Junạni pạrsiteko roṛetʼkan tahẽkan uni do onko sãoteye galmarao kan tahẽkana are reṭe peṭekʼkan tahẽkana, menkhan noko Jihudikoge uni goje lạgitʼ kurumuṭuko ehopʼena.

Romiko lạgitʼ Pạul Apostolakʼ ciṭhi 15:30

E boehako, aboren Probhu Jisu Mạsi hotete ar sonot Jiuakʼ dulạṛteń nehõrape kana, iń lạgitʼ Isor ṭhen koejoṅre iń sãote lạgiyạ paṛaokʼpe.

Romiko lạgitʼ Pạul Apostolakʼ ciṭhi 16:25

Jisu Mạsi reaṅ oka bhage sombat iń porcaretʼkan ona bhage sombat hotete ṭarhao dohope reakʼ daṛe do Isorakʼ menakʼgetaea. Ar ḍher jug hạbicʼ Isor do acʼakʼ okoakʼko reaṅ okoege bae lại akawatʼkoa,

1 Korinthiko 1:5

Ona daya do noage, ape do Mạsi tulucʼpe mitʼ akante joto secʼ khon metakʼme, sanamakʼ roṛ reakʼ daṛete ar akeltepe kisạ̃ṛ akana,

1 Korinthiko 2:7

menkhan ale do Isorakʼ akelte perecʼ okoakʼ kathakogele roṛeda, one oka do dhạrti ạuri sirjạu khon Isore niṭ dohoakatʼ tahẽkan jemon uniyakʼ ṭhonok reakʼ bhạgiyạdar bon hoydaṛeakʼ.

1 Korinthiko 4:1

Hoṛ do nonka lekako bujhạule ma, ale do Mạsiren sapʼdapʼko kanale ar Isorakʼ sạri okoakʼko baḍae ocoko reakʼ bhar do alerege emakana.

2 Korinthiko 1:11

Ape hõ koejoṅre goṛowalepe. Enḍekhan ḍher hoṛakʼ koejoṅte oka bhorle ńam ona khạtirte ḍherkoge Isorko sarhao daṛeaea.

2 Korinthiko 3:12

Ale do nonkanakʼ as menakʼtalete sodortele roṛetʼkana.

2 Korinthiko 6:11

E Korinthiren biswạsiko, ale do khulạsategele roṛ akada ar ape ṭhen aleakʼ ontor do purạtele khulạu akada.

2 Korinthiko 7:4

Apere ạḍi pạtiạu menakʼtińạ ar ape iạte ạḍitetʼ iń sarhaokʼ kana. Aleakʼ joto duk sasetre ińakʼ rạskạ do sareṛokʼ kana ar ạḍi jiwi raṛecʼ iń ńameda.

2 Korinthiko 8:7

Jotowakʼge, metakʼme biswạs, Isorakʼ katha, akel, jid ar alere cetʼ leka apeakʼ asambheṛ dulạṛ menakʼ onkage jemon dan reakʼ gun hõ sareṛokʼ tape.

Ephesiko lạgitʼ Pạul Apostolakʼ ciṭhi 1:9

Uni do okalekae khojletʼ ar Mạsi hotete okaleka laha khongeye ṭhik dohoakatʼ tahẽkan, onka lekage uni do acʼakʼ okoakʼ monsubạkoe baḍae ocoletʼ bon tahẽkana.

Ephesiko lạgitʼ Pạul Apostolakʼ ciṭhi 3:9

Ona chaḍa uniyakʼ danaṅakʼ okalekate kạmire lagao hoyokʼa ona sodor reakʼ dạyik hõ ińreye emakada. Sanamakʼren sisirjạuicʼ Isor do nunạkʼ din hạbicʼ acʼakʼ ona monsubại oko dohoakatʼ tahẽkana.

Kolossiko lạgitʼ Pạul Apostolakʼ ciṭhi 2:2

Ińakʼ monejoṅakʼ do noage jemon onko do ontorre udgạuko ńamte dulạṛreko tol midokʼ, ar Mạsi reaṅko bujhạute oka khạṭitetʼ ńamokʼ ona reaṅ purạ khạṭitetʼ jemon asambheṛko lab joṅ. Ar ona khạtirte Isorakʼ sạri okoakʼko, metakʼme Mạsiko baḍae orom daṛeaea.

Kolossiko lạgitʼ Pạul Apostolakʼ ciṭhi 4:3

Ona sãote ale lạgitʼ hõ koejoṅpe jemon Mạsi reaṅ sạri okoakʼ reakʼ katha porcar lạgitʼ Isor do ạte emabon. Ar ona sạri okoakʼ lạgitʼge iń doń bondi ocoakana.

1 Thessalonikikko 2:2

Ar noa katha hõpe baḍaegea, noa lahare ale do Philipi nagraharele khed ocolena ar bemanot hõle bemanot ocolena. Menkhan noa tạkicʼakʼko tahẽkanre hõ aboren Isor ṭhen khon dil ńamkate uniyakʼ bhage sombat reakʼ katha ale do khulạsategele lạiyatʼpe tahẽkana.

1 Thessalonikikko 5:25

E boehako, ale lạgitʼ koejoṅpe.

2 Thessalonikiko 3:1

E boehako mucạtʼ katha do noage, ale lạgitʼ koepe cetʼleka Probhu Isorakʼ katha ape talare usạra pasnaolen onkage ona do pasnao idikʼte ṭhonokokʼtege tahena.

1Timothi 3:16

Isor bhokti reakʼ sạri okoakʼ je maraṅge ona do jotokogeko aṅgoca. Ona sạritetʼ do noage, Uni do manwa lekateye sodorena; ar Jiureye dhorom ocoyena; serma goḍet do uniko ńelledea; sanam jạtrenko ṭhen uni reaṅ porcarlena; dhạrtiren hoṛko do unireko pạtiạuena; ar serma ṭhonokre uni doe rakapʼ ocoyena.

Philimon 1:22

Ar mitʼṭecʼ kathań metamkana, peṛakoakʼ kandha do iń lạgitʼ sapṛao dohokakʼme, ente asokʼ kạnạń, apeakʼ koejoṅte iń do ape ṭheniń kol ruạṛ ocokʼa.

Ibriko 13:18

Ale lạgitʼ koejoṅpe. Sanamakʼkore dhorom lekate senokʼle menjoṅkan iạtele baḍaekana je, aleakʼ bibek do napaegetalea mente.