Ephesiko lạgitʼ Pạul Apostolakʼ ciṭhi 4:29 - সান্তালী বাইবেল

²⁹ Apeakʼ moca khon bạṛicʼ roṛ do alo oḍokokʼma, bickom jạruṛakʼre eṭakʼko benao rakapʼko lạgitʼ okaṭakʼ bhageakʼkan ona kathage oḍokokʼma, jemon okoe onako ańjom onate onkoakʼ bhạlại hoyokʼtako.

Santali Common Language New Testament

²⁹ Apeakʼ moca khon bạṛicʼ roṛ do alo oḍokokʼma, bickom jạruṛakʼre eṭakʼko benao rakapʼko lạgitʼ okaṭakʼ bhageakʼkan ona kathage oḍokokʼma, jemon okoe onako ańjom onate onkoakʼ bhạlại hoyokʼtako.

Ephesiko lạgitʼ Pạul Apostolakʼ ciṭhi 4:29 Iomraidhean Croise

Sereńko 45:2

Am do manwako modre mońj utạricʼ kanam; amakʼ luṭikin reakʼ kathare do rasa dulogokʼkan leka; Isorakʼ jaejug reakʼ bhor do amrege ńurokʼ kana.

Sereńko 5:9

Ińren bạirikoakʼ oka katha hõ pạtiạuanakʼ do baṅkana, onkoakʼ ontorre do eken nosṭo reakʼ monejoṅakʼge menakʼa, onkoakʼ moca do oṭakʼ akatʼ topa lekana, onko do alaṅte cĩkạ̃ṛ cĩkạ̃ṛ kathako roṛa.

Sereńko 52:2

Amakʼ alaṅ do nonosṭowakʼ lạgitʼgeye goṭayeda; E phạsiạricʼ, amakʼ alaṅ do laser holatʼ lekana.

Sereńko 71:24

Ińakʼ moca do siń sạṭupʼ amakʼ kạmi reakʼ kathageye lạiya, ente muhinre paṛao ocoyiń lạgitʼ okoeko kurumuṭukan tahẽkan onko do lajao arko bemanot ocoakana.

Kạhtukko 12:13

Bạṛicʼ hoṛ do acʼakʼ kạite perecʼ katha hotete jhạlireye paṛaokʼa, menkhan dhorom hoṛ do muhin khone paskaokʼa.

Kạhtukko 15:23

Okoe hoṛ lek lekate kathae roṛ uni doe kusikʼa; ente ṭhik oktere katha roṛ do tinạkʼ bhage!

Kạhtukko 15:7

Ạkilan hoṛkoakʼ luṭi do bidiại pasnaoeda, menkhan bebujkoakʼ ontor do onka baṅkana.

Kạhtukko 16:21

Okoeyakʼ ontorre ạkil menakʼ uni do budane ńumogokʼa, ar heṛem kathate jãhãeye cetʼae khan uni do ạkil ḍherokʼtaea.

Sosolhayic̕ 10:12

Ạkilan hoṛakʼ moca kathare do daya menakʼa, menkhan bebujicʼ do acʼakʼ moca kathateye marao ocokʼa.

Jesaea 50:4

Probhu Isor do sikhnạt reakʼ alaṅgeye em akawadińạ jemon katha hotete laṅga akan hoṛkoń goṛo daṛeako. Uni do dinạm hilokʼ setakʼ jokhecʼe ebhen edeńkana ar ińakʼ luture cetao ocoyetʼtińạ jemon mitʼṭen cela lekań ańjomtae.

Mathae 5:16

Onkage apeakʼ marsal do hoṛko samaṅre jolokʼtapema, jemon apeakʼ bhage kạmi ńelte aperen sermaren Babako sarhaoe.

Luk 4:22

Ar sanam hoṛ do uniko sabasiyadea ar uniyakʼ moca khon oḍokokʼkan mońj mońj katha ańjomte ạḍiko hahaṛayena. Onkoko menkeda, “Nui do cetʼ Josephren hopon doe baṅkana?”

Johan 1:37

Ado Johan noa katha roroṛkin ańjomkede khan unkin banar cela do Jisukin pańjakedea.

Romiko lạgitʼ Pạul Apostolakʼ ciṭhi 14:19

Onate okaṭakʼ kạmile khan suluk hoyokʼ ar okaṭakʼte sanamko bon gopoṛo daṛeakʼ, ona reakʼ bon kurumuṭuima.

Romiko lạgitʼ Pạul Apostolakʼ ciṭhi 15:2

Biswạsi boehako benao rakabe lạgitʼ abo sanamkoge jemon uniyakʼ bhạlại lạgitʼ uni bon kusiocoye.

1 Korinthiko 14:19

Menkhan manḍer talare eṭakʼ eṭakʼ pạrsite hajar hajar kathakoń roṛ khon eṭakʼko cetʼako lạgitʼ bickom ińakʼ bud khon mõṛẽ goṭecʼ kathageń roṛa.

Ephesiko lạgitʼ Pạul Apostolakʼ ciṭhi 4:12

Uni doe bahalketʼkoa jemon Isorren sanam hoṛko uniyakʼ sapʼdapʼ lạgitʼko sapṛaokʼ ar nonkate Mạsiyakʼ hoṛmo jemon benao rakabokʼa.

Ephesiko lạgitʼ Pạul Apostolakʼ ciṭhi 4:16

Goṭa hoṛmo do nonka tolakana je, mimitʼ hạṭińko apan ạpin jaegare tahẽkate hoṛmo tulucʼ joṛao akana. Ar mimitʼ hạṭińko tinre ṭhikleka kạmikʼa unre goṭa hoṛmoge bohokʼ reakʼ ạyurte hara idikʼa ar dulạṛte apnarre benao rakabokʼa.

Kolossiko lạgitʼ Pạul Apostolakʼ ciṭhi 4:6

Apeakʼ roṛ do siń sạṭupʼ dayateakʼ baṛe hoyokʼma, buluṅte adawakʼ leka, jemonpe baḍae daṛeakʼ okoe okaleka roṛ ruạṛako lektapea mente.

1 Thessalonikikko 5:11

Onate ńitokʼ okape cekayetʼkan onkage mimitʼko udgạu emakope ar ape mimitʼko benao rakabokʼpe.

1 Patras 2:12

ente onako do aperen Jiu upạrteye lạṛhại kana. Okoe Isor bako baḍae akade onko talare ape do dhoromte colonpe jemon bedhoromko menteko dusạulepere hõ apeakʼ bhage kạmi ńelte ar bicạr dinre apeakʼ ona kạmiko iạte Isorko sarhaoe.

1 Patras 3:1

Onkage E maejiuko, ape do aperen jãwãeko ṭhen gobol akan tahenpe, jemon jãhãe hoṛ Isorakʼ kathare bako pạtiạulenre hõ apeakʼ colonte onko do Mạsi secʼko ạwilokʼ. Onate ape do mitʼṭecʼ katha hõ roroṛ baṅ lagaoapea,

2 Patras 2:18

Onko do ạuṛi sạuṛi ar lạṭu lạtu kathako roṛa ar manwakoakʼ jel reakʼ bạṛicʼ sanako rakapʼ ocoyetʼte nonkan hoṛko bhul horteko idiyetʼkoa, okoe do bạṛicʼko talare menakʼko khonko oḍok hijukʼkan.