Ephesiko lạgitʼ Pạul Apostolakʼ ciṭhi 4:17 - সান্তালী বাইবেল

¹⁷ Onateń meneda, Probhu Isor ńutumteń sikhạuetʼpe kana boṅgan hoṛ jạtrenko cetʼleka bạṛicʼ cintạ talate jionko khemaoetʼkan onka do alope khemaoa.

Santali Common Language New Testament

¹⁷ Onateń meneda, Probhu ńutumteń sikhạuetʼpe kana boṅgan hoṛ jạtrenko cetʼleka bạṛicʼ cintạ talate jionko khemaoetʼkan onka do alope khemaoa.

Ephesiko lạgitʼ Pạul Apostolakʼ ciṭhi 4:17 Iomraidhean Croise

Nehemiạ 13:15

Ona jokhecʼ iń ńelkeda Jihudạren hoṛko do jirạukʼ mãhãre darkhako lelen kana, phosolko samṭaoeda ar ona phosol, darkha rasa, loa jo ar eṭakʼ sanamakʼ bojhako do gadhareko ladeyeda. Ona chaḍa onko do jirạukʼ mãhãre Jerusalemte onako aderetʼkana. Onate jirạukʼ mãhãre jomakʼ jinis ạkhriń babotre onkoń sontorkatʼkoa.

Jirimiạ 42:19

“E Jihudạren sarecʼ hoṛko Probhu Isor do apeye metapekana, ‘Misorte do alope calakʼa.’ Baḍae dohokakʼpe teheń do apeń sontorkape kana,

Levitikus 15:18

Jãhãe herel hoṛ acʼren bạhutetʼ sãoteye giticʼmitʼlen khan ar herelteakʼ reakʼ itạ oḍoklentae khan unkin do bana hoṛge ḍạbrạ saphakʼ hoyokʼtạkina, ar ạyupʼ hạbicʼ besapha akankin tahena.

Luk 16:28

jemon ińren mõṛẽ goṭen boehakoe sontor daṛeako; ar baṅ khan onko hõ noa sasetokʼ jaegareko hijukʼa.’

Aposkạmi 14:15

“E ho gateko, ape do cedakʼ noakope onkayeda? Ạliń hõ coṅ ape leka duk suk jojom manwakange liń. Ạliń do ape ṭhen bhage sombat liń porcareda jemon noa ạuṛiyakʼko khon jiwetʼ Isor secʼpe, ạcurokʼ. Unige serma ar ot ar jalapuri ar onare menakʼ jotowakʼe sirjạu akada.

Aposkạmi 18:5

Silạs ar Timothi Makedoniạ khonkin hecʼen khan Pạul do eken Isorakʼ katha porcarte acʼakʼ okteko khemaoe ehopʼena. Uni do Jihudiko ṭhen Jisuge Mạsi kanae mente gohae emetʼ tahẽkana.

Aposkạmi 2:40

Ona chaḍa arhõ ạḍi utạr kathakote Patras do goha emokʼe ehopʼena. Uni do noa menkate bujhạu ocokoe kurumuṭukeda, “Niạ peṛta piṛhiren hoṛko khon apnarte bańcaokʼpe.”

Aposkạmi 20:21

Jihudi ar Junạniko ṭhen iń do jorkateń lại akada je, kại khon mon ạcurkate onko do Isor secʼ ruạṛokʼ hoyokʼtakoa ar Probhu Jisure biswạsokʼ jạruṛtakoa.

Romiko lạgitʼ Pạul Apostolakʼ ciṭhi 1:21

Manwa do uni reakʼakʼko baḍaekatere hõ Isor mente bako mạhimawadea, ar bako gunmanao joharadea. Onkoakʼ hudisjoṅakʼko do ạuṛiyakʼena ar onkoakʼ bebuj ontor do ńutte perecʼ akana.

1 Korinthiko 1:12

Iń do noań meneda, apeko modren adomkoko meneda, “Iń doń Pạulren kana” ar adomko doko meneda, “Apollosren kạnạń” ar adomko doko meneda, “Kephasren kạnạń” ar adomko doko meneda, “Iń doń Mạsiren kana.”

1 Korinthiko 15:50

E boehako, okań menetʼkan ona do noage, manwa do acʼakʼ jel ar mãyãmte Isorakʼ raj bae ạidạri daṛeakʼa; ar oka seakʼ ona do nonkanakʼ reakʼ ạidạri bae hoedaṛeakʼa one okaṭakʼ baṅ seakʼ.

2 Korinthiko 9:6

Noa baḍaekakʼpe, okoe korocʼ moṭocʼkateye er, uni do korocʼ moṭocʼkatege ir hõe ira ar okoe ḍhere er uni do ḍhergeye ira.

Galathiko lạgitʼ Pạul Apostolakʼ ciṭhi 3:17

Ińakʼ katha reakʼ mane do noage, Isor do Abraham oktere mitʼṭecʼ kajak bondobose dohoakatʼ tahẽkana. Ar ponsae pegel bochor tayom ạn-ạrikoe emena, ar onate laha reakʼ bondobos do baṅ bạtil lena; menkhan uniyakʼ gokʼakʼ do bahal tahẽyena.

Galathiko lạgitʼ Pạul Apostolakʼ ciṭhi 5:3

Sanamko ṭhen arhõ noa gohań emeda, okoeye khatnakʼkan uni do sanam lekan ạn-ạriko purạu reakʼ dae paṛaoaea.

Ephesiko lạgitʼ Pạul Apostolakʼ ciṭhi 1:22

Isor do sanamakʼge Mạsiyakʼ jaṅga latarreye dohoakada ar jotowakʼre ektiạriye emakawadea, ar unige manḍerren matha menteye dohokedea.

Ephesiko lạgitʼ Pạul Apostolakʼ ciṭhi 4:22

Ar noa sikhnạtpe ńamleda je, apeakʼ pạhil cạl-colon lekaten “Mare hoṛtetʼ ” kicricʼ leka totʼ giḍikaepe, ente lilkạr reakʼ lalocte uni “Mare hoṛtetʼ ” doe bạṛijokʼkana.

Dosar Biboron 27:10

Ape do uniyakʼ bataotaepe. Ar teheń okako hukum ar ạn-ạrikoń emapekan ona dohoype.”

Kolossiko lạgitʼ Pạul Apostolakʼ ciṭhi 2:18

Okoe apnarakʼ hoṛmo kosṭoko emakʼkan ar serma goḍet sewawako reakʼ jạruṛko bujhạuetʼkan onko do apeakʼ jit siropa ńamokʼ horre tạkicʼakʼ jemon aloko hoyocoe. Nonkan hoṛ do okako ńelakatʼ menteko hudisetʼkan ona reaṅ ạḍi maraṅ maraṅ kathako roṛa ar ạuṛi bạḍạiteko phulạukʼa, ente onkoakʼ mon do jel reakʼ sanare gobol akantakoa.

Kolossiko lạgitʼ Pạul Apostolakʼ ciṭhi 2:4

Iń do noa kathageń metapekana jemon okoe hõ ạuṛiyakʼ kathakote bhul horte aloko ạnḍicʼ idipe.

1 Thessalonikikko 4:6

Noa babotre okoe hõ jemon jãhãe boeha behok lekate aloe ṭhokaye. Ale do laharegele lại akatʼpea arle sontorakatʼpea, noako behokakʼ iạtege Probhu Isor doe sạjạipea,

1Timothi 5:21

Isor ar Jisu Mạsi ar bachao akan serma goḍetko samaṅreń kạjiạ̃uetʼme kana, okoe secʼ hõ baṅkate noako kạmime ar mẽtʼãhã beṅgetʼakʼte cetʼ hõ alom kạmiya.

1Timothi 6:13

Isor, okoe do sanamakʼe jiwetʼ ocoyetʼ ar Mạsi Jisu, one uni do Pontus Pilạt ṭhen sạriyakʼ reakʼ gohae emletʼ, uni Isor ar Jisu Mạsi samaṅre iń do noań hukumam kana,

2Timothi 4:1

Mạsire ruạṛ hijukʼ ar uniyakʼ raj reaṅ disạ dohoyte Isor samaṅre, okoe do jiwetʼko ar gocʼkoe bicạrko uni Jisu Mạsi samaṅre iń do noań hukumam kana.

1 Patras 1:18

Baḍaegeape, jion horte calakʼ lạgitʼ aperen hapṛamko ṭhen khonpe ńamakatʼ bạṛicʼ colon khon sona se rupạ leka heṛokʼ jãhãn jiniste do bape kiriń chaḍao akana;

2 Patras 2:18

Onko do ạuṛi sạuṛi ar lạṭu lạtu kathako roṛa ar manwakoakʼ jel reakʼ bạṛicʼ sanako rakapʼ ocoyetʼte nonkan hoṛko bhul horteko idiyetʼkoa, okoe do bạṛicʼko talare menakʼko khonko oḍok hijukʼkan.