Ephesiko lạgitʼ Pạul Apostolakʼ ciṭhi 4:9 - সান্তালী বাইবেল

⁹ “Uni doe beretʼena,” Noa katha khon cetʼ noage baṅ bujhạukʼ kana, Mạsi do dhạrti reakʼ latar utạrakʼkore hõe pheḍlena mente?

Santali Common Language New Testament

⁹ “Uni doe beretʼena,” Noa katha khon cetʼ noage baṅ bujhạukʼ kana je, Mạsi do dhạrti reakʼ latar utạrakʼkore hõe pheḍlena mente?

Ephesiko lạgitʼ Pạul Apostolakʼ ciṭhi 4:9 Iomraidhean Croise

Genesis 11:5

Probhu Isor do manwa oka nagraha ar usul oṛakʼko bekʼnaokan tahẽkan ona ńel lạgitʼe pheḍ hecʼena.

Sereńko 139:15

Tinre iń do danaṅreń benao ocolena, ar eṅgat kukhire tinre ińakʼ hoṛmoko benaokʼkan tahẽkana, unre ińakʼ saj am khon oko do baṅ tahẽkana.

Sereńko 63:9

Okoe ińakʼ jiwi cabaetiń lạgitʼko sendrayediń kan onko do dhạrti reakʼ joto khon latar jaegateko pheḍokʼa.

Sereńko 8:5

Manwa do serma goḍet khon thoṛaganem huḍiń akadea; uni do ṭhonok ar manot reakʼ mukuṭem horokʼ akawadea.

Exodus 19:20

Probhu Isor do Sinại buru coṭreye pheḍ hecʼente Moseye hohoadea ar Mose do buru coṭteye rakapʼena.

Kạhtukko 30:4

Okoe sermate doe rakapʼakana are pheḍ hecʼakana? Okoe do tire hoeye cuputʼ akada? Okoe apnarakʼ kicricʼre sanam dakʼe jarwa dohoakada? Dhạrti reakʼ simạnako do okoeye bandhao akada? Uniyakʼ ńutum ar uniren hoponakʼ ńutum do cetʼ? Amem baḍae khan lạiyạńme baṛe.

Jesaea 44:23

E serma, hulạsokʼme, ente Probhu Isorge noae nonka akada. E dhạrti reakʼ khạndriyakʼko, hulạsokʼpe. E bir buru ar onḍenakʼ dareko, ape do rạskạte andoṛpe, ente Probhu Isor do Jakobe chaḍao akadea ar Israel hotete acʼakʼ ṭhonoke sodortaea.

Jeheskel 31:14

Ona iạte dakʼ aṛe reakʼ eṭakʼ jãhãn dareko do bạḍạite baṅ usulokʼa, ona reakʼ muthniko do rimil bae tiyoga ar ona do nunạkʼ coṭhõ baṅ hara rakabokʼa. Onako joto do manwa leka gujukʼ tabe reakʼ kana; onako do dhạrti reakʼ khạndri, metakʼme patal purite pheḍokʼ lạgitʼ ṭhik doho akana.

Mathae 12:40

Cetʼ leka Jona do maraṅ okocʼ hakoakʼ lacʼre pe siń ar pe ńindại tahẽkan, onkage Manwa Hopon hõ pe siń ar pe ńindạ ot bhitrireye tahena.

Johan 20:17

Jisui menkeda, “Alom hạṛubińạ, ente ńit hõ sermaren Baba ṭhen ạuriń calakʼa. Am do senkate boehako lạiyakome, okoe doe iń ar aperen Babakan ar okoe doe iń ar aperen Isorkan, iń do uni ṭheniń rakapʼ calakʼkana.”

Johan 3:13

Sermare okoeye tahenkan ar serma khon okoeye hecʼakan uni Manwa Hopon chaḍa ar okoe hõ sermate do bako rakapʼ akana.

Johan 6:33

Serma khon pheḍ hecʼkate manwako okoe jione emakokan unikangeae Isore emokʼkan piṭhạ do.”

Johan 6:38

ente ińakʼ sanaleka kạmi lạgitʼ do baṅ, bickom okoeye kol akadiń uniyakʼ monejoṅ leka kạmi lạgitʼge serma khoniń pheḍ hecʼakana.

Johan 6:41

Unre Jihudi mukhiyạko do uni upạrteko karacʼ kurucʼena, ente Jisui metatʼko tahẽkana, “Serma khon oka piṭhạ pheḍ hecʼakan ona piṭhạ doń ińkangea.”

Johan 6:51

Ińge ona jiwetʼ reakʼ piṭhạ do one serma khon pheḍ hecʼakan. Ar okoe noa piṭhại jom uni do jaejug hạbicʼ jiwetʼe tahena. Ińakʼ hoṛmo kangea ona piṭhạ do. Manwa jemon jionko ńam ona lạgitʼ iń do ińakʼ hoṛmoń emokʼa.”

Johan 6:58

Noage serma khon pheḍ hecʼakan piṭhạ do. Aperen hapṛamko okaṭakʼ piṭhạ jomkateko gocʼen onkan piṭhạ noa do baṅkana. Noa okoeye joma uni do jaejug hạbicʼ jiwetʼe tahena.

Johan 6:62

Enḍekhan Manwa Hopon pạhil okareye tahẽkan onḍe rakapʼ calakʼkanpe ńellere ape do cetʼpe mena?

Johan 8:14

Jisui roṛ ruạṛatʼkoa, “Iń do apnarte gohań emetʼkanre hõ ińakʼ goha do sạrigea, ente oka khoniń hecʼakana ar okateń calakʼkan ona doń baḍaegea. Menkhan ape do bape baḍaea oka khoniń hecʼakana ar okateń calakʼa mente.

Ibriko 2:7

Manwa do serma goḍetko khon thoṛaganem huḍiń akadea. Ar uni do ṭhonok ar manot reakʼ mukuṭem horokʼ akawadea.

Ibriko 2:9

menkhan abo do Jisu bon ńelńame kana. Uni do serma goḍetko khon thoṛa ghạṛicʼe huḍiń ocolena, jemon Isorakʼ dayate mimitʼ manwako lạgitʼ jiwiye em daṛeakʼ. Uni do duk sahaokateye gocʼlente man ar ṭhonok reakʼ raj mukuṭe dan akawadea.