Ephesiko lạgitʼ Pạul Apostolakʼ ciṭhi 6:18 - সান্তালী বাইবেল

¹⁸ Sonot Jiu hotete ạyur ocokʼte mon ar ontorte jao ghuṛi koejoṅpe. Onate jagwar akae tahente Isorren sanam hoṛko lạgitʼ mitʼ talao koejoṅre jamaṛ akae tahenpe.

Santali Common Language New Testament

¹⁸ Sonot Jiu hotete ạyur ocokʼte mon ar ontorte jao ghuṛi koejoṅpe. Onate jagwar akae tahente Isorren sanam hoṛko lạgitʼ mitʼ talao koejoṅre jamaṛ akae tahenpe.

Ephesiko lạgitʼ Pạul Apostolakʼ ciṭhi 6:18 Iomraidhean Croise

1 Rapajko 8:52

“Amren golam ar amren Israelkoakʼ nehõrjoṅakʼ baṛe moneyakʼtakome, ar amko hohowamre onkoakʼ katha ańjomtakome.

1 Rapajko 8:54

Solomon do Probhu Isor ṭhen niạko koejoṅ ar nehõre mucạtʼketʼ khan pinḍ samaṅ khone beretʼena; ar un ghạṛicʼ uni do ikhṛumkate serma secʼ ti tiyạr akaegeye tahẽkana.

1 Rapajko 8:59

Ar okako katha roṛate Probhu Isor ṭhen koejoṅ iń samaṅ akatʼ ona do siń ar ńindạ aboren Probhu Isorakʼ disạ tahentaema jemon uni do acʼren gutiko ar acʼren Israel hoṛko dinạm hilokʼ reakʼ jạruṛokʼakʼ lekateye bebostawabon.

1 Rapajko 9:3

Probhu Isor do uniye metadea, “Am okaṭakʼ koejoṅ ar nehõrem dohoakatʼ ona doń ańjom akada. Amakʼ benaoakʼ niạ mundil do jaejug hạbicʼ ińakʼ tahen oṛakʼ lekate iń ńutumteń begar dohoakada. Niạ cetanre ińakʼ mẽtʼ ar mon do jao okte tahentińạ.

Ester 4:8

Susanre emakʼ Jihudiko maraoko reaṅ okaṭakʼ raj parwana oḍok akan ona reakʼ mitʼṭecʼ nokol do Hathake emadea, jemon uni do Estere udukʼ daṛeae ar onate uniye bujhạu daṛeakʼ. Ar Ester do raj samaṅre senkate acʼren hoṛko lạgitʼe nehõrokʼ.

Jobakʼ 27:10

Onko do cetʼ sanam daṛeanicʼ iạteko rạskạkʼa? Onko do cetʼ jaoge Isorko hohoaekana?

Sereńko 4:1

E ińren Isor, amakʼ sana lekań calakʼkan ona dom udukʼ akawạdińa; ar amiń hohowamre roṛ ruạṛạńme baṛe. Iń do muhinteń esetʼ akana, menkhan am do sahẽtʼ reakʼ bhạgem emakawạdińạ. Dayawạńme, ar ińakʼ koejoṅ baṛe ańjomtińme.

Sereńko 6:9

Ińakʼ nehõr do Probhu Isore lutur akawada, ar ińakʼ koejoṅe ataṅ akatʼtińạ.

Jesaea 26:16

E Probhu Isor, kosṭokʼre onko do amko ńam baṛaketʼmea; ar amakʼ sạjại paṛaoatʼkore onko do nehõrate khae khoe koejoṅko phuṭạuatʼmea.

Daniel 6:10

Daniel do rajakʼ hukumre suhi akana menteye ańjomketʼ khan acʼakʼ koṭha kandhateye rakapʼena; ona oṛakʼ reakʼ jalna do Jerusalem secʼge jhicʼ tahẽkana. Uni do acʼakʼ hewa leka dinre pe dhao ikhṛumkateye koejoṅana ar acʼren Isore gun manao joharadea.

Daniel 9:20

Nonkage iń doń koejoṅkan tahẽkana, iń ar iń jạtren Israelkoakʼ kại iń aṅgockeda ar ińren Probhu Isor ṭhen acʼakʼ sonot buru lạgitʼ iń nehõrena.

Hosea 12:4

Uni do Serma goḍet sãoteye lạṛhạilena ar uniye bhagaokedea; ar daya ńam lạgitʼ uni do rakʼ rakʼteye nehõrlena. Uni do Bethelre Probhu Isore ńamledea ar onḍe do Probhu Isor sãote kathaye roṛleda.

Sakariạ 12:10

“Iń do Dạudakʼ bõs ar Jerusalemren hoṛko cetanre ińren Jiu iń dulea; uni doe dayakʼa ar koejoṅ reakʼ mone emokʼa. Onate onko do iń secʼ, metakʼme okoe do uniko sobokʼ tapʼlede uni secʼ beṅgetʼ akaeko tahena. Ar sadher hopon ńutumte homor halaṅ leka onko do uni lạgitʼko homor halaṅa ar pạhilicʼ hopon lạgitʼ cetʼ lekako homor halaṅ onkageko jare jarekʼa.

Mathae 17:21

Ape lạgitʼ bin daṛeanakʼ do cetʼge bạnukʼa. Menkhan nui jạtrenko do koejoṅ ar upạs begor ohogeko oḍoklena.

Mathae 26:41

Jagwar tahenpe ar koejoṅpe jemon biḍạure alope paṛaokʼ. Jiure sana menakʼgea, menkhan hoṛmo do nijorgea.”

Mark 13:33

Ape do sontor akan tahenpe, jagwar tahenpe ar koejoṅpe, ente bape baḍaea oktetetʼ do tiskan coṅ.

Mark 14:38

Jagwar tahenpe ar koejoṅpe jemon biḍạure alope paṛaokʼ. Ontorre sana menakʼgea, menkhan hoṛmo do nijorgea.

Luk 21:36

Onate jagwar tahenpe ar koejoṅpe jemon jãhãnakʼge hecʼape onakope parom idite Manwa Hopon samaṅrepe teṅgo daṛeakʼ.”

Luk 3:26

Nạggại do Mahatren hopon, Mahat do Matathiạren hopon, Matathiạ do Simạiren hopon, Simại do Josekren hopon, Josek do Jodaren hopon;

Luk 3:37

Lamek do Mạthusalaren hopon, Mạthusala do Enokren hopon, Enok do Jaredren hopon, Jared do Mahalalelren hopon, Mahalalel do Kenanren hopon;

Aposkạmi 1:14

Onko jotoge biswạsi maejiuko ar Jisu eṅgat Mạriạm ar uniren boehako tulucʼ mitʼ monte koejoṅre jamaṛ akanko tahẽkana.

Aposkạmi 10:2

Uni do Jihudi hoṛe baṅkanre hõ Isor bhokti hoṛe tahẽkana ar acʼ gharońjren sanamkoge Isorko sewawae kan tahẽkana. Uni do reṅgecʼ orecʼko ṭaka-poesakoe dan akokan tahẽkana ar Isor ṭhen jaogeye koejoṅkan tahẽkana.

Aposkạmi 12:5

Onatege Patras do hajotreye doho ocokʼkan tahẽkana. Menkhan manḍerren hoṛko do uni lạgitʼ Isor ṭhen mitʼ monteko koejoṅkan tahẽkana.

Romiko lạgitʼ Pạul Apostolakʼ ciṭhi 12:12

Apeakʼ okaṭakʼ as menakʼ, ona iạte rạskạkʼpe. Harkhet sasetre soboripe. Koejoṅre jamaṛ akan tahenpe.

Romiko lạgitʼ Pạul Apostolakʼ ciṭhi 8:15

Ar golamren Jiu do bape ńamakadea, one onatepe botorkokʼ; Ape do Isorren Jiugepe ńamakadea one okoe do hopon hoyokʼ reakʼ ạidạriye emakatʼpe. Ona iạtege Isor do Abba, metakʼme Baba mente bon hohowaekana.

Galathiko lạgitʼ Pạul Apostolakʼ ciṭhi 4:6

Ape dope hoponko kante Isor do acʼren Hoponren Jiu aboakʼ ontorreye kolkedea. Ar uni Jiu Isor do Abba, metakʼme Baba menteye hohoae kana.

Ephesiko lạgitʼ Pạul Apostolakʼ ciṭhi 1:16

un khonge ape ńutumte gun manao johar emokʼ do baṅgeń thir akana.

Ephesiko lạgitʼ Pạul Apostolakʼ ciṭhi 2:22

Ape do uni tulucʼgepe kolom mitʼakana ar onate ape hõ mitʼ sãotepe gathao rakapʼ ocokʼkana, jemon sonot Jiu hotete Isorakʼ mundilpe hoydaṛeakʼ.

Ephesiko lạgitʼ Pạul Apostolakʼ ciṭhi 3:18

ar Isorren sanam hoṛko sãote ape hõpe bujhạu daṛeakʼa, Mạsiyakʼ dulạṛ reakʼ jãhãn mucạtʼtetʼ, osartetʼ, jeleńtetʼ, usultetʼ, ar khạndritetʼ do bạnukʼanaṅ.

Ephesiko lạgitʼ Pạul Apostolakʼ ciṭhi 3:8

Isorren sanam hoṛko modre iń khon huḍińko ar bạnukʼkore hõ, enrehõ Mạsiyakʼ okaṭakʼ dhon reakʼ katha purạpuri baṅ bujhạukʼ, ona dhon reakʼ bhage sombat boṅgan hoṛko baḍae ocoko reakʼ bhar Isor do dayate ińgeye em akadińạ.

Ephesiko lạgitʼ Pạul Apostolakʼ ciṭhi 6:19

Iń lạgitʼ hõ koejoṅpe jemon kathań roṛre Isor do nonkan pạrsiye emạń jemon dil salakʼ uniyakʼ bhage sombat reakʼ sạri okoakʼkoń porcar daṛeakʼ.

Philipiko lạgitʼ Pạul apostolakʼ ciṭhi 1:4

Ape lạgitʼ iń koejoṅre jao ghuṛi rạskạ salakʼ iń koejoṅ kana,

Philipiko lạgitʼ Pạul apostolakʼ ciṭhi 4:6

Ar jãhãnakʼ reakʼge alope dandokʼa, bickom apeakʼ joto arojakʼko do koejoṅ ar nehõrate gunmanao johar salakʼ Isor baḍae ocoyepe.

Kolossiko lạgitʼ Pạul Apostolakʼ ciṭhi 1:3

Mạsi Jisure apeakʼ biswạs ar Isorren sanam hoṛko lạgitʼ apeakʼ dulạṛ reakʼ katha liń ańjomakada, onate tinạkʼ dhao ape lạgitʼ liń koejoṅkan unạkʼ dhaoge aboren Probhu Jisu Mạsiren Baba Isor liń gunmanao joharae kana.

Kolossiko lạgitʼ Pạul Apostolakʼ ciṭhi 4:2

Koejoṅre jamaṛ akan ar gun manao johar salakʼ jagwar akae tahenpe;

1 Thessalonikikko 5:17

ar mitʼ talao koejoṅpe,

1Timothi 2:1

Pạhilregeń meneda, sanamko lạgitʼ nehõr, koe, aroj ar gun manao hoyokʼ ma.

2Timothi 1:3

Ińren hapṛamko cetʼleka Isorko sewawaekan tahẽkan onkage ińhõ sapha bibekte Isoriń sewawae kana; ar am lạgitʼ siń sạṭupʼ koejoṅ jokhecʼ iń do uniń sarhaoede kana.

Philimon 1:5

Ente Probhu Jisure amakʼ biswạs ar Isorren hoṛko lạgitʼ amakʼ dulạṛ reakʼ kathań ańjomeda.

Ibriko 5:7

Okoe gocʼko khone rukhiyạ daṛeae uni Isor ṭhen Jisu do noa dhạrtire tahen jokhecʼ ãṭ aṛaṅte rakʼateye nehõrade tahẽkana are koeleda. Ar bhokti sãote batao tahẽkantaete Isor do uniyakʼ koejoṅe ańjomletʼtaea.

1 Patras 4:7

Nitokʼ do sanamakʼ reakʼ mucạtʼ okteko seṭer akana. Onate apeakʼ mon do kajak akae dohoytape ar apnarte sambṛaokʼpe jemonpe koejoṅ.

Jihudạwakʼ ciṭhi 1:20

Menkhan E dulạṛiạ boehako, ape do apeakʼ sonot utạr biswạsre apete benao rakabokʼpe ar sonot Jiu reakʼ ạyurte koejoṅpe.

1 Samuel 1:12

Hanna do Probhu Isor ṭhen ạḍi ghạṛicʼe koejoṅkan tahẽkante Eli do uniye ạribạndhiyede tahẽkana.