Ephesiko lạgitʼ Pạul Apostolakʼ ciṭhi 4:15 - সান্তালী বাইবেল

¹⁵ Bickom dulạṛ monte Mạsi reaṅ sạri katha bon roṛma ar sanamakʼre hara burukʼte Mạsi leka bon hoyokʼma. Uni kangeae hoṛmo reakʼ matha do.

Santali Common Language New Testament

¹⁵ Bickom dulạṛ monte Mạsi reaṅ sạri kathako bon roṛma ar sanamakʼre hara burukʼte Mạsi leka bon hoyokʼma. Uni kangeae hoṛmo reakʼ matha do.

Ephesiko lạgitʼ Pạul Apostolakʼ ciṭhi 4:15 Iomraidhean Croise

Sereńko 32:2

Bhạgangeae uni hoṛ, one okoeyakʼ dosko Probhu Isor doe ikạ akatʼtae, ar ontorre jãhãn eṛeteakʼ bạnukʼtae.

Sakariạ 8:16

Niạko hukum do manao hoyokʼtapea. Ape do eṭakʼko ṭhen sạriyakʼ kathape roṛa ar apeakʼ adalotre hok reakʼpe bicạra jemon hoṛko talare suluk hoyokʼ;

Malaki 4:2

Menkhan ape okoe do ińpe botorạń kan ape cetanre iń do dhoromren siń candoń rakapʼ ocoyea uniyakʼ marsalre do phạphạriạwakʼge tahena. Ar ape do goṛa khon oḍok ạgukede mĩhũ lekape piḍgạu baṛaea.

Johan 1:47

Jisu do Nathanael acʼ ṭhen hijukʼkane ńelkede khane menkeda, “Hạni ńelepe, mitʼṭen sạri Israel. Uniyakʼ monre do jãhãn phạsiạrage bạnukʼ anaṅ.”

Romiko lạgitʼ Pạul Apostolakʼ ciṭhi 12:9

Dulạṛre phạsiạra do alo tahenma. Okaṭakʼ bạṛicʼakʼkan ona do hirkhạwakʼpe; ar bhageakʼre jamaṛ akae tahenpe.

1 Korinthiko 11:3

Iń doń menjoṅ kana jemonpe baḍae baṅma, mitʼke mitʼ herelkoren matha do Mạsige, ar maejiuren matha do jãwãetetʼ, ar Mạsiren matha do Isorge.

2 Korinthiko 4:2

Ar hoṛko danaṅre oka lajao paṛaoakʼko kạmikan ona do ekaltege bale kạmikana. Ale do okaṭakʼ kạmirege bale eṛeya, ar Isorakʼ kathare jãhãnakʼ ạuṛiyakʼ hõ bale mesaletʼkana. Bickom Isorakʼ sạriyakʼtetʼ sodorkate uni samaṅre sanam hoṛkoakʼ bibek ṭhen ataṅokʼ lek mente apnarle sodorokʼ kana.

2 Korinthiko 8:8

Noań hukumape kana ona do baṅa, menkhan eṭakʼkoakʼ jid reakʼ katha baḍae ocopeteń biḍạu aṭkaretʼ pea apeakʼ dulạṛ do tinạkʼgan khạṭi tapea mente.

Ephesiko lạgitʼ Pạul Apostolakʼ ciṭhi 1:22

Isor do sanamakʼge Mạsiyakʼ jaṅga latarreye dohoakada ar jotowakʼre ektiạriye emakawadea, ar unige manḍerren matha menteye dohokedea.

Ephesiko lạgitʼ Pạul Apostolakʼ ciṭhi 1:4

Isorakʼ mẽtʼãhã samaṅre sonot ar niphuṭko jemon bon hoyokʼ onate Isor do dhạrti ạuriye sirjạurege Mạsi hoteteye bachao akatʼbon tahẽkana. Uni do acʼakʼ dulạṛ ar kusite apnarakʼ monejoṅ leka laharegeye ṭhik dohoakatʼ tahẽkana, Jisu Mạsi hotete acʼren hoponko lekateye ataṅ bona mente.

Ephesiko lạgitʼ Pạul Apostolakʼ ciṭhi 2:21

Mạsi tulucʼ kolom mitʼ akante dolan reakʼ goṭa hĩsge mitʼ sãote jopoṛao akante Probhu Isorakʼ tahen lạgitʼ mitʼṭecʼ sonot oṛakʼ benao rakabokʼ kana.

Ephesiko lạgitʼ Pạul Apostolakʼ ciṭhi 4:25

Onate eṛeakʼ do bạgi giḍiyakʼpe ar ape apere sạri kathako roṛpe, ente jotokoge mimitʼko sãote bon jopoṛaogea.

Ephesiko lạgitʼ Pạul Apostolakʼ ciṭhi 5:23

ente Mạsi do cetʼleka manḍerren mathakane, metakʼme acʼakʼ hoṛmo reakʼ mathakane, onkage herel hõ maejiuren matha kanae. Ona chaḍa noa hoṛmoren babańcaoicʼ do Mạsige.

1 Patras 1:22

Ńitokʼ do sạriạkʼtetʼpe manaoetʼte apeakʼ ontorpe sapha akada, ar onatege biswạsi boehako do ape ṭhen dulạṛiạko kanako. Onateń meneda, ape mimitʼko khạndri ontorte dupulạṛpe.

1 Patras 2:2

Nãwã janam bale gidrạ leka apeakʼ jiure hara rakabokʼ lạgitʼ khạṭi toa ńam reakʼ gagojokʼpe, jemon onatepe hara rakabokʼte purạpuri bańcaokʼ secʼpe laha idikʼ.

2 Patras 3:18

Ape do aboren Probhu Isor ar babańcaoicʼ Jisu Mạsiyakʼ daya ar uni reaṅ akelte hara rakabokʼpe. Ńit ar jaejug hạbicʼ uniyakʼge ṭhonok hoyokʼtae ma. Amen.

1 Johan 3:18

E gidrạko, abo do eken moca kathate dulạṛ baṅ udukʼkate kạmi hotete sạriyakʼ reakʼ dulạṛ bon udugma.

Bikʼcạrko 16:15

Onate Dolila do uniye metadea, “Cekatem meneda, ińem dulạṛedińa mente? Amakʼ mon do ińre bạnukʼtama. Niạ ghalokʼ pe dhao bokam benaokedińa. Ar amakʼ noa maraṅ daṛe cetʼre menakʼtama ona do bam baḍae ocoledińa.”