Ephesiko lạgitʼ Pạul Apostolakʼ ciṭhi 5:25 - সান্তালী বাইবেল

²⁵ E jãwãeko, Mạsi cetʼ leka manḍere dulạṛletʼ ar ona lạgitʼ apnare emen ṭhik onkage ape hõ aperen bạhuko dulạṛkope.

Santali Common Language New Testament

²⁵ E jãwãeko, Mạsi cetʼ leka manḍere dulạṛletʼ ar ona lạgitʼ apnare emen ṭhik onkage ape hõ aperen bạhuko dulạṛkope.

Ephesiko lạgitʼ Pạul Apostolakʼ ciṭhi 5:25 Iomraidhean Croise

Genesis 2:24

Ona iạte manwa do eṅgat-apat bạgikate acʼren bạhu tulucʼ mitʼ akane tahena ar unkin do mitʼ hoṛmokin hoyokʼa.

Genesis 24:67

Unre Isahak do acʼ gogowakʼ tạmbure Rebekae idikedea are baplakedea. Uni do Rebekae dulạṛkedea ar eṅgattetʼ ńutumte jiwi raṛecʼentaea.

2 Samuel 12:3

Menkhan uni reṅgecʼ hoṛakʼ do cetʼge baṅ tahẽkantaea, uniren do eken mitʼṭen bhiḍi hopone tahẽkana. Uni do kirińkateye ạsulede tahẽkana. Uni do acʼ ar acʼren hopon ar hoponerako sãote dohokateye ạsul harayede tahẽkana. Ar uni reṅgecʼ hoṛ okae jometʼ tahẽkan uni bhiḍi hopon hõ onageye jometʼ tahẽkana ar uniyakʼ bạṭi khongeye ńũiyetʼ tahẽkana. Ar uni ṭhengeye guṅgutʼkan tahẽkana. Uni ṭhen do hoponera lekageye tahẽkana.

Soros sereń 1:11

Sona gunsikole galaṅama rupạ reakʼ ṭikliko salakʼ.

Mathae 20:28

Manwa Hopon do sapʼsor ocokʼ do bae hecʼakana, bickom sapʼsosor lạgitʼge, ar ạḍi utạr hoṛko bodolte chaḍaokʼ reakʼ dam menkate acʼakʼ jiwi emokʼgeye hecʼakana.”

Johan 6:51

Ińge ona jiwetʼ reakʼ piṭhạ do one serma khon pheḍ hecʼakan. Ar okoe noa piṭhại jom uni do jaejug hạbicʼ jiwetʼe tahena. Ińakʼ hoṛmo kangea ona piṭhạ do. Manwa jemon jionko ńam ona lạgitʼ iń do ińakʼ hoṛmoń emokʼa.”

Aposkạmi 20:28

Ape do apnar lạgitʼ sontor akae tahenpe, ar okoe sonot Jiu biswạsikoren horhoyicʼ lekate ape cetanreye emakan uni lạgitʼ hõ sontor akae tahenpe. Gupiyicʼ do cetʼleka acʼakʼ palren bhiḍikoe ńel todarotetʼko onkage ape hõ Isorakʼ manḍerko ńel todarotpe. Ente Isor do acʼakʼ mãyãmte onako manḍerre kirińakada.

Galathiko lạgitʼ Pạul Apostolakʼ ciṭhi 1:4

Aboren Isor Babawakʼ sanaleka Mạsi do aboakʼ kạiko iạte apnarakʼ jiwigeye emkeda, jemon noa bạṛicʼ piṛhirenko khone rukhiyạ bon.

Galathiko lạgitʼ Pạul Apostolakʼ ciṭhi 2:20

Iń do Mạsi tulucʼ iń kurus ocoakana. Onate jiwetʼ do bạnuńa, menkhan Mạsige ińre jiwetʼ menaea. Ar okaṭakʼ hoṛmote jioniń khemaokan ona do Isorren Hoponre pạtiạu hotetegeń khemaoeda. Uni do ińe dulạṛkedeńte acʼ apnartetʼe emena.

Ephesiko lạgitʼ Pạul Apostolakʼ ciṭhi 5:2

Mạsi cetʼlekae dulạṛaketʼ bon ar abon lạgitʼ Isor ńutumte jut so lạgitʼ samaṅokʼakʼ lekate acʼtetʼgeye emen, ṭhik onkage ape hõ dulạṛ horte taṛampe.

Ephesiko lạgitʼ Pạul Apostolakʼ ciṭhi 5:24

Cetʼleka manḍer do Mạsiyakʼ tabere menakʼa onkage maejiuko hõ jotowakʼre apan ạpin jãwãe tabere tahen lek kanako.

Ephesiko lạgitʼ Pạul Apostolakʼ ciṭhi 5:28

Jãwãeko cetʼ leka apnarakʼ hoṛmoko dulạṛetʼkan ṭhik onkage apnarren bạhuko hõ dulạṛko lek kantakoa. Rinicʼtetʼe dulạṛedekan hoṛ do apnargeye dulạṛokʼ kana.

Ephesiko lạgitʼ Pạul Apostolakʼ ciṭhi 5:33

Menkhan ona katha do tahẽocoakʼge. Ape mimitʼko aperen bạhuko apnar leka dulạṛkope ar bạhu hõ onka leka acʼren jãwãeye manotema.

Kolossiko lạgitʼ Pạul Apostolakʼ ciṭhi 3:19

E jãwãeko, apnar bạhuko dulạṛkope, ar alope haṛhatʼakoa.

1Timothi 2:6

Uni do sanam manwako chaḍaoko reakʼ dam lekate acʼakʼ jiwigeye emena. Isore ṭhik dohoakatʼ oktere ona reaṅ goha do em akana,

1 Patras 3:7

Onkage ape hõ E jãwãeko, ape do bujsujte aperen bạhuko tulucʼ tahenpe. Onko do aperen nijor soṅgeten kanako, ar onko hõ ape tulucʼ Isorakʼ daya reakʼ dan lekate jionko ńama. Onate onko manotkope jemon apeakʼ koejoṅ alo akoṭokʼtape.

Johan sodor 1:5

Jisu kangeae pạtiạricʼ goha do ar gocʼko khon unige pạhil dhaoe jiwetʼ beretʼakana, ar dhạrtiren rapajkoren raj doe uni kangea. Uni do aboe dulạṛetʼbona ar acʼakʼ mãyãmte kại khone chaḍaoketʼbona.

Johan sodor 5:9

Onko do noa nãwã sereńko sereńetʼ tahẽkana: “Amge ona puthi hataokate mohor chapko raṛae reakʼ lek kanam, ente am dom gocʼ ocolena. Amge amakʼ mãyãmte mimitʼ bõsko, pạrsirenko, disạmrenko ar jạt jạtrenko mod khon Isor lạgitʼ hoṛkom kiriń akatʼkoa.