Ephesiko lạgitʼ Pạul Apostolakʼ ciṭhi 6:13 - সান্তালী বাইবেল

¹³ Onate ape do lạṛhại lạgitʼ Isore emakan sanamakʼ sajbajko horokʼ joṅpe, jemon Soetane hạ̃nlepere unipe teṅgo daram daṛeae arpe bhagaoete teṅgo ṭak akanpe tahen.

Santali Common Language New Testament

¹³ Onate ape do lạṛhại lạgitʼ Isore emakan sanam saj-bajko horokʼ joṅpe, jemon Soetane hạnlepere unipe teṅgo daram daṛeae arpe bhagaoete teṅgo ṭak akanpe tahen.

Ephesiko lạgitʼ Pạul Apostolakʼ ciṭhi 6:13 Iomraidhean Croise

Sosolhayic̕ 12:1

Amakʼ juạn oktere amren sisirjạuicʼ hõ disạyem, ente amakʼ haṛam umer reakʼ dinko hijukʼ kana, metakʼme, duk reakʼ dinko hijukʼ kana, one unrem men, “Niạ haṛam umerre onako do bạń hạ̃sakʼ kana.”

Amos 6:3

Ape dope hudisetʼkana, muhin reakʼ din dope sạṅgiń giḍiakada, menkhan ape do jobor jạsti reakʼ rajosṭipe calaoeda.

Malaki 3:2

Menkhan uniyakʼ hijukʼ din do okoehõ bako sahao daṛeakʼa; uniye sodorlenre celege bako teṅgo ṭarhao daṛeakʼa; ente uni do rupạ biḍạu aṭkaricʼ seṅgelgeye hoyokʼa ar dhubiyakʼ sạbun leka hõ.

Luk 21:36

Onate jagwar tahenpe ar koejoṅpe jemon jãhãnakʼge hecʼape onakope parom idite Manwa Hopon samaṅrepe teṅgo daṛeakʼ.”

Luk 8:13

Dhiri hasare ńũren itạte do onko lạgitʼge roṛ akana, okoe do katha ańjomkate rạskạteko ataṅetʼkan, menkhan onkore ona reakʼ rehetʼ do mońjte baṅ bạisạukʼ kana. Onate onko do thoṛa din lạgitʼko pạtiạukʼkana, menkhan biḍạureko paṛaolen khan doko pạcokʼ kana.

Romiko lạgitʼ Pạul Apostolakʼ ciṭhi 13:12

Ńindạ do caba hecʼena, aṅgakʼ lạgidokʼ kana; onate dela, ńut reakʼ kạmi bạgikate marsal reakʼ khanḍa banḍa bon horokʼ joṅma.

2 Korinthiko 10:4

Jel ar mãyãm reakʼ gobolre tahẽkate okako khanḍa bhanḍate manwako lạṛhạikan onate ale do bale lạṛhại kana, menkhan Isorakʼ daṛete aboakʼ khanḍa bhanḍa ar kajak gaṛko hõ dhaṅ dhaserokʼa.

Ephesiko lạgitʼ Pạul Apostolakʼ ciṭhi 5:16

Apeakʼ tire bhage kạmi reakʼ okaṭakʼ ạt menakʼ ona do purạte kạmire lagaope, ente noa piṛhi do bạṛicʼgea.

Ephesiko lạgitʼ Pạul Apostolakʼ ciṭhi 5:6

Ạuṛi sạuṛi kathate okoe hõ jemon aloko bulạupe ma, ar eṭakʼ horte aloko idipe ma, ente okoe bebatao iạte onako kạmi onkorege Isorakʼ sạjại do paṛaokʼa.

Kolossiko lạgitʼ Pạul Apostolakʼ ciṭhi 4:12

Epaphrase hõe joharape kana. Uni do aperen hoṛko modren mitʼ hoṛkanae ar uni do Jisu Mạsiren golamge. Uni do siń sạṭupʼ ape lạgitʼe koeyeda jemonpe sạbit utạrokʼ ar jotowakʼre Isorakʼ monejoṅakʼ baḍaekate khạṭi akanpe teṅgo ṭarhao daṛeakʼ.

Jakob 4:7

Onate Isorakʼ gobolre tahenpe. Ar Soetan teṅgo daramepe, enḍekhan uni do ape ṭhen khone ńir pharakokʼa.

1 Patras 4:1

Onate Mạsi do hoṛmore duke sahaoletʼte ape hõ apnarakʼ ontorre inạ mitʼ monsubạge benao rakabtape, ente hoṛmore okoe duke jom akatʼ uni do kại reakʼ heowa khone thir akana.

Johan sodor 3:10

Sobori reakʼ okań hukumatʼme tahẽkan ona dom dohoakada; onate dhạrtire oka duk reakʼ ghuṛi daraekan ona khon iń doń rukhiyạmea. Ar okoe doko noa dhạrtirenkan onko biḍạuko lạgitʼge noa duk reakʼ okte do hijukʼa.

Johan sodor 6:17

ente unkinakʼ edre sodorokʼ reakʼ ona maraṅ din do seṭer akana, ar uni samaṅre do okoeye teṅgo ṭarhao daṛekokʼa?”